1 የሱሳ Ꮊንግታር የልንቴዛይፕ ቶአ ማቂ የዝ ፐቲ አꬃ በኤዛ። 2 ኤ ታማርታይ፥ «አስታማራዮ፥ Ꮊ አꬃይ ቶአ ማቂ የልንቶድ ጋርክ ናጋራ ኦꬄዛይ ኦኖ? ኤ ኦꬄነኔ ኤዛ የሌዝታይ ኦꬄኔ?» ዬጊ ኦይጬዛ።

3 የሱሳ፥ «ጾሳ ኦሶ ኤዛል አፋ በንቶድ ጋርከፕ አትን ኤ ዎይ ኤዛ የሌዝታይ ናጋራ ኦꬄዝ ግሾስ ባያ። 4 ጋላሳ የዝን ታና ኪቴዛይ ኦሳ ታ ኦꬆዳይስ ቤዝዛ። ኦንካ ኦꬆዳይስ ዳንዳኦዋ ቃማይ ይእዛ። 5 ታኒ አላማይድ የዛር አላማይስ ፖኦ» ዬጌዛ።

6 የሱሳ የያ ግ ሳአ ጩቴዛ። ፋ ጩቻይር ላፋ ቢታ ላክꬂ የ ኡርቃይር ቶአ አꬃይ አፋ ትዤዛ። 7 ዬዚ፥ «Ꮊንጊ ሳልሆመ ግዝ ተቅንቴዝ ሃꬃ ነ አፋ ሜጭንቶባ» ዬጌዛ። (ሳላሆመ ጉሳይ ኪትንቴዛ ጉሲ) የይ ግሾስ፥ አꬃይ Ꮊንጊ ፋ አፋ ሜጭንቲ ብእታር ማቄዛ።

8 አꬃይ ሾርታይኔ አꬃይ ቲን ዎሶዳር በኤዝ አሳይ፥ «Ꮊይ በቲ ዎስዛ አꬃ ባሳ?» ዬጌዛ።

9 ፐቲ ፐቲ አሳይ፥ «Ꮊይ ኤዛ» ዬጌዛ።

Ꮊንክታይ ማ፥ «ዋአ፥ Ꮊይ ኤዛ አዝዛፕ አትን ኤዛ ባያ» ዬጌዛ።

ዝን አꬃይ፥ «ኤ፥ ታና» ዬጌዛ።

10 ኡንቲ ኤዝኮ፥ «የዝን ነ ኣፋይ ዋይዚ በኤኔ?» ዬጊ ኦይጬዛ።

11 ኤ ማሂ፥ «የሱሳ ግዝ አꬃይ ጽቃ ኡርቃ ላክꬂ ታ አፋ ትዢ፥ ‹ሳልሆመ Ꮊንጊ ነ አፋ ሜጭንቶባ› ዬግን፥ ታኒ Ꮊንጊ ሜጭንቲ ብኢ አቴዛ» ዬጌዛ።

12 ኡንቲ ኤዝኮ፥ «ኤ አባ የኔ?» ዬጊ ኦይጬዛ።

አꬃይ፥ «ታኒ ኤሮያ» ዬጌዛ።

13 ኡንቲ ቲን ቶአ፥ ዝን Ꮊት በኤዝ አꬃ ፈርሳውታይኮ ካንጌዛ። 14 የሱሳ ኡርቃ ላክꬂ አꬃይ አፋ ፓꬄዝ ጋላሳይ ማላ ጋላሲ። 15 የይ ግሾስ፥ አꬃይ ዋይዚ በኤዛኮ ፈርሳወ አሳይ ኤዛ ማሂ ኦይጬዛ። አꬃይ ኡንትኮ፥ «ኤ ታ ኣፋተ ጽቃ ኡርቃ ትዤዛ። ታ ኣፋ ሜጭንቲ Ꮊት ብእዛ» ዬጌዛ።

16 ፈርሳውታይፕ ፐታይ ፐታይ፥ «Ꮊያ ኦꬄዝ አꬃይ ማላ ህገ ናጎዋ ግሾስ ጾሳፕ የኤካያ» ዬጌዛ።

ዝን Ꮊንክታይ፥ «ናጋራንቾ አሲ Ꮊይ ጋርክ ማልታ ዋይዚ ኦꬆዳይስ ዳንዳኤ?» ዬጊ ዎል ጋንጨ ሻክንቴዛ።

17 የይ ግሾስ፥ ፈርሳወ አሳይ አꬃይኮ፥ «ኤ ነ አፋ ብእሴዝ ግሾስ ነ ኤባዝ ዋጌ?» ዬጌዛ።

አꬃይ፥ «ኤ ናበ» ዬጌዛ።

18 አይሁደ ሀላቅታይ፥ ኤ እንዳቶኔ አዳ ጼጊ ኦይጮድ ጋꬆ፥ አꬃይ ቲን ቶአ ማቄዛኔ Ꮊት ኤ ብእዛና አማነካያ። 19 ኡንቲ ኤ እንዳትኔ ኤ አዳይኮ፥ «ይ ‹ቶአ ማቂ የልንቴዛ› ግዝ ይ ናአይ Ꮊያ? የዝን፥ Ꮊት ዋይዚ በኤኔ?» ዬጊ ኦይጬዛ።

20 ኤዛ የሌዝታይ፥ «Ꮊይ ኑ ናአ ማቄዛኔ ቶአ ማቂ ኤ የልንቴዛና ኑ ኤርዛ። 21 ዝን Ꮊት ኤ ዋይዚ በኤዛኮ ማ ኤ አፋ ኦኒ ፓꬄዛኮ ኑኒ ኤሮያ። ኤዛ ኦይጮይታ። ኤ ፋና ኤሬዝ አስ ማቄዝ ግሾስ ፋባዝ ኦዶዳይስ ዳንዳእዛ» ዬጌዛ። 22 ኤዛ የሌዝታይ የያ ጌዛይ አይሁድታይስ ያሽቴዝ ግሾስ። አብስ ጊኮ፥ አይሁድታይ፥ የሱሳና ኤ ክርስቶሳ ዬጊ ማርካትዝ አሲ የዛኮ የ አꬃ አይሁድታይ ዎሳ ኬꬃፕ ባይኦዳይስ ቆፋ አጬዛ። 23 ኤዛ የሌዝታይ፥ «ኤ ፋና ኤሬዝ አሲ፤ ኤዛ ኦይጮይታ» ዬጌዛይ Ꮊያ።

24 የይ ግሾስ፥ ቶአ ማቂ የልንቴዝ አꬃ ኡንቲ ማሂ ጼጊ፥ «ቱማ ኦዶዳይስ ጾሳ ቦንቾባ፤ Ꮊ አꬃይ ናጋራንቾ ማቅዛና ኑ ኤርዛ» ዬጌዛ።

25 አꬃይ ማሂ፥ «ኤ ናጋራንቾ ማቄዛና፥ ታ ኤሮያ። ታኒ ቶአ ማቄዛናኔ Ꮊት ብእዛና ኣዳ ኤርዛ» ዬጌዛ።

26 ኡንቲ ማሂ፥ «ኤ ኔስ አብ ኦꬄኔ? ኤ ነ ኣፋ ዋይዚ ፓꬄኔ?» ዬጌዛ።

27 ኤ ኡንትኮ፥ «ታኒ ይንትስ ኦዴዛ፥ ዝን ይ ስኤካያ። አብስ ማቂ ማቂ ስኦዳይስ ኮይኔ? ይንትካ ኤ ታማረ ማቆዳይስ ኮይኔ?» ዬጌዛ።

28 ኡንቲ ኤዛ ጫዢ፥ «ነ የ አꬃይ ታማረ፤ ኑኒ ሙሰ ታማረ ጌዛ። 29 ጾሳይ ሙሰስ ኦዴዛና ኑኒ ኤርዛ፥ ዝን Ꮊ አꬃይ ኤ አናፕ የኤዛኮካ ኑ ኤሮያ» ዬጌዛ።

30 አꬃይ ኡንትኮ፥ «ኤ አናፕ የኤዛኮ ይንቲ ኤሮዛይ ማላባዝ፥ ዝን ኤ ታ ኣፋ ፓꬄዛ። 31 ጾሳ ቦንችዛኔ ኤ ኮይዝ ባዝ ኦꬅዛ አꬃ ጾስ ስኤዛፕ አትን ናጋራ ኦꬅዝታ ስኦያ። 32 ሳሎ ሳአ መꬊንቴዛይፕ ቶአ ማቂ የልንቴዝ አስ ኣፈ ፓꬄዛይ ኦንካ ባያ። 33 Ꮊ አꬃይ ጾሳፕ ኪትንተካዛኮ ፐትባዝካ ኦꬆዳይስ ዳንዳኦያ» ዬጌዛ።

34 ኡንቲ ማቂ፥ «ኔኒ ናጋራራ የልንቲ ድጬዛይ ኑና ታማርሶዳይስ ኮይኔ?» ዬጌዛ። ኡ ኤዛ አይሁድታይ ዎሳ ኬꬃፕ ከሴዛ።

35 የሱሳ ኡንቲ አꬃ ባለ ከሴዛና ስኢ ኤዛ ሄሊ፥ «አስ ናአ ነ አማንኔ?» ዬጊ ኦይጬዛ።

36 አꬃይ የሱሳኮ፥ «ጎዳዮ፥ ታ ኤዛ አማኖድ ጋርክ ኤ ኦኖ? ታስ ኦዶየ?» ዬጌዛ።

37 የሱሳ አꬃይኮ፥ «ነ ኤዛ በኤዛ፤ Ꮊ ኔር ኦድንትዛይ ኤዛ» ዬጌዛ።

38 አꬃይ ማሂ፥ «ጎዳዮ፥ ታ አማንዛ» ዬጊ የሱሳስ ጎይኔዛ።

39 የሱሳ፥ «ቶእታይ በአድ ጋርክ ብእዝታይ ቶኦዳይ ጋርክ ፕርዶዳይስ Ꮊ አላመ ታ የኤዛ» ዬጌዛ።

40 ኤዛር የዝ ጽቃ ፈርሳወ አስታይ የያ ስኢ፥ «ኑ ቶአኔ?» ዬጊ ዎል ኦይጭቼዛ።

41 የሱሳ፥ «ይ ቶእታ ማቄዛኮ ይንትስ ናጋራ ባያ። ዝን Ꮊት ይ ብእዛ ግዝ ግሾስ ይ፥ ይ ናጋራራ የዛ» ዬጌዛ።