1 ይኬ፥ ይ ክርስቶሳር Ꮊይቆፕ ደንዴዛይ ጋርክ፥ ጾሳይፕ ኡሻች ባጋ በቴዝ ክርስቶሳ የዝ አቆ፥ ሳሎ የዛባዝታ ኮዮይታ። ማዝ. 110:1 2 ሳሎ የዝታይል አፋ ይ ቆፋ ጋዶይታፕ አትን ሳአ የዝባዝታይል አፋ ጋድፓተ። 3 Ꮊይቆር ሻግንትዛይ ጋርክ ይ Ꮊ አላመ ኢታ ሀኖፕ ሻክንቴዛ። ይ ደአይ ክርስቶሳር ዎላ ጾስ ጋንጨ ቆስንቴዛ። 4 ይንትስ ደኦ ማቄዝ ክርስቶሳ ቆንጭዝ ዎደ የ ዎደ ይንትካ ኤዛር ቦንቾር ቆንጮዳ።

5 የይ ግሾስ፥ ይንታል የዝ Ꮊ ሳአ አሾ ቆፍታ ዎꬎይታ። የይትታይካ ላግተ፥ ቱናትꬂ፥ ላግተስ ተንትቶ፥ ኤቃስ ጎይኖ ጋርከ ማቄዝ አሞትꬂ። 6 የይፕ ደንዴዛይድ ጾስ ካቻይ አዛዝንቶዋ አሳይል አፋ የኦዳ። 7 ይንትካ ቲና የ ኢታ ኦጋይር የꬍታር Ꮊይትታ ኦꬄዛ።

8 Ꮊት ማቅኮ ይ የይትታ ኦꬅፓተ። የይትታይክ ካቺ፥ ይሎ፥ ገነኔ ቦርሶ ናሻ ይንትፕ ሃሶይታ። 9 ጬጋ ሀኖትꬃ ኤ ኦሳይር ይንትፕ ቃሬዝ ግሾስ ዎልስ ዎርዶትፓተ። ኤፍ. 4:22 10 መꬊዛያ ኣዝዝ፥ ኤረትꬃር ላምንቴዝ ኦሮꬅ ሀኖትታ ማኦይታ። መ. 1:26፤ ኤፍ. 4:24 11 Ꮊ ኦሮꬅ መትꬃይር፥ ግርኬ አስ ዎይ አይሁደ አስ፥ ዶካልንቴዛይ ዎይ ዶካልንተካዛይ፥ ታማሬዝ አስ ዎይ ታማረካ አስ *ኢስኩተ አስ፦ ጉሳይ ዎዝና ምኖ አስ ዎይ ዎዝና ኢታ አስ ጉሲ። አይለ ዎይ ጎዲ ባያ። ክርስቶሳ ኡባ፤ ኤ ኡባይዳካ የዛ።

12 የይ ግሾስ፥ ጾሲ ማራጼዝ አስ ጋርክ ገሸትꬃር ዶስንቴዝታ ማቂ፥ ማሮትꬅ፥ ቃ፥ አሽከትꬅ፥ ሃዮትꬅ ኬሃትꬅኔ ዳንዳአ ማኦይታ። ኤፍ. 4:2 13 ዎል ዳንዳኦይታ። ኦንካ ፋ ላጋይፕ ቆህንቴዝ ባዝ ዬዝኮ ኤስ አቶ ጎይታ። ጎዳይ ይንትስ አቶ ጌዛይ ጋርክ ይንትካ ዎልስ አቶ አቶ ጎይታ። ኤፍ. 4:32 14 የ ኡባይል አፋር ኡባ ባዝ ዎላል ሺሺ አጭዝ ሲቆ ማኦይታ። 15 ጾሲ ይንታን ፐቲ አስ ኡዲ ጼጌዛይ፥ ሳሮተꬅስ ማቄዝ ግሾስ ክርስቶሳ ሳሮትꬃይ ይ ዎዝና ሃሮ። ጋላታር ኩሜዝታ ማቆይታ።

16 ክርስቶሳ ቃላይ ይ ዎዝናይድ ኩሚ የዞ። ኤጨትꬅ ኡባር ዎል ታማርሶይታኔ ዞሮይታ። ማዝሙረር፥ ሳባራኔ አያና የꬃር ጾሳ ዎዝናፕ ጋላትታር የጾይታ። ኤፍ. 5:19-20 17 ጾስ አዳ የሱሳ ባጋር ጋላትታር ይ ኦድንትዛ ዎይ ኦꬅዛ ባዝ ኡባ ጎዳ የሱሳ ሱንꬃይር ኦꬆይታ።

18 ማችታዮ፥ ጎዳይ ቲና ቤዝዛ ባዝ ማቄዝ ግሾስ ይ አዝንታይስ አዛዝንቶይታ። ኤፍ. 5:22፤ 1ጵጽ. 3:1

19 አዝንታዮ፥ ይ ማችታ ዶሶይታ፤ ኡንትስ ኢትፓተ። ኤፍ. 5:25፤ 1ጵጽ. 3:7

20 ናእታዮ፥ ይንታን የሌዝታይስ ኡባ ባዛር አዛዝንቶይታ፤ የይ ጎዳ ኡፋይስዛባዚ። ኤፍ. 6:1

21 የሌዝታዮ፥ ይ ናእታይ ኡፋይስ ጋቻማይ ጋርክ ኡንታን ይሎስፓተ። ኤፍ. 6:4

22 አይልታዮ፥ ሳአል አፋ ይንትስ ጎድ ማቄዝታይስ ኡባ ባዛር አዛዝንቶይታ። ጎዳ ቦንችታር ሉለ ዎዝናፕ ኪትንቲ ኡንታን ኡፋይሶይታፕ አትን አሲ ቦኦ ግ ኦꬅፓተ።ኤፍ. 6:5-8 23 ይ ኦꬅዛ ኦሶ ኡባ አስስ ባዝን ጎዳይስ ኦꬅዛይ ጋርክ ዎዝናፕ ኦꬆይታ። 24 ጎዳይፕ ሳሎ ቢታ ዎይቶ ኡዲ ናጎዳና ኤሮይታ፤ ይ ጎዳ ክርስቶሳስ ኦꬅዛ። 25 ጾሲ አስ ኣፈ ዞቆ ብኢ ፕርዶዋ ግሾስ ኦንካ ኢታ ኦሶ ኦꬅኮ ፋ ኢታ ኦሳይ ግሾስ ማህꬅ ኤኮዳ። ኤፍ. 6:5-8