1 አጵሎሳ ቆሮንቶሳ የዝን፥ ጳዉሎሳ ዎክ ባጋ ጋደር ኣꬊ ኤፈሶነ ሄሌዛ። ኤዛይድ ፐቲ ፐቲ አማንዛ አስታ ደንጌዛ። 2 ኡንታናካ፥ «ይ አማኔዝ ዎደ ጌሻ አያና ኤኬኔ?» ዬጊ ኦይጬዛ።

ኡንቲ፥ «ዋኣ፥ ኤከካያ፤ ሀራ አቶዝን፥ ጌሻ አያና የዛናካ ኑ ስኤካያ» ዬጌዛ።

3 ጳዉሎሳ ኡንትኮ፥ «የዝን፥ ይ አባር ጻማቅንቴኔ?» ዬጌዛ።

ኡንቲ፥ «ኑኒ ዋንሳ ጽንቃታ ጻማቅንቴዛ» ዬጊ ማሄዛ።

4 ጳዉሎሳ፥ «ዋንሳ ፓፕ ጉየር ይእዝ የሱስና አሳይ አማኖዳይ ጋርክ አሳይስ ኦድታር፥ ማሮትꬅስ ቤዝዛ ጽንቃታ ጻማቄዛ» ዬጌዛ። ማቶ. 3:11፤ ማር. 1:4፥ 7-8፤ ሉቃ. 3:4፥ 16፤ ዋን. 1:26-27

5 ኡንቲ የያ ስኢ ጎዳ የሱሳ ታማርታ ማቆዳይስ ኤ ሱንꬃር ጻማቅንቴዛ ጋላስ ጋላስ ጌሻ ማጻፍታ ናባብዛ። 6 ጳዉሎሳ ፋ ኩሻ ኡንታል አፋ ጋድን ጌሻ አያና ኡንታል አፋ ዎꬍን፥ ዱማ ዱማ ዶናር ኦድንቴዛ፤ ማ ትንቢተ ኦዴዛ። 7 የ አቃይድ ታጶ ናምኤ ማቅዝ አስታይ የዛ።

8 ጳዉሎሳ አይሁደ ዎሳ ኬꬅ ገሊ፥ ጾስ ካተትꬂ ባጋ ያሽተካዛር ፓላምታራኔ ሎእꬂ ቆንጭስታር ኡንታር ሀይꬒ አጌና ሄሎዳይስ ጋምኤዛ። 9 ዝን ኡንታፕ ፐታይ ፐታይ ꬉበ ማቂ ጋመ አሳይ ቲና ጎዳይ ኦጋ ጫዢ አማናም እጼዛ። ጳዉሎሳ አማንዝታ ኡንታፕ ሻጊ ኤኪ ጽራኖሳ ግዝ ትምርተ ኬꬃ ኡባ ዎደ ኡንታን ታማርሴዛ። 10 ጳዉሎሳ ናምኢ ላይꬅ ሄሎዳይስ ቃላ ኦዴዛ። የይ ግሾስ፥ ኢስያ የዝ አስ ኡባይ፥ አይሁድታይኔ አይሁደ ባዝታይ ጎዳይ ቃላ ስኤዛ።

11 ጾሳይ ጳዉሎሳ ኩሸ ዎልቃማ ማላባዝታ ኦꬄዛ። 12 የይ ግሾስ፥ አሳይ ኤ ጋላ ቦቼዝ ማራበ ዎይ ማኦ ሀርግንቴዝ አሳይስ ካንግዛ። ኡንትካ ፓጽዛ፤ ቱና አያንታይካ ኡንታፕ ከዝዛ።

13 ቱና አያንታ ከስታር ዩይዛ አይሁድታይፕ ፐታይ ፐታይ፥ «ጳዉሎሳ ሳባክዛ የሱሳ ሱንꬃይር ከዞይታ ግ ይንታን አዛዝዛ» ዬጊ፥ ቱና ጋለንታይ አይኬዝ አስታይል አፋ ጎዳ የሱሳ ሱንꬃ ጼጌዛ 14 አይሁደ ቄሰ ሀላቅታይፕ ፐታ ማቄዝ አስቄዋ ግንትዝ አꬃይስ የያ ኦꬅዛ ላፑን ꬊራꬅ ናእታይ የዛ።

15 ዝን ቱና አያናይ ኡንትኮ፥ «ታኒ የሱሳካ ጳዉሎሳ ባጋካ ኤርዛ፥ ዝን ይንቲ ኦናንታራ?» ዬጌዛ።

16 ቱና አያና አይኬዝ አꬃይ ኡንታል አፋ ዶንጊ ዎꬊ፥ ኡንታል ማዶꬅ ከሲ፥ የ ካርትፕ ካሎ ላሲ ꬋቦድ ሄሎዳይስ ዎልቃሚ ጋሜዛ። 17 ኤፈሶና የዝ አይሁድታይኔ አይሁደ ባዝታይ ኡባይ የያ ስኢ ኢታ ያሽቴዛ። ጎዳ የሱሳ ሱንꬃይ ጋመ ቦንችንቴዛ። 18 አማንዝታይፕ ጋምታይ ፋ ኦꬄዝ ኢታ ኦሳ ቡጽታራኔ ቆንጨ ኦድታር ይእዛ። 19 ሙሩንታይፕ ጋምታይ ፋ ማጻፍታ ሺሺ አስ ኡባይ ቲና ምቼዛ። የ ማጻፍታይ ዋጋይ ዋጋይ እሻታም ሙኩለ ብራ *ሹች ብራ፦ ማቶሳ 26:15 ቦኦይታ። ማቄዛ። 20 የይ ጋርክ ሀኒ ጾስ ቃላይ ዎልቃር ድጭታራኔ ዳልግታር ቅቴዛ።

21 የይ ፖልንቴዛፕ ጉየ ጳዉሎሳ፥ «ታኒ የሩሳላመ ማቂ ኦሮመ Ꮊማዳይስ ቤዝዛ» ዬጊ ማቃዶናራኔ አካያራ ኣꬊ የሩሳላመ Ꮊማዳይስ ቆፋ አጬዛ። 22 ማ ፋና ማድዝታይፕ ናምእታ ጽማቶሳኔ ኤራስጾሳ ማቃዶና ኪቲ፥ ፓስ ኢስያ ጽቃ ዎደ ጋምኤዛ።

23 የ ዎደ Ꮊ ኦጋይ ግሾስ ኢታ ካቺ ከዜዝ። 24 ፐቲ ብራ ኦꬅዝ ድመጽሮሳ ግንትዝ አꬃይ አርጸምሳ ኤቃ ካራ ምስለ ብራፕ መꬊ ጋመ ዎ ደንግዛዝን። 25 የይ ግሾስ፥ የይ ጋርክ ኦሶ ኦꬅዝታ ፐትፕ ሺሺ፥ «አሳዮ፥ ኑ ዱረትꬃይ Ꮊ ኦሳይፕ ማቄዛና ይ ኤርዛ። 26 ጳዉሎሳ፥ Ꮊይ ‹አስ ኩሸ ኦስንቴዝታይ ጾስ ባያ› ዬጊ፥ ኤፈሶናራኔ ጽቃ ቢትታይፕ አትን ሙመ ኢሳ ቢታ ኡባይል የዝ ጋመ አሳይስ ኦዲ አማንꬄዛኔ ማሄዛ ይ በኤዛኔ ስኤዛ። 27 መቶ ማቄዛይ፥ ኑ ኦሳይ ለቅንቴዝታ ኣዳ ባዝን ኢሳኔ ጋደ ኡባይል የዝ አስ ጎይንዛ ግታ ጾስኔ አርጸምሳ ካራይ ኦድንተካ አቶዳይኔ ኤ ዳሞትꬃይካ ዎꬎዳይ ያሽዛ» ዬጌዛ።

28 አሳይ የያ ስኢ ሸነር ኩሚ፥ «ኤፍሶና አርጸምሳ ባይራ» ዬጊ ኡኬዛ። 29 የ ኡፋይ ካታማ ኡባ ሄሌዛ። ጳዉሎሳ ላግታ ማቃዶና አስታ፥ ጋዮሳኔ አርስጽሮኮሳ ኡንታር ዎላ ዳፍ ኤኪ ካእዛ አቃ ዎጼዛ። 30 ጳዉሎሳካ አሳይ ሺቄዝ አቆ ገሎዳይስ ኮዬዛ፥ ዝን አማኔዝታይ ኤዛ ካዬዛ። 31 ኢሳ ቢታ ሀላቅታይፕ ጳዉሎሳስ ዣመ ማቄዝ ፐታይ ፐታይ ጳዉሎሳኮ ኪቲ፥ «ካእዛ አቆ ቆንጨር ከዚ በንትፐ» ግ ኤዛ ዎሴዛ።

32 ሺቄዝ አሳይስ ሀኖድ ባዝ ꬋቤዛ፤ ጋንግዛ ባጋ አሳይ ሀራ አቶዝን አብስ ሺቄዛኮ ኤረካዛይ ግሾስ ፐታይ ፐትባዝ ግ ኡክዛ ማ Ꮊንክታይ ሀራ ባዝ ግ ኡክዛ። 33 አይሁድታይ ኢስክንድሮሰ ግዝ አꬃ ዎያ ጋንጨፕ ቲና ኡርቄዝ፥ ፐቲ ፐቲ አሳይ ኤ ጎድባዛ ኦድን ኤዚ አሳይ ስእ ጎዳይ ጋርክ ፋ ኩሻይር ማሊ ቤዚ፥ አሳይስ ሞትንቶዳይስ ኤቄዛ። 34 ዝን ኢስክንድረ አይሁደ አስ ማቄዝ አሳይ ኤሪ ናምኢ ሳተ ማቆድ ሄሎዳይስ ኡባይ ፐቲ ቃላር፥ «ኤፈሶና አርጸምሳ ዳማ» ዬጊ ኡኬዛ።

35 ዉርስꬃ የ ካታምቲ ጻፋይ ዎያ ስኢ ኡዲ፥ «ኤፈሶና አሶ! ኤፈሶና ካታማይ ግታ አርጸሚሳስ ኤቃ ካራኔ ሳሎፕ ዎꬌዝ፥ ግታ ሹች ናግዛ ማቄዛና ኤሮዋ አስ ኦኖ? 36 Ꮊያ ላህዛ አስ ባ ማቅኮ ይ ስእ ጎዳይስነ ኤልሲ እታ ባዝ ኦꬆፕ ናግንቶዳይስ ቤዝዛ። 37 ይ Ꮊ አስታ፥ ኤቃ ኬꬅ ሚሸ ካስተካዝታኔ ኑ ጾስታ ጫዢ በኤካዝታ ከኤዛ። 38 የይ ግሾስ፥ ድመጽሮሳኔ ኤዛር የዝ ኦሳንችታይ ኦራካ ሞትንቶ ኮይኮ፥ ፕርደ ኬꬅ የዛ፤ ዳይንታይካ የዛ፤ ኡ ሞቶዳይስካ ዳንዳእዛ። 39 ዝን ይ ሀራ ኦዳ ኮይኮ፥ ሻንጎ ሺቆል ኦዳይ ብእንቶ። 40 የይ ማቃም እጽኮ Ꮊይኖ ሀኔዝባዛይስ ኦሮመ ካተትꬃይ ኑና ኦይጮዳ። Ꮊ ቡቅꬃይስ ጋሶ ባ ግሾስ ኑኒ ማልሰ ማሆዳይስ ዳንዳኦያ» 41 ዬጊ ሺቃ ላሌዛ።