1 ፐቲ ጋላስ ጵጽሮሳኔ ዋንሳ ጾስ ዎሶዳይስ ኡዱፉን ሳተር ጾስ ካራ Ꮊንጌዛ። 2 የልንቴዝ ጋላሳፕ አይኪ ቶኬ ስሌዝ ፐቲ አꬃይ ጾስ ካራ ገልዛ አሳይፕ ሚሸ ዎሶዳይ ጋርክ ኡባ ዎደ ሎኦ ግዝ ጾስ ካራ ፐንገ ጋላስ ጋላስ ክኢ ጋድዛዝን። 3 የ ቶኬ ስሌዝ አꬃይ ጵጽሮሳኔ ዋንሳ ጾስ ካራ ገሎድ ሀኖዳር ብኢ ኡንታን ሚሸ ዎሴዛ።

4 ኡንትካ ኤዛ ዳኪ ብኢ፥ ጵጽሮሳ «ኑኮ Ꮊና ቦኦባ» ዬጌዛ። 5 ቶኬ ስላ አꬃይ ኡንታፕ አኮ ባዝ ደማዳ ኣዝን ኡንታን በኤዛ። 6 ዝን ጵጽሮሳ ኤዝኮ፥ «ታስ ብራኔ ዎርቃ ባያ፥ ዝን ታስ የዛ ባዝ ታ ኔስ እማዳ። ናዝረተ የሱስ ክርስቶሳ ሱንꬃር ደንዲ የꬎባ» ዬጌዛ።

7 የይፕ ጉየ፥ ስላ አꬃይስ ኡሻች ኩሻ አይኪ ደንꬄዛ። ኤልሲ ኤ ቶካይኔ ቅልጫይ ሚንጊ አቴዛ። 8 አꬃይ ጉፒ ደንዲ ኤቄዛ። ገደኔ Ꮊና የꬅ አይኬዛ። የይፕ ጉየ፥ የꬍታራኔ፥ ጉፕታር ጾስ ጋላትታር ኡንታር ዎላ ጾስ ካራ ገሌዛ።

9 ኤ የꬎዳራኔ ጾስ ጋላቶዳር አሲ ኡባይ ኤዛ በኤዛ። 10 በኤዝ ኡቢታይካ ሚሸ ዎሶዳይስ ሎኦ ግዝ ጾስ ካራ ፐንገል በቴዛይ ኤዛ ማቄዛ ኤሬዛ፤ ኤ ሀኔዝባዛ ብኢ ማላባዝ ጌዛ።

11 አꬃይ ጵጽሮሳፐኔ ዋንሳፕ ዱጻም ግ አይኪ የዝን አሲ ኡባይ ማላባዝ ግ፥ ሶሎሞነ ባራንዳ ግዝ አቆ ዎላ ኡንትኮ ዎጼዛ። 12 ጵጽሮሳ አሳ ብኢ አሳይኮ፥ «እስሬለ አሳዮ፥ አብስ Ꮊያ ማላባዝ ጌ? ዎይ አብስ ኑና ዳኪ በኤ? ኑኒ ኑ ዎልቃር ዎይ ኑ ሎኦትꬃይር Ꮊ አꬃ የꬄዝባዝ ይንትስ ኣዝኔ? 13 አፍራመ፥ እሳቃ፥ ያይቆባ ጾሳይ፥ ኑ አድታይ ጾሳይ፥ ፋ ናአ የሱሳ ቦንቼዛ። ዝን ይ Ꮊይቆስ ኣꬂ እንጌዛ ጵላጾሳ ብልኦዳይስ ኮይኮካ ይ ኤ ቲና፥ ‹ኑኒ ኤዛ ኮዮያ› ዬጌዛ። ከስ 3:15 14 ይ ጌሻኔ ጽላ፥ ካዲ፥ ሸምፖ ዎꬌዛ ይንትስ ብሎዳይ ጋርክ ጵላጾሳ ዎሴዛ። ማቶ. 27:15-23፤ ማር. 15:6-14፤ ሉቃ. 23:13-23፤ ዋን. 9:12-15 15 ደኦ እንግዛ ይ ዎꬌዛ፥ ዝን ጾሲ Ꮊይቆፕ ኤዛ ደንꬄዛ። የይስ ኑኒ ማርካ። 16 Ꮊ ይ ብእዛይኔ ኤርዛ አሳይ ፓጺ ምንጌዛይ የሱሳ ሱንꬃር አማኔዝ ግሾ። Ꮊ ይ ኡባይ ቲና ኤዛ Ꮊይ ጋርክ ፓꬄዛይ ኤ የሱሳ አማኔዝ ግሾስ።

17 «Ꮊተካ ታ እሹንꬆ፥ ይንትካ ይንታን ካልꬅዝታይካ፥ ኤረካዛር ኦꬄዛና ታኒ ኤርዛ። 18 ዝን ጾሲ ብኒ ናብታይ ኡባ ዶናር፥ ‹ክርስቶሳ ዋየ ኤኮዳይስ ቤዝዛ› ዬጌዛይ ፖልንቶዳይ ጋርክ ኡዴዛ። 19 ይኬ፥ ጾሲ ይ ናጋራ አቶ ጎዳይ ጋርክ ማሮቶꬅ ገሊ ጎዳይኮ ማቆይታ። 20 ጎዳይ ካለፕ ምንꬃꬆ ዎደ ይንትስ የኦዳ። ጎዳይ ቲናቲ ዶሬዝ ክርስቶሳ ይንትስ ዳኮዳ። 21 ጾሲ ፋ ጌሽ ናብታይ ዶናር ብኒ ኦዴዛይ ጋርክ ኡባ ባዝ ኦሮጽዛ ዎደ ሄሎዳይስ Ꮊ የሱሳ ሳሎ ጋምኦዳይስ ቤዝዛ። 22 ሙሰ፥ ‹ጎዳ ጾሳይ ታና ደንꬄዛይ ጋርክ ይ ጋንጨፕ ይንትስ ናበ ደንꬆዳ። ይ ኤ ግዛ ኡባ ስኦይታ። ናምእ. 18:15፥ 18 23 የ ናባይ ኦዳ ስኦዋ አስ ኦንካ አስ ጋንጨፕ ሻክንቲ ꬋቦ› ዬጌዛ። ናምእ. 18:19

24 «ማ ሳምኤላፕ አይኪ የዝ ናብታይ ኡቢታይ Ꮊ ዎደ ባጋ ኦዴዛ። 25 ይ ናብታይ ናእታ፤ ማ ጾስ አፍራመስ፥ ‹ሳአል የዝ አስ ኡባ ታኒ ነ ሼሻይ ባጋር አንጆዳ› ዬጊ ኑ አድታይስ ገሌዝ ቃላ ጫቆ ላትዛ ናእታ። መ. 22:18 26 ጾስ ይንታን ኡባ ይ ኢታ ኦጋይፕ ማሂ አንጆዳይ ጋርክ ፋ ናአ ደንꬂ ይንትስ ቲና ዳኬዛ» ዬጌዛ።