1 ኡባ ዎደ እሸትꬅ ሲቆ ይንትስ የሰ። 2 እማꬅ ሞኮ ዶግፓተ ፐቲ ፐቲ አሳይ እማꬅ ሞክታር ኤረካዛር ፐቲ ጋላስ ኪታንቾ ሞኬዛ። መ. 18:1-8፤ 19:1-3 3 ኡንታር ዎላ አጭንቴዝ አስ ጋርክ አጭንቴዝ አሳ ዶግፓተ፥ መቶ ኡንታር ዎላ ኤክዛ አስ ማቂ መትንቴዝ አሳ ቆፖይታ። 4 ገሎኔ ኤኮ ኡባ አስ ካለ ቦንችንቴዛ ሂጻይካ ጌሽ ማቆ፥ ናጋራስ ተንቶትዝታ ላምዝታ ጾሳይ ፕርዶዳ፥ ማችኔ አዝኒ አማንንታም እጺ ገሎኔ ኤኮ ቱንስፐ።

5 ሚሸ ዣረፕ ሃኮይታ፥ ይንትስ የዛና ግዶ፥ ጾስ «ታ ኡባር ነና አሻሚ ኡባራካ ኦላሚ» ዬጌዛ። ናምእ. 31:6፥ 8፤ ኢያ. 1:5 6 የይ ግሾስ ኤዛል አማንንቲ «ጎዳይ ታና ማዶዳ ታ ያሽታሚ፤ አሲ ታና አብ ኡዶዴ?» ኑ ዬግዛ። ማዝ. 118:6

7 ይንትስ ቲና ጾሳ ቃላ ኦዴዝ ዋንታ አስታ ቆፖይታ፥ ኡ የሳኔ ኡ ኦሳይ አፋ ብኢ ቆፒ አማኖር ኣዞይታ።

8 የሱስ ክርስቶሳ ዝቅነኔ Ꮊይኖ መꬍና ሄሎዳይስካ ኤ ኤዛ። 9 ዱማ ዱማ ኦሮꬅ ትምርተር ኤክንትፓተ፥ ይ ዎዝናይ ሙስ ዎጋር ባዝን ጾስ ኣꬎ ኬሃትꬃር ጻጲኮ ሎኦ፥ ሙስ ዎጋ ካሌዝ አሳይ ማድንተካያ።

10 ኑስ ያርሾ አቆ የዛ፥ ማቅኮካ ዱንካነ ጋንጨ ኦꬅዛ ቄስታይ ያርሾ አቆ ካꬃ ኤኪ ማዳይስ ዳንዳኦያ። 11 አይሁደ ቄስታይ ሀላቃይ ናጋራ ባራንቾዳይስ መሄ ሱꬅ ኤኪ ጾስ ካራ ቆልአ ገልዛ፥ አሻና ሄራፕ ጋጻ ከሲ ጹግዛ። ለዊ. 16:27 12 የሱሳ የይ ጋርክ ፋ ጋዛ ሱꬃይር አሳ ጌሾዳይስ ካታማይፕ ጋጻ ከዚ መቶ ኤኬዛ። 13 ኑካ ሄራፕ ከዚ ዎላ ኤኮ Ꮊማዳ፥ ኤ ካዉሻትꬃካ ዎላ ሻግንቶዳ። 14 ኑኒ ሀጋ የኦዳይስ የዝ ካታምቶ ናግነፕ አትን ሚንጊ የዝዝ ካታማ Ꮊ ሳአል ኑስ ባያ።

15 ይኬ የሱስ ክርስቶሳ ባጋር ጋላታ ያርሾ ኡባ ዎደ ጾስስ ዎላ ሺሾዳ፥ የይካ ኤ ሱንꬃይስ ማርካትዝ መተርሽታይፕ ሺቅዛ ጋላታ ያርሾ። 16 ሎኦ ባዝ ኦꬆኔ የዛ ባዛፕ ሀራስ ሻጎ ዶግፓተ፥ ጾስ ኡፋይስዛይ የይ ጋርክ ያርሾ።

17 ይንታን አቅስዝታይስ ኪትንቶይታ፥ ኡ ማዉታይፐካ ኦሞር የዞይታ፥ ኡንቲ ኦይጭንትዝ ማዉተ የዛ ግሾ ይ ሸምፓይስ ዋይዛ፥ ይ ኡንትስ ኪትንትኮ ኡ ፋ ኦሳ ኡፋይሳር ኦꬆዳ፥ የይፕ አትኮ አዛንታር ኦꬅዛ፥ የይ ይንታን ማድዛ ባዝ ባያ።

18 ኑስ ዎሶይታ፥ ኡባ ባዛር ኑ ሎኦር የዞዳይ ጋርክ ኑስ ሎኦ ካሃ ኑስ የዛና ኑ ኤሬዛ። 19 ኡባራካ ታ ይንትኮ ኤልሲ ማቃዳይ ጋርክ ሚንጊ ዎሶይታ።

20 መꬍና ጫቆ ሱꬃር ባይራ ዱርታይስ ሄንꬃንቾ ማቄዝ ኑ ጎዳ የሱሳና Ꮊይቆፕ ደንꬄዝ ሳሮትꬅ ጎዳ 21 ኤ ሸና ፖሎድ ጋርክ ሎኦ ኦሶ ኡባር ይንታን ዳንጭሾ፥ ኤዛ ኡፋይስዛ ባዝ የሱስ ክርስቶሳ ባጋር ኑል ኦꬆ፥ የሱስ ክርስቶሳስ መꬊናፕ መꬍና ሄሎዳይስ ቦንቾ ማቆ አምንኤ።

22 ታ እሹንꬆ Ꮊና ታ ጻፌዛና ሃታ ኪታ ማቄዝ ግሾስ ታ ዞረ ቃላቶ ዳንዳአር ናጎድ ጋርክ ሚንꬂ ታ ይንታን ዎስዛ። 23 ኑ እሻ ጽማቶሳ አቻፕ ብልእንቴዛና ኤሮይታ። ኤ ኤልሲ Ꮊና ይእኮ ታ ኤዛር ዎላ ይንታን በአዳይስ Ꮊማዳ።

24 ይንታን አቅስዛ አሳይስኔ ጌሽ አስ ኡባይስ ሳሮꬃ ሺሾይታ፥ ጻላነፕ ይኢ Ꮊይዳ የዝ አማኔዝ አሳይ ሳሮꬆ ይንትስ ሺሽዛ።

25 ኣꬎ ኬሄትꬂ ኑር ኡባይር ማቆ አምንኤ።