1 ቦንቾ ቶፍሎሳ፥ ኑ ጋንጨ ፖልንቴዝ ባዛ ጋምታይ፥ ፓስ ዳንዳእንቴዛይ ጋርክ ጻፌዛ። 2 የ ታርካ ኡ ጻፌዛይ ቲናፕ አይኪ ኣፈ ማርክታይኔ ቃላ ኦዲ ማድዝታይ ኑስ ኦዴዛ። 3 ታካ ታ ባጋር ቲናፕ አካኪ በኤዛይፕ ጉየ የ ታርካይ ሀና ሎእꬂ ኔስ ቶፍሎሳስ ጻፋይ ታስ ሎኦ ማቂ በንቴዛ። 4 የይካ፥ ነ ታማሬዝ ባዛይ ቱማ ማቄዛና ኤርሶዳይሲ።

5 ይሁዳ ካት ሄሮዶሳ ዎደ አብያ ባጋፕ ማቄዝ ዛክሬሳ ግዝ አይሁደ ቄሳይ የዛ። ኤ ማቻታካ ኣሮና ሼሽፐ። እ ሱንꬃይካ ኤልሳቤጾ። 1ዜና. 24:10 6 ናምአይካ ጎዳይ ዎጋኔ አዛዛ ኡባ ናጊ ቦርሶ ባይꬅ ጾስ ቲና ጽሎትꬃር የዝዛ። 7 ኤልሳቤጻ ꬎንꬅ ማቄዝ ግሾ ኡንትስ ናአ ባያ። ናምአይካ ጭሜዛ።

8 ፐቲ ጋላስ ዛክሬሳ ፋ ታራር ጾስ ቲና ቄሰትꬃ ኦꬅዛ። 9 ቄሰትꬅ ዎጋር ጾስ ካራ ገሊ እጻኔ ጩይሾዳይስ ኤዛ እጻ ሄሌዛ። 10 ኤ እጻኔ ጩይሾዳር አሳይ ባለ ኤቂ ዎስዛ።

11 ጎዳይ ኪታንቻይ ያርሾ ያርሽዛ አቃይፕ ኡሻች ባጋር ኤቂ በንቴዛ። 12 ዛክሬሳ ኪታንቻና ብኢ ዳጋሚ ኢታ ያሽቲ ፖኬዛ። 13 ዝን ኪታንቻይ ኤኮ፥ «ዛክሬሳ ያሽትፐ፤ ነ ዎሳይ ስንቴዛ። ነ ማቻት ኤልሳቤጻ ꬊራꬅ ናአ የሎዳ፥ ኤ ሱንꬃካ ነ ዋንሳ ጎዳ። 14 ኤ የልንታይ ኔስ ኡፋይስኔ ጊጋ ማቆዳ፤ ጋምታይ ኤ የልንታይድ ኡፋይቶዳ። 15 ጎዳይ ቲና ኤ ኡባይፕ ግታ ማቆዳ፤ ዎይነ ኡሺ ማቅን ሀራ ማꬅስዝ ኡሺ ኡዣሚ። ፋ እንዳት ኡሎ የዛር ጌሻ አያናር ኩሞዳ። ታይ. 6:3 16 እስሬለ አስታይፕ ጋምታ ኡ ጎዳ ጾሳይኮ ማሆዳ። 17 አድታይ ዎዝና ናእታይኮ ማሆዳ፥ ኪትንቶዝታ ጽልታይ ኤጨትꬃይኮ ማሆዳይ ጋርክ፥ ጎዳይስ ቤዝዛ አሳ ጊግሶዳይስ ኤላሳ አያናራኔ ዎልቃር ጎዳይ ቲናር Ꮊማዳ» ዬጌዛ። ሚል. 4:5-6

18 ዛክሬሳ ኪታንቻይኮ፥ «ታ የያ አባር ኤሮዴ? ታራኔ ታ ማቻትር ጭሜዛ» ዬጌዛ።

19 ኪታንቻይ ማሂ፥ «ታ ጾስ ቲና ኤቅዛ ጋብሬለ። Ꮊ ምሽራቻ ኔስ ኦዶዳይስ ጾሳፕ ኪትንቴዛ። ዳነ. 8:16፤ 9:21 20 ይኬ፥ ዎዳይ ሄልን ፖልንትዛ ታ ቃላ ነ አማናም እጼዝ ግሾ Ꮊይ ፖልንቶድ ሄሎዳይስ ነ ሙመ ማቆዳ፥ ኦድንቶዳይስካ ዳንዳኣሚ» ዬጌዛ።

21 የ ዎደ ዛክሬሳ ጾስ ካራ ገሊ ጋምኤዝ ግሾ አብ ሀኔዛኮ ግ አሳይ ባለ ናግታር ጋምኤዛ። 22 ኤ ባለ ከዚ ኡንታር ናሾዳይስ ዳንዳኤካያ። ኩሸር ማሊ ቤዞፐ አትን ኦድንቶዳይስ ዳንዳኦዛና ብኢ አቡካ በኤዛይ ጋርክ ቆፔዛ።

23 ዛክሬሳ ያርሾ ዎዳ ዉርሲ ፋ ካራ ማቄዛ። 24 የይፐ ጉየ፥ ኤ ማቻት ኤልሳቤጻ ዎደጼዛ። እችን አግና ሙመ ኬꬃፕ ከዘካዛር ጋምኤዛ። 25 እዛ፥ «ጎዳይ ፋ ማሮትꬃይር ታ ቦርንታ አሳይ ጋንጨፕ ቃሮዳይስ ኮዪ Ꮊያ ኦꬄዛ» ዬጌዛ።

26 ኤልሳቤጻ ዎደጽን ኡሱፑንꬆ አግናር፥ ጾሲ ኪታንቻ ጋብሬለና ጋልላ ቢታ የዝ ናዝረተ ካታማ ኪቴዛ። 27 ኤዚ ዉድርትኮ ዳዉተ ሼሻፕ ማቄዝ ዮሴፋ ግዝ አꬃይስ ኡሽንቴዝ ማይራምኮ ኪትንቴዛ። ማቶ. 1:18 28 ኪታንቻይ እዝኮ Ꮊንጊ፥ «ኣꬎ ኬሃትꬃር ኩሜዛኔ፥ ሳሮ ኔስ ማቆ፥ ጾስ ኔር የዛ» ዬጌዛ።

29 ማይራማ ኤ ኦዳይድ ኢታ ዳጋሚ፥ «Ꮊይ ዋፋ ሳሮꬆ» ግ ቆፔዛ። 30 ኪታንቻይ ማሂ፥ «ማይራመ፥ ያሽትፐ፤ ነ ጾስ ቲና ሳባ ደንጌዛ። 31 ይኬ ነ ዎደጾዳ ꬊራꬅ ናአ የሎዳ፥ ኤ ሱንꬃካ የሱሳ ግ ሱንꬆዳ።ማቶ. 1:21 32 ኤ ግታ ማቆዳ፥ ኡባይፕ ኣꬎ ጾስ ናአ ግንትንቲ ጼግንቶዳ። ጾሳይ ኤ አዳይ ዳዉተ ዙፋና ኤስ እንጎዳ። 2ሳም. 7:12-13፥ 16፤ ኢሳ. 9:7 33 ኤ ያይቆባ ሼሻል አፋ መꬍናስ ካዉቶዳ፤ ኤ ካተትꬃይስ ዛዋ ባያ» ዬጌዛ።

34 ማይራማ ኪታንቻይኮ፥ «ታ ꬊራꬅ ኤሮያ የይ ዋይዚ ሀኖዳይስ ዳንዳኤ?» ዬጌዛ።

35 ኪታንቻይ ማሂ፥ «ጌሻ አያና ኔል አፋ ዎꬎዳ፥ ኡባፕ ኣꬎ ጾስ ዎልቃይ ኔል አፋ ኩያቶዳ። የይ ግሾ፥ የልንትዛ ናአይ ጌሻ፥ ጾስ ናአካ ግንትንቶዳ። 36 ይኬ፥ ነ ዳባት ኤልሳቤጻ ፋ ጭማትꬅ ላይꬃር ꬊራꬅ ናአ ዎደጼዛ። እዛ ꬎንꬅ ግንትንቴዛኖ፥ ዝን Ꮊተ ኡሱፑንꬃ አግና አይኬዛ። 37 ጾሳ ጋምዝባዝ ባያ»መ. 18:14 ዬጌዛ።

38 ማይራማ፥ «ዬዛኮ፥ ታስ ጎዳይ አይላትስ፥ ነ ቃላይ ጋርክ ሀኖ» ዬጌዛ። የይፐ ጉየ፥ ኪታንቻይ ኢፐ ሻክንቴዛ። 39 ማይራማ የ ሳምንታተ ደንዲ ይሁዳ ቢታ የዝ ፐቲ ገዘ ካታማ Ꮊንጌዛ። 40 ዛክሬሳ ካራ ገሊ ኤልሳቤጾ ሳሮꬄዛ። 41 ኤልሳቤጻ ማይራሚ ሳሮꬃ ስኤዛን ጋርክ እኡሎ የዝ ናአይ ኡፋይሳር ዶንጌዛ። ኤልሳቤጻ ጌሻ አያናር ኩሚ፥ 42 ፋ ቃላ ꬎቅ ኡዲ፥ «ኔኒ ማችታይ ጋንጨፐ አንጅንቴዛኖ፥ ነ ዎደጼዝ ናአይካ አንጅንቴዛያ። 43 ሀኖ ዝን፥ ታ ጎዳይ እንዳቴ፥ ነ ታኮ የኦዳይስ ታ ኦኖ? 44 ዬዛኮ ነ ሳሮꬃ ታ ስእን ታ ኡሎ የዝ ናአይ ኡፋይሳር ዶንጌዛ። 45 ጎዳይ ፖሎድ ግ እንጌዝ ቃላ አማኔዛና፥ እዛ አንጅቴዛኖ» ዬጌዛ።

46 ማይራማ Ꮊይ ጋርክ ዬጌዛ፦

56 ማይራማ ኤልሳቤጽ ላንቀ ሀይꬒ አግና ጋምኢ ፋ ካራ ማቄዛ።

57 ኤልሳቤጽስ የሎ ቃማይ ሄልን ꬊራꬅ ናአ የሌዛ። 58 እ ሾርታይኔ እ ዳብታይ ጎዳይ ጋመ ማሮትꬅ ኦꬄዛና ስኢ፥ እዝር ዎላ ኡፋይቴዛ። 59 ሆስፑንꬃ ጋላስ ዱደ ናአና ዶካሎዳይስ የኤዛ። ናአና አዳይ ሱንꬃይር ዛክሬሳ ግ ጼጎዳይስ ኮዬዛ። ለዊ. 12:3 60 ዝን እንዳት፥ «የይ ሀነና ዋንሳ ጊንትንቶዳይስ ቤዝዛ» ዬጌዛ። 61 ኡንትካ፥ «ነ ዳብታይፕ Ꮊ ሱንꬃይር ጼግንቴዛይ ኦንካ ባያ» ዬጌዛ። 62 ኤ አዳይ ኦና ግ ሱንꬅ ጋዶዳዛኮ ኤሮዳይስ ኮዢ ኤዛ ማላር ኦይጬዛ። 63 ኤ ጻፍዛ ባዝ ኦይጪ ኤኪ፥ «ኤ ሱንꬃይ ዋንሳ» ግ ጻፌዛ። ኡባይ ኤ ጻፈዛና ብኢ ማላባዝ ጌዛ።

64 እዝር ዛክሬሳ እራንꬃይ ብልንቴዛ፥ ጾስ ጋላትታር ኦድንቶ አይኬዛ። 65 ሾርታይ ኡቢታይ ያሻር ኩሜዛ። Ꮊ ሀኔዝባዛይ ꬎቅ ጌዝ ይሁዳ ጋደ ኡባይድ ኦድንቴዛ። 66 የያ ስኤዝ ኡባይ፥ «Ꮊ ናአይ አብ ሀኖደሻ» ግ ዎል ጋንጨ ኦድንቴዛ። ጎዳይ ኩሻይ ኤዛር የዛ።

67 ዋንሳ አዳይ ዛክሬሳ ጌሻ አያናር ኩሚ Ꮊይ ጋርክ ዬጊ ትንቢተ ኦዴዛ።

80 ናአይካ ድጬዛ፥ አያናራካ ሚንጌዛ፥ እስሬለ አሳይስ በንቶድ ጋꬆ ሊዦ ደምባ የዜዛ።