1 የ ዎደ የሱሳኮ አሳይ ይኢ ጋልላ አሳይ ያርሾ ያርሾዳር ኡንታን ጵላጾሳ ዎꬊ ኡ ሱꬃ ያርሾር ዋላኬዝ ባዛ ኦዴዛ። 2 ኤ Ꮊይ ጋርከ ዬጊ ማሄዛ፤ «የዝን Ꮊ ጋልላ አሳይ Ꮊ ኢታ Ꮊይቆ Ꮊይቄዝ ግሾስ ጋልላ የዝ አስ ኡባይፕ ኣꬎ ናጋራ ኦꬅዛ ኣዝኔ? 3 የያ ባያ! ይንትካ ማሮተꬃር ማቃም አትኮ፥ ኡቢታይ Ꮊይ ጋርክ ꬋቦዳ። 4 ዎይ ማ ሳልሆመ ግዝ በሳይድ ግምባይ ዎዲ ዎꬌዝ ታጶ ሆስፑን አሳይ የሩሳላመ የዝ አስ ኡባፕ ኣꬌዝ ናጋራ ኦꬅዛ ኣዝኔ? 5 የያ ባያ! ዝን ይንትካ ማሮትꬃር ማቃም አትኮ ኡባይ Ꮊይ ጋርክ ꬋቦዳ።»

6 ማካ የሱሳ Ꮊይ ጋርከ ግ ኣዝሶ ኦዴዛ፦ «ፐቲ አꬃይስ ዎይነ ጋደ ቱክንቴዝ ባላሰ ምꬃት የዛ። ኤ ኢፐ ኣፈ ኮዪ ይኢ አብካ ደንገካያ። 7 ጋደ ጎዳይ ዎይነ ኦሶ አሳይኮ፥ ‹ኣፈ ደንጎዳይስ ኮዪ ሀይꬒ ላይꬅ ማቂ ማቂ ይኢ አብካ ደንገካያ። የይ ግሾስ፥ ጋቺ ሀልእሶባ፤ አብስ ቢታ መልሴ?› ዬጌዛ።

8 «ዝን ኦሶ አꬃይ፥ ‹ጎዳዮ፥ እ ጋጻ ኦꬂ ኦሻ ኦሎድ ጋꬆ ሀበረስ አሾዬ። 9 ይእዛ ላይꬅ ኣፍኮ ሎኦ፥ አትኮ ጋቺ አሾባ› » ዬጊ ማሄዛ።

10 የሱሳ ማላ ጋላስ አይሁድታይ ዎሳ ኬꬃ ታማርስዛ። 11 የ በሳይድ ታጶ ሆስፑን ላይꬅ ቱና አያና ዞኮ ኩንሴዝ ፐቲ አስታ የዛ። እዛ ኩኔዛይ ግሾስ ሉለ ኤቆዳይስ ዳንዳኦያ። 12 የሱሳ እዞ በኤዝ ዎደ ጼጊ፥ «Ꮊን አስቴ፥ ነ ሀርጋይፕ ፓጼዛ» ዬጌዛ። 13 ፋ ኩሻ እዝል አፋ ጋድን፥ እዛ ኤለር ሉሊ ኤቄዛ። ጾሳካ ጋላቴዛ።

14 ዝን አይሁድታይ ዎሳ ኬꬅ ሀላቃይ ይሎቲ አሳይኮ፥ «ኦሶ ኦꬅዝ ኡሱፑን ጋላስታይ የዛ። የይ ግሾስ፥ የ ጋላስታይድ ይኢ ፓጾይታፕ አትን ማላ ጋላስ ባያ» ዬጌዛ። ከስ 20:9-10፤ ናምእ. 5:13-14

15 ጎዳይ፥ «ጩብታዮ፥ ይ ጋንጨፕ ገማተ ዎይ ሀረ ማላ ጋላስ ዛዳሎፕ ብሊ ሃꬅ ኡሾዳይስ ካንጎዛይ ኦኖ? 16 የዝን፥ Ꮊ አስታ አፍራመ ናአ ማቅታር ጻላሄር አጭንቲ ታጶ ሆስፑን ላይꬅ ኩንꬅ የዜዛንስ ማላ ጋላስ ብልንቶዳይስ ቤዞሳ?» ዬጊ ኦይጬዛ።

17 ኤ የያ ኦዴዝ ዎደ ኤቅንትዝታይ ኡቢታይ ዬላቴዛ። ዝን አስ ኡባይ ኤ ኦꬄዝ ማላታ ኦሶ ኡባይድ ኡፋይቴዛ።

18 የይፐ ጉየ፥ የሱሳ Ꮊይ ጋርከ ዬጌዛ፥ «ጾስ ካተትꬃይ አብ ኣዝኔ? እዞ አባር ኣዝሶ? 19 ጾስ ካተትꬃይ ፐቲ አስ ፋ ጋደ ጋንጨ ቱኬዝ ሳናፍጨ ኣፈ ጋርከ። እዛ ድጪ ዳማ ምꬅ ማቄዛ። ካፍታይ እ ሻቃይል አፋ ሸምፔዛ።»

20 ማ፥ «ጾስ ካተትꬃ አባር ኣዝሶ? 21 ፐቲ አስታ ጋመ ꬊላር ዋላኪ ሙኑቄዝ ጽቃ እርሾ ኣዝዛ» ዬጌዛ።

22 የይፐ ጉየ፥ የሱሳ የሩሳላመ Ꮊንግታር ኤ ኣꬊዝ ኦገል የዝ ካታምታይዳኔ ሄራ ታማርስታር ኣꬌዛ። 23 ፐቲ አስ የሱሳኮ፥ «ጎዳዮ፥ አቶዳይ ጽቃ አስ አዳኔ?» ዬጊ ኦይጬዛ።

የሱሳ ኡንትኮ፥ 24 «ስኦይታ፥ ጹንꬅ ፐንገር ገሎዳይስ ቡትቶይታ። ጋምታይ ገሎዳይስ ኮይዛ ዝን ኡንትስ ሀናሚ። 25 ኬꬅ ጎዳይ ደንዲ ፐንገ ጎርደዛይፐ ጉየ ‹ኑስ ዶዮዬ› ዬግታር ባለ ኤቂ ጼስ አይኮዳ። ዝን ኤ፥ ‹ይ ኦናዛኮኔ አናፕ የኤዛኮ ታ ኤሮያ› ግ ማሆዳ። 26 የ ዎደ ይ፥ ‹ኔር ዎላ ሜዛ፥ ኡዤዛ፥ ኑ ደንባይዳካ ነ ታማርሴዛ› ዬጎዳ።

27 «ኤ ማሂ፥ ‹ይ ኦናዛኮኔ አናፕ የኤዛኮ ታ ኤሮያ። ይንታኖ፥ ኢታ ባዝ ኦꬅዝታዮ ታፕ ሃኮይታ› ዬጎዳ። ማዝ. 6:8 28 አፍራመ፥ እሳቃ፥ ያይቆባራኔ ናብታ ኡብታ ጾሳ ካተትꬃይድ ይ በአዳ፥ ዝን ይ ባለ ዎꬊ አትኮ ይንትስ ዬፎኔ አች ጮንቺ ማቃዳ። 29 አሳይ አዋ ከሳፐ፥ አዋ ገሎፐ፥ ፑደ ባጋፐ ሱለ ባጋፐ ይኢ ጾስ ካተትꬃ ሙንታል አፋ በቶዳ። ማቶ. 8:11-12፤ 22:13፤ 25:30 30 የይ ግሾስ፥ ጉየቴዝታይፕ ቲና ማቆድታይ፥ ቲኔዝታይፕ ጉየ ማቆድታይ የዛ» ዬጌዛ። ማቶ. 19:30፤ 20:16፤ ማር. 10:31

31 የ ዎደ ፈርሳውታይፕ ፐታይ ፐታይ ይኢ፥ «ሄሮዶሳ ነና ዎꬎዳይስ ኮይዝ ግሾስ Ꮊ በሳፕ ደንዲ ቅቶባ» ጌዛ።

32 ኤ ማሂ፥ «Ꮊንጊ፥ የ ዎርካንታይስ ዬዛኮ፥ ‹Ꮊይኖኔ ዎንታ ቱና አያንታ ከሶዳ፥ ሀርግንቴዝታ ፓꬆዳ፥ ሃይꬓንꬆ ጋላሳር ሃሶዳ› ዬጌዛ ጎይታ። 33 ሀኖፕ አትን፥ ናባይ የሩሳላመፕ ሀራ አቆ Ꮊይቆዳይስ ቤዞያ። የይ ግሾስ፥ Ꮊይኖ፥ ዎንታኔ ዎንቲ ፔዢ የ በሳ Ꮊማዳይስ ደንዴዛ።

34 «የሩሳላመ፥ የሩሳላመ፥ ናብታ ዎꬍዛኔ፥ ኔኮ ኪትንቴዝታ ሹቻር ሾጭዛኔ፥ ሹጉላ ፋ ናእታ ፋ ቀፋይፕ ኦሞር ሺሽዛይ ጋርክ ነ ናእታ ታ ታ ሹጳይፕ ኦሞር ኣፑን ቶኬ ሺሾዳይስ ኮየኔ፥ ዝን ይ እጼዛ ጌዛ። 35 ታ ይንትስ ኦድዛ፤ ይ ኬꬃይ ካይሳቶዳ። ጎዳይ ሱንꬃር ይእዛይ አንጅንቴዛያ ይ ጎድ ጋꬆ ታና ደንጋሚ» ዬጌዛ። ማዝ. 118:26፤ ኤርም. 22:5