1 ሙሰ ህጋይ የኦዳይስ የዝ ሎኦ ባዝታይስ ኤሾፕ አትን ጋማ ባያ። የይ ግሾስ፥ ላይꬃ ላይꬃ ፓጨ ባይꬅ ያርሽንትዝ ያርሻይ ጎይኖዳይስ ሺቅዛ አሳይ ፎሎ ኦꬆዳይስ ዳንዳኦያ። 2 ህገ ኡንታን ፎሎ ኦꬆዳይስ ዳንዳኤዛኮ ኡንቲ ያርሾ ያርሽዛ አሾዳዝን። ማ ጎይኖዳይስ ሺቅዛ አሳይ ፋ ናጋራይፕ ጌዦዳ፤ ኡ ካሃይካ ኡንታን ባላ ግ ሞታሚ። 3 ዝን የ ያርሽታይ ላይꬃ ላይꬃ ናጋራ ቆፍስዛ። 4 አብስ ጊኮ፥ ዎፋኖ ሱꬅኔ ዴሽ ሱꬂ ናጋራ ካዮዳይስ ዳንዳኦያ።

5 የይ ግሾስ፥ ክርስቶሳ Ꮊ አላመ የኤዝ ዎደ Ꮊይ ጋርክ ዬጌዛ፦

11 ቄሰ ኡባይ፥ ናጋራ ꬋብሶዳይስ ዳንዳኦዳይ የ ያርሽታ ጋላስ ጋላስ ያርሽታር ኤቂ ፋ ኦሳ ኦꬅዛ።ከስ 29:38 12 ዝን ክርስቶሳ መꬍናስ ማቄዝ ፐቲ ናጋራ ያርሾ ያርሼዝ፥ ጾሳይፕ ኡሻች ባጋ በቴዛ። ማዝ. 110:1 13 የ ዎዳይፕ አይኪ ኤ ሞርክታይ ኤ ቶካይስ የꬍዝበሳ ኡዶድ ሄሎዳይስ ናግዛ። 14 ኤ ፐቲ ቶኬ ፋና ያርሼዝ ያርሻይድ ጌሽታ መꬍናስ ፎሎ ኡዴዛ።

15 ማ ጌሻ አያናይ ኑስ Ꮊይስ ማርካትዛ። ቲና Ꮊይ ጋርክ ዬጌዛ፦

19 ይኬ፥ ታ እሹንꬆ፥ ኑኒ የሱሳ ሱꬅ ባጋር ኡባፕ ጌሽ አቆ ገሎዳይስ ኑስ አማንꬅዛባዝ ደንጌዛ። 20 ኑ ገሎዳና ክርስቶሳ ፋ ማጋራዣ፥ የይካ ፋ አሾ ባጋር ኑስ ዶዬዝ ኦሮꬅኔ ደኦ ማቄዝ ኦጋይራ። 21 ኑስ ጾስ ካራል አፋ ሹምንቴዝ ግታ ቄሰ የዛ። 22 ኑኒ ኢታ ካሃይፕ ጌዦዳይስ ኑ ዎዝና ዉርጽንቲ፥ ኑ አሰትꬃ ጽሎ ሃꬃር ሜጭንቲ፥ ሉለ ዎዝናራኔ ፎሎ አማኖር ጾስኮ ሺቆዳ። ለዊ. 8:30፤ ኢዝቀ. 36:25

23 ኑስ ኡፋይስ ቃላ እንጌዝ ጾሳይ አማንንቴዛይ ግሾስ ኑ ማርካትዝ ኡፋይሳ ኡሻች ሀድርስ ጌካ ሚንꬂ አይኮዳ። 24 ፐታይ ፐታ ሲቆራኔ ሎኦ ኦሶር ኑ ዋይዚ ባርክ የዞዳይስ ቤዝዛኮ ቆፕሶ። 25 ፐታይ ፐታይ ካሴ ሺቅዝ ሺቃ አሸካዛይ ጋርክ ኑኒ ፐትፕ ሺቅ ዞርንትዛና አሻሚ። ማቅካ ጎዳ ጋላሳይ ኡኬዛያ ይ ብእዛ ግሾስ የያ ካሴሳይፕ ኣꬂ ኦꬆይታ።

26 ኑኒ ቱማ ኤራትꬅ ኤኬዛይፕ ጉየ ኤርታር ናጋራ ኦꬅኮ፥ ይከፕ ኑ ናጋራ ግሾስ ያርሽንቶድ ያርሻይ ባያ። 27 ይኬ አቴዛይ ያሽዝ ፕርዳኔ ጾስ ሞርክታ ጹጎዳይስ ማቄዝ ዎልቃማ ታማ። ኢሳ. 26:11 28 ሙሰ ህጋ ኪትንታም እጼዝ ኦንካ ናምኢ ዎይ ሀይꬒ አስ ኤዛል አፋ ማርካትኮ ማሮትꬅ ባይꬅ Ꮊይቅዛ። ናምእ. 17:6፤ 19:15 29 የዝን፥ ጾስ ናአ ካꬌዝ አꬃይ፥ ፋና ጌሼዝ ጾስ ቃላ ጫቆ ሱꬃ ቱና ባዝ ጋርክ ቆፔዝ አꬃይ፥ ማ ኣꬎ ኬሃትꬅ አያና ጫዤዝ አꬃይ፥ አብ ጋርክ ኢታ ፕርዳ ኤኮዳይስ ቤዝዛኮ አን ቆፖይታ። ከስ 24:6-8

30 ይኬ፥ «ኩሸ ከሶ ታባዝ፥ ታ ኩሸ ከሶዳ» ጌዛ ኑ ኤርዛ። ማካ፥ «ጎዳይ ፋ አሳይ ፕርዶዳ» ዬጌዛ። ናምእ. 32:35፥ 36 31 ደኦ ጾስ ኩሸ ፖክꬂ ኢታ ያሽዛ።

32 ይንትስ ጾስ ፖኦ ፖኤዛይፕ ጉየ ይ ጋመ ዋዬር፥ ግታ ቡተር ጋርዤዝ ብኒ ዎደ ቆፖይታ። 33 ፐቲ ፐቲ ቶኬ ይ አስ ቲና ጫዥንቴዛ፤ ባይእንቴዛ፤ ፐቲ ፐቲ ቶኬ የይ ጋርክ ዋየ ሄሌዝ አሳይር ፐትፕ ዋዬዛ። 34 ኣꬎዋኔ ኡባ ዎደ የዝዝ ሚሸ ይንትስ ሳሎ የዛና ኤሬዛይግሾስ አቻ የዝ አሳይስ ታ ቃꬌዛ፥ ይ ሻላይ ኤክንቶዳራካ ዳንዳአር የያ ይ ኡፋይሳር ኤኬዛ። 35 ግታ ዎይቶ የዛ ግሾስ ይ ጎበትꬃ ኦልፓተ። 36 ጾስ ሸነ ኦꬂ ይንትስ እንግንቴዝ ኡፋይስ ቃላ ይ ደማድ ጋርክ ይባቲ ናጎዳይስ ኮሽዛ። 37 ሀጋ ጽቃ ዎደ የዛ፥ «የኦዳይስ የዛይ የኦዳ ጋምኤና። 38 ጌሽ አሲ አማኖር የዝዛ፥ ጉየ ሶልእኮ ታ ሸምፓታ ኤዛል ኡፋይቶያ።»እንባ. 2:3-4 39 ኑና ማቅኮ ፋ ሸምፖ አሾዳይስ አማንዛ አሳይር የዛፕ አትን ꬋቦስ ጉየ ሶልእዝ አሳይር ባያ።