4
ጵጽሮሳኔ ዋንሳ አይሁደ ሻንጎ ቲና
1 ጵጽሮሳኔ ዋንሳ አሳይስ ኦዶዳር ቄስታይ፥ ጾስ ካራ ናግዝታይ ሀላቃይኔ ሳዱቃውታይ ኡንትኮ የኤዛ። 2 ኡንቲ የሱሳ Ꮊይቆፕ ደንዴዛኔ የይፕ ደንዴዛይድ Ꮊይቆፕ ደንዶ የዛና ዎያ ታማርሴዝ ግሾስ ይሎቴዛ። 3 የይ ግሾ፥ ኡንታን አይኪ ሳአ ኦማꬄዛይፕ ዎንቶድ ሄሎዳይስ አች ካራ ገልሴዛ። 4 ዝን ቃላ ስኤዝታይፕ ጋምታይ አማኔዛ። አማኔዝ ꬊራꬅ አሳይ ታይባይ እችን ሙኩለ ሄሌዛ።
5 ዎንትꬃ ጋላስ ካልꬅዝታይ፥ ጭምታይኔ፥ ህገ አስታማርታይ የሩሳላመ ሺቄዛ። 6 የ አሳይ ጋንጨ ቄሰ ሀላቃ ሃና፥ ቃያፋ፥ ዋንሳ፥ ኢስክንድረኔ ቄሰ ሀላቃይ ካራ አስታይ ኡባይ የዛ። 7 ሀዋርታ ፋ ቲና ኤስ፥ «አባ ዎልቃር ዎይ ኦ ሱንꬃር Ꮊያ ይ ኦꬄኔ?» ዬጊ ኦይጬዛ።
8 የ ዎደ ጵጽሮሳ ጌሻ አያናር ኩሚ፥ «ዎያ ሀላቅታዮኔ፥ ጭምታዮ፥ 9 Ꮊይኖ Ꮊ ዎቦ አꬃይስ ኦስንቴዝ ሎኦ ኦሳይል ኤ ዋይዚ ፓጼዛኮ ይ ኑና ኦይጭኮ፥ 10 ማዝቃለል አፋ ይ ሶጽን፥ ጾሲ Ꮊይቆፕ ደንꬄዝ ናዝረተ የሱስ ክርስቶሳ ሱንꬃይር Ꮊ አꬃይ ፓጺ ይ ቲና ኤቄዛይ ይንትስኔ እስሬለ አስ ኡባይስ ኤርንቶ።
11 «‹ይንቲ ግምቢዝታይ ቦሪ እጼዝ ሹቻይ፥
ኬꬄ ሙመር ቶኪ አይክዝ ክርክሮ ጋርከ፥
ኡባይፕ ኣꬊዝ ሹች ማቄዛ፤
የ ሹቻይ የሱሳ።›ማዝ. 118:22
12 የይ ግሾስ፥ አቶትꬂ ኤ ባጋራፕ አትን ሀራ ኦ ባጋራካ ባያ። ኑኒ ኤ ሱንꬃር አቶድ ጋርክ አስ ኡባይስ ጾሲ ሳሎፕ ኦሞር እንጌዝ ሀራ ሱንꬂ ባያ» ዬጌዛ።
13 ሺቄዝ አሳይ ጵጽሮሳኔ ዋንሳ ያሻ ባይꬅ ቆንጨ ኦዴዛና ብኢ ዎደ ኡንቲ ታማረካ ጨረ አስ ማቄዛና አካኪ ማላባዝ ጌዛ፤ ኡንቲ የሱሳር የዛያና ኤሬዛ። 14 ማ ፓጼዝ አꬃይ ጵጽሮሳራኔ ዋንሳራ ኤቄዛና አሳይ ብእን ጎድባዝ ꬋቤዛ። 15 ዝን ጵጽሮሳኔ ዋንሳ ባለ ከዞዳይ ጋርክ ኡዲ ፋ ጋንጨ፥ 16 «Ꮊ አስታ ኑ አብ ኡዶ? ኡ ኩሸ ኦስንቴዝ ግታ ማላ ባዛይ የሩሳላመ የዝ ኡባይስ በንትዛ። ኑኒ የያ ኤሮዋ ጎዳይስ ዳንዳኦያ። 17 ዝን Ꮊ ኦዳይ አስ ጋንጨ ላልንታማይ ጋርክ ይከፕ ጉየ Ꮊ አስታይ የሱሳ ሱንꬃይር ኦስካ ኦዳማይኔ ታማርሳማይ ጋርክ ሚንꬂ ኦዲ» ዬጊ ዞርንቴዛ።
18 ኡንታን ጼጊ፥ የሱሳ ሱንꬃይር Ꮊንፕ ገደ የሻ ኦዳማይ ጋርከኔ ታማርሳማይ ጋርክ ኪቴዛ። 19 ዝን ጵጽሮሳኔ ዋንሳ ኡንትኮ ማሂ፥ «ጾስስ ኪትንቶዳይፐኔ ይንትስ ኪትንቶዳይፕ ጾስ ቲና ኣይ ሎኦዛኮ አን ይ ፕርዶይታ። 20 ኑኒ በኤዝ ባዝኔ ስኤዝባዝ ኦዳ አሾዳይስ ዳንዳኦያ» ዬጌዛ።
21 ዎያ ጭምታይኔ ካልꬅዝታይ ካሴሳይፕ ሚንꬂ ናግሲ ኡንታን ዳኪ አሼዛ። አሳይ ሀኔዝባዛይስ ጾስ ጋላትዛ ግሾስ ኡንታን ሴሮዳይስ ዳንዳእበኤካያ። 22 የ ማላታይር ሀርገፕ ፓꬄዝ አꬃይስ ላይꬃይ ኦይታማፕ ኣꬎ።
አማንዛ አሳይ ዎሳ
23 ጵጽሮሳኔ ዋንሳ ብልእንቲ ኡንታር አማንዛ ዳብታይኮ Ꮊንጊ፥ ቄሰ ሀላቅታይኔ ጭምታይ ፋኮ ጌዝባዝ ኡባ ኡንትስ ኦዴዛ። 24 ኡንቲ የያ ስኤዝ ዎደ ፐቲ ዎዝናር ማቂ ጾሳ Ꮊይ ጋርክ ዬጊ ዎሴዛ፦ «ኡባ ሞድዝ ጎዳዮ፥ ሳሎ፥ ሳአ፥ አባኔ ኡ ጋንጨ የዝ ኡባ ባዝ መꬌዛዮ፥ከስ 20:11፤ ናህ. 9:6፤ ማዝ. 146:6 25 ኔኒ ነ አይላና፥ ኑ አደ ዳዉተ ዶና ጌሻ አያናር፥
«‹ዎያ አብስ ይሎቴኔ?
አሳይ አብስ ጨረ ቶቤኔ?ማዝ. 2:1-2
26 ሳአ ካትትይኔ
ጋደ ሀርዝታይ ፐትፕ ጎዳይል አፋኔ
ኤ ክርስቶሳል አፋ ደንዴዛ› ዬጌዛ።
27 «ቱማካ፥ ሄሮዶሳኔ ጰንጸ ጵላጾሳ አይሁደ ባ አሳይራኔ እስሬለ አሳይራ ነ ትዤዝ ነ ጌሻ ናአ የሱሳል አፋ ደንዶዳይስ Ꮊ ካታማይ ሺቄዛ። ማቶ. 27:1-2፤ ማር. 15:1፤ ሉቃ. 23:1፥ 7-11፤ ዋን. 18:28-29 28 ማ ነ ዎልቃይዳኔ ነ ሸናይድ ኡዶድ ግ ቆፕ በቴዛ ኡባ ኡንቲ ፖሌዛ። 29 Ꮊተካ ጎዳዮ፥ ኡ ማንድꬃ ቦኦባ፤ ኑኒ ነ አይልታይ ነ ቃላ ኩንꬅ ዎዝናር ኦዶዳ ጋርክ ኑና ዳንዳእሶባ። 30 ነ ጌሻ ኦሳንቾ የሱሳ ሱንꬃር ሀርጋንችታ ፓꬆዳይስ፥ ኦራꬅባዝኔ ማላትታይ ኦስንቶዳይ ጋርክ ነ ኩሸ ምጮባ» ግ ዎሴዛ።
31 ኡንቲ ጾስ ዎሴዛይፕ ጉየ የ ኡንቲ ሺቄዝ አቃይ ኤንኤዛ። ኡ ኡባይ ጌሻ አያናር ኩምን ጾስ ቃላ ጎብ ኦዴዛ።
ቲና አማኔዝ አሳይ ፐትፐተꬅ
32 አማንዝታይ ኡባይ ቆፋራኔ ዎዝናር ፐቶ ማቄዛ። ኡንቲ ፓስ የዛ ባዝ ታባዝ ጌካዛር ፐትፕ ሻክንትዛ። ሀዋ. ኦ. 2:44-45 33 ሀዋርታይ ጎዳ የሱሳ Ꮊይቆፕ ደንꬄዝ ግታ ዎልቃር ማርካትዛ። ጾስ ኡንትስ ኡባይስ ኣꬎ ኬሃትꬃይፕ ጋንꬂ እንጌዛ። 34 ቢታ ዎይ ካምፓ የዝታይ ኡባይ ባይዚ ኤኬዝ ሚሻ ክእዛ ግሾስ አማንዝታይ ጋንጨ መትንቴዛይ ፐታካ ባያ። 35 ሚሸ ክኢ ሀዋርታይስ እንግዛ፤ የ ሚሻ ፐታይስ ፐታይስ ኮሽዛይ ጋርክ ሻጊ ሻጊ እንግዛ።
36 ቆጲሮሳ ግዝ አቆ የልንቴዝ ዮሴፋ ግዝ ለወ ሼሻይፕ ማቄዝ ፐታይ የዛ። ኤ ሱንꬃ ሀዋርታይ ባርናባሳ ጌዛ። ባርናባሳ ጉሳይ ምንꬃꬆ ናአ ጉሲ ጌዛ። 37 ባርናባሳ ፓስ የዝ ቢታ ባይዚ ሚሻ ክኢ ሀዋርታይስ እንጌዛ።