1 ካታይ ጽባሮሳ ኦሮመ ቢታል ካዉትን፥ ታጶ እችንꬆ ላይꬃር፥ ጰንጸ ጵላጾሳ ይሁዳ አቅስዛ ላይꬅ ሄሮዶሳ ጋልላ አቅስዛ ላይꬅ ኤ እሻ ፍልጶሳ ኢጹራሳኔ ጽራኮንዶሳ አቅስዛ ዎደ ልሳኖሳ አብላንሳና አቅስዛ ዎደ 2 ሃናራኔ ቃያፋራ ቄሰ ሀላቃ ማቂ የዝን፥ ጾስ ቃላይ ዛክሬሳ ናአ ዋንሳኮ ሊዦ ጋꬋ የኤዛ። 3 ዋንሳ፥ «ይ ናጋራይፕ ማቆይታኔ ጻማቅንቶይታ። ጾሳይ ይ ናጋራ አቶ ጎዳ» ዬጊ ታማርስታር ዮርዳኖሳ ቦርካ ሄራ የዝ ቢታ ኡባ Ꮊንጌዛ። 4 የይካ ናበ ኢስያሳ ፋ ማጻፋይድ፥ ኢሳ. 40:3-5

7 ዋንሳ፥ ኤ ኩሸ ጻማቅንቶዳይስ የኤዝ ጋመ አሳይኮ፥ «ይንታኖ፥ ሾሽ ናኡንꬆ የኦዳይስ የዝ ቦቻይፕ ቡቶድ ጋርክ ይንታን ዞሬዛይ ኦኖ?ማቶ. 12:34፤ 23:33 8 ይኬ፥ ይ ማቅꬃ ቤዝዛ ሎኦ ኦሶ ኦꬆይታ፥ ይ ዎዝናር፥ ‹ኑስ፥ ኑ አዳይ አፍራመ የዛ ግ ጋይርፓተ።› Ꮊና ስኦይታ፥ Ꮊ ሹችታይፕ ጾሳይ አፍራመስ ናአ ከሶዳይስ ዳንዳእዛ። ዋን. 8:33 9 ዬዛኮ፥ ጋንደ ምንጻይስ ጻጳይድ የዛ። ይኬ፥ ሎኦ ኣፈ ኣፎዋ ምꬅ ኡቢታይ ጋችንቲ ታማ ጋንጨ ዎꬎዳ» ዬጌዛ። ማቶ. 7:19

10 አሳይ፥ «የዝን ኑኒ አብ ኦꬆ?» ዬጊ ኦይጬዛ።

11 ዋንሳ ማሂ፥ «ናምኢ አፍላ የዛ አሲ ባዛይስ እንጎ። ካꬃ የዛይ ባዛይስ ሻጎ» ዬጌዛ።

12 ቃራጸ ጋችስዝታይ ጻማቅንቶዳይስ ይኢ፥ «አስታማራዮ፥ ኑ አብ ኡዶ?» ዬጌዛ። ሉቃ. 7:29

13 ኤ ማሂ፥ «ይንታን ኪቴዛንፕ ኣꬂ ኤክፓተ» ዬጌዛ። 14 ማ ዎታዳርታይ ይኢ፥ «ኑ አብ ኡዶ» ዬጊ ኦይጬዛ።

ዋንሳ፥ «ኦባዝካ ዎልቃር ዳፍ ኤክፓተ፥ ኦናካ ዎርዶር ሞትፓተ፥ ይ ዳሞዛይ ይንትስ ግዶዳ» ዬጌዛ።

15 አሳይ ክርስቶሳ ኡፋይሳር ናግታር የዛ ግሾ ዋንሳና፥ «ኤ ክርስቶሳ ማቃደሻ?» ዬጊ ኡ ፋ ዎዝናይድ ቆፕዛ። 16 ዋንሳ ኡብታይስ ማሂ፥ «ታኒ ይንታን ሃꬃር ጻማቅዛ፥ ዝን ታፕ ኣꬊ ዎልቃምዛይ የኦዳ። ታኒ ኤ ጫማይ ዎዶራ ብሎዳይስ ቤዞዋ አሲ። ኤ ይንታን ጌሻ አያናራኔ ታማር ጻማቆዳ። 17 ዉዱማ የዝ ካꬃ ጌሾዳይስ ፕꬃይ ኤ ኩሻይድ የዛ። ጌዤዝ ካꬃ ፋ ሻላይድ ቆሎዳ፤ ቡናና ꬋቦዋ ታማር ጹጎዳ» ዬጌዛ።

18 ማ ዋንሳ አሳ ጋመ ዞረ ዞሪ ዎንግለ *ዎንግለ፦ ግርከ ዶናር ዎንግለ ግዝ ቃላይ ጋመ ኡፋይስዛ ኦዳ ዎይ ምሽራቾ ጉሲ። የ ምሽራቻይካ ክርስቶሳ አስ ኮቺ ኡባ መꬍና ፕርደፕ አሾዳይስ ኪትንቲ የኤዝ ጋመ ኡፋይሳ (ሉቃ 1:19፤ 2:10) ሳባኬዛ።

19 ዝን ዋንሳ ሄሮዶሳ ፋ እሻይ ማቻት፥ ሄሮድያዳ፥ ኤኬዝ ግሾኔ ሀራ ኢታ ኦስታ ኦꬄዝ ግሾስ ካጬዝ ዎደ ማቶ. 14:3-4፤ ማር. 6:17-18 20 ሄሮዶሳ ካሰሳይል አፋ ሀራ ኢታ ባዝ ኡባ ጉጂ ዋንሳና ዎይነ ገልሴዛ።

21 ዎያይ ኡባይ ጻማቅንቴዛይፕ ጉየ፥ የሱሳካ ማ ጻማቅንቴዛ። ኤ ዎሶዳር ሳሎ ዶይንቴዛ፥ 22 ጌሻ አያናይ ሆለ ጋርከ ማቂ ኤዛል አፋ ዎꬌዛ። ሳሎፕ «ታኒ ቃꬍዛ ናአይ ነና፤ ነ ታና ኡፋይስዛ ዬግዝ» ቃላ የኤዛ። መ. 22:2፤ ማዝ. 2:7፤ ኢሳ. 42:1፤ ማቶ. 3:17፤ ማር. 1:11፤ ሉቃ. 9:35

23 የሱሳ ታማርሶ አይኮዳር ኤስ ሀስታም ላይꬅ ዝን፥ አሳይ ኤዛ ዮሴፋ ናአ ግ ቆፔዛ።