1 ጫቦትꬃይ ሀይዜዝን ጳዉሎሳ አማንዛ አስታ ጼግሲ ኡንታን ምንꬃꬄዛይፕ ጉየ ሳሮꬅ ማቃዶና Ꮊማዳይስ ከዜዝ። 2 ኤ ኣꬊዝ ቢታይድ የዝ አማንዛ አሳይስ ዞረ ቃላ ኦዲ ምንꬃꬄዛይፕ ጉየ ግርኬ ጋደ ቅቴዛ። 3 ኤ ኤዛይድ ሀይꬒ አጌና በቲ፥ ማርካበር ሶራ Ꮊማዳይስ ሙርቲ የዝን፥ አይሁድታይ ኤዛ ዎꬎዳይስ ኮዥዛና ኤሪ ማቃዶናር ጉየ ማቆዳይስ ኮዤዛ።

4 ጳዉሎሳ ሞይዜዛ ቤራፐ ጳርሁሳ ናአ ሶጳጽሮሳ፥ ተሰሎንቀፕ አርስጽሮኮሳኔ ስኮንዱሳ፥ ደርበፕ ጋዮሳ፥ ኢስያፕ ትክቆሳ፥ ጽሮፍሞሳኔ ጽማቶሳ። 5 የይትታይ ቲና Ꮊንጊ ኑና ጽሮአዳል ናግዛ። 6 ኑኒ ቦራ ባለ ቦንቼዛይፕ ጉየ ፕልጲሶሳፕ ማርካበር ደንዲ፥ እችንꬃ ጋላስ ኡንታን ጽሮአዳ ሄሊ ኤዛይድ ላፑን ጋላስ ጋምኤዛ።

7 ሳምንታፕ ቲና ጋላስ ኑኒ ቦራ ዎላ ማዳይስ ሺቂ የዝን፥ ጳዉሎሳ ዎንትꬃ Ꮊማዳይስ ቆፔዝ ግሾስ ኡንትስ ቃላ ኦድታር ግዲ ብላሄ ሄሎዳይስ ኦዳ አዱስሴዛ። 8 ኑኒ ሺቂ በቴዝ ፖቃይል ፖኦ ዋዢ ጌዝን። 9 ኤዉጽኮሳ ግንትዝ ፐቲ ፓንꬃይ ማስኮተል አፋ በቲ፥ ፋና ዶጊ ገንቴዛ። ጳዉሎሳ ኦዳ አዱሴዛይፕ ኤዉጽኮሳ ገንታ ኣፈር ሃይꬒንꬆ ፖቃይፕ ዎꬊ Ꮊይቄዛና አሳይ ደንꬄዛ። 10 ዝን ጳዉሎሳ ዎꬊ፥ ኤዛል አፋ ጹጉኒ። ኤዛ እድንጊ፥ «ኤ Ꮊይቀካያ፥ ህርግፓተ» ዬጌዛ። 11 የይፕ ጉየ፥ ፉደ ፖቄል አፋ ከዚ ቦራ ባጺ ሜዛ። ሳአ ዎንቶድ ሄሎዳይስ አሳይስ ኦዴዛይፕ ጉየ ደንዲ ቅቴዛ። 12 የ ፓጼዝ ፓንꬃ ካራ ካንጊ ጋመ ኡፋይቴዛ።

13 ዝን ጳዉሎሳ ፋና ኤዛይፕ ሞኮዳይ ጋርክ ኑስ ኦዴዛይ ግሾስ ኑ ቲናቲ ማርካበኮ Ꮊንጊ፥ አሶና Ꮊማዳይስ ደንዴዛ። አብስ ጊኮ፥ ኤ ቶከር Ꮊማዳይስ ቆፔዝ ግሾስ ኑና የይ ጋርክ ኪቴዛ። 14 ኤ ኑና አሶና ሄልን ማርካበር ኤዛ ኤኪ ምጽልነ የኤዛ። 15 ዎንትꬃ ጋላስ ኤዛይፕ ደንዲ ማርካበር ክዮሳስ ቲና ባጋር የዝ አቃ ሄሌዛ፤ ማ ዎንትꬃ ጋላስ ሳሞሳ ፒንጊ ካልዛ ጋላስ ምልጸ ሄሌዛ። 16 ጳዉሎሳ ኢስያ ጋመ ጋምኦዳይስ ኮየካ ግሾስ ኤፈሶነ ካንታር ኣꬎዳይስ ቆፔዛ። ፓስ ዳንዳእንትኮ ጰንጸቆስጸ ባለ ጋላስ የሩሳላመ ሄሎዳይስ ኤልስዛ።

17 ጳዉሎሳ ምሊጸፕ ኤፈሶና ኪቲ ዎሳ ኬꬅ ጭምታ ጼግሴዛ። 18 ዎሳ ኬꬅ ጭምታይ ኤዝኮ ይእን፥ ኡንትኮ Ꮊይ ጋርክ ዬጌዛ፦ «ታኒ ኢሳ ገሌዝ ቲና ጋላሳፕ አይኪ ይንታር የዜዝ ዎደ ኡባይድ ዋይዚ የዜዛኮ ይ ኤርዛ። 19 አይሁድታይ ማቅንቲ ታል አፋ መቶ ሄልꬅኮካ ታኒ ሃዮትꬃራኔ ጋመ አፉꬃር ጎዳይስ ኦꬄዛ። 20 አይደካ ይ ካራ ካራ ይንታን ታማርስታር ይንታን ማዴዛይፕ ፐትባዝካ ፓጭንቸካያ። 21 ታኒ አይሁድታይስኔ አይሁደ ባዝታይስ ናጋራፕ ጾስኮ ማቆዳይ ጋርከኔ ኑ ጎዳ የሱሳ አማኖዳይ ጋርክ ማርካቴዛ።

22 «ኤዛይድ ታና አብ ሄሎዳዛኮ ኤሮያ፥ Ꮊት ታኒ ጌሻ አያናስ ኪትንቲ የሩሳላመ Ꮊንግዛ፦ 23 ዝን ጌሻ አያናይ አችኔ ዋየ ታና ናግዛና ካታማ ኡባይድ ታስ ማርካቴዛ። 24 ዝን ታ ላሶ ፖሎዳይስኔ ጎዳ የሱሳፕ ኤኬዝ ኦሳ፥ ጾስ ኣꬎ ኬሃትꬅ ዎንግለ ማርካትዛ ፖልዛ ታ ሸምፓቶ ፓꬆዋ ባዝ ጋርክ ፓይድዛ። 2ጽማ. 4:7

25 «ታኒ Ꮊተካ ጾስ ካተትꬅ ማርካትታር ይ ኡቢታይ ጋንጨር ዩዬዛ። ይከፕ ጉየ ይንትፕ ኦንካ ታና በአማና ኤርዛ። 26 የይ ግሾስ፥ ይንትፕ ፐቲ አስ ꬋብኮካ ታ ኦይጭንታማና Ꮊይኖ ይንትስ ምልጽ ኡዲ ኦድዛ። 27 ጾስ ዞረ ኡባ ይንትስ አብካ አሸካዛር ኦዴዛ።

28 «ፋ ኣዳስ ፋ ሱꬃር ዎዜዝ ጾሳ ዎሳ ኬꬃ ናጎይታ። ጌሻ አያናይ ይንታን ዉደ ሄንግዝታ ኡዲ ሹሜዝ ዉዳይስኔ ይ ኡባይስ ናግንቶይታ። 29 ታኒ Ꮊንጌዛይፕ ጉየ፥ ዉዳይስ ቃꬊንቶዋ ኢታ ፑግታይ ይ ጋንጨ ገሎዳና ታ ኤርዛ። 30 አማንዝታ ፋ ላሳ ካልꬅዛ ዎርዶ አስታማርታይ ይ ጋንጨፕ ደንዶዳ። 31 የይ ግሾስ፥ ታኒ ሀይꬒ ላይꬅ ቃማኔ ጋላስ አፉꬃር ይንታን ኦማስ ኦማስ ምንꬃꬄዛ ቆፕታር ናግንቶይታ።

32 «Ꮊተካ ይንታን ምንꬆዳይስ ጌሽ አሳይር ላትሶዳይስ ዳንዳእዛ ጾስስኔ ኤ ኣꬎ ኬሃተꬅ ቃላይስ ይንታን ሀዳራ እንግዛ።

33 «ታኒ ኦፐካ ብራ ዎይ ዎርቃ ዎይ አፍላ አሞተካያ። 34 ታኒ ታ ኩሸር ኦꬂ ታናኔ ታር የዝታ ኮሽዛ ባዝ ማዴዛ ይ፥ ይ ኦማስ ኤርዛ። 35 ይ Ꮊይ ጋርክ ዳቡሪ ኦꬅታር ዳቡሬዝታ ማዶዳያኔ ጎዳ የሱሳ፥ ‹ኤክዛይፕ እንግዛይ አንጅንቴዛ› ጌዝ ቃላ ይ ቆፖዳይስ ቤዝዛ ታኒ ይንታን ኡባ ባዛር ቤዜዛ» ዬጌዛ።

36 ጳዉሎሳ የያ ኦዲ ሃሲ ኡ ኡቢታይራ ጉልባቲ ጾሳ ዎሴዛ። 37 ኡ ኡቢታይካ ጳዉሎሳና እድንጊ ዬክታር ዬሬዛ። 38 ኤ ማሂ፥ «Ꮊይኖፕ ጉየ ታና ይ በኣሚ» ዬጌዝ ቃላይ ኡንታን ኢታ አዛንꬄዛ። ኡንቲ ማርካባ ሄሎዳይስ ኤዛ ሞይዜዛ።