1 የ ዎደ ጋመ ሙኩለር ታይብንትዛ አሳይ ዎላል አፋ የꬍንቶድ ጋꬆ አሲ አሳል አፋ ሺቂ የዝን፥ የሱሳ ፋ ታማርታይኮ፥ «ፈርሳውታይ እርሾፕ ናግንቶይታ። የይካ ጩቦትꬅ።ማቶ. 16:6፤ ማር. 8:15 2 በንተካ ቆስንቲ፥ ኤርንተካ ካምንት አትዝባዝ አኮካ ባያ። ማር. 4:22፤ ሉቃ. 8:17 3 ይኬ፥ ይ ꬉማ ኦዴዝባዛይ ኡባይ ፖኦ ስእንቶዳ፥ ቆልአ ሀየ ካልካሼዝ ባዝ ዎያስ ኦድንቶዳ።

4 «ታ ባጉንꬆ፥ ታ ኦድዛና ስኦይታ፤ አሾ ዎꬍዛፕ አትን ሀራ አብካ ኦꬆዳይስ ዳንዳኦዝታይስ ያሽትፓተ። 5 ሀኖ ዝን፥ ይ ያሽቶዳይስ ቤዝዛና ታ ይንትስ ቤሳዳ። የይካ ዎꬌዛይፐ ጉየ ጋናመ ኦሎዳይስ ማዉተ የዛይስ ኤዝስ ያሽቶይታ። ኤ፥ ቱማ ግዛ፤ ኤስ ኣዳ ያሽቶይታ። 6 እችን ሱንታይ ፐቲ ሳንትፈስ ባይዝንቶሳኔ? ሀኖፕ አትን ኡንታፕ ፐታታካ ጾስ ቲና ዶግንተና። 7 ሀራ አቶዝን፥ ይ ኦማ ብናናይካ ፓይድንቲ የዛ። ይኬ፥ ያሽትፓተ፤ ጋመ ሱንታይፕ ይ ኣꬍዛ።

8 «ታ ኦድዛ ስኦይታ፤ አስ ቲና ታ ባዝ ማርካትዝ ኡባይስ አስ ናአይ ጾስ ኪታንችታይ ቲና ማርኮቶዳ። 9 አስ ቲና ታና ካድዛና ጾስ ኪታንችታይ ቲና ታ ኤዛ ካዶዳ። 10 አስ ናአል አፋ ለቆ ቃላ ኦድዝ ኡቢታይ ማሮትꬅ ደማዳ፥ ዝን ጌሻ አያና ጫዥዝታይ ማርንተና። ማቶ. 12:32፤ ማር. 3:29

11 «አሲ ይንታን አይኪ አይሁድታይ ዎሳ ኬꬃ፥ ዳይንታይ ቲናኔ ካትታይ ቲና ጎሽችዛ ዎደ አብ ኦዶዳዛኮኔ ዋጊ ማሆዳዛኮ ህርግፓተ። ማቶ. 10:19-20፤ ማር. 13:11፤ ሉቃ. 21:14-15 12 የ ዎደ ይ ኦዶድ ባዝ ጌሻ አያናይ ይንታን ታማርሶዳ» ዬጌዛ።

13 ዎይታይፕ ፐቲ አሲ የሱሳኮ ይኢ፥ «ታ እሻይ ታስ ኑ አዳይ ኬኬፕ ሻኮድ ጋርክ ኤዝስ ኦዶባ» ዬጌዛ።

14 የሱሳ ማሂ፥ «ናት አꬃዮ፥ ይንታል አፋ ታና ዳይንኔ ኬኬ ሻክዝ ጭማ ኦꬄዛይ ኦኖ?» ዬጌዛ። 15 ማካ የሱሳ፥ «አስ የሳይ ሻሎ ጋመትꬃር ባዛይ ግሾስ ዣረ አሺ ሚንꬂ ይንታን ናጎይታ» ዬጌዛ።

16 ማቅካ ኣዝሶር፥ «ጋዳይ ጋመ ካꬃ እንግዝ ፐቲ ዱረ አꬃይ የዛ። 17 የ አꬃይ፥ ‹ታ ካꬃ ታኒ ሺሾዳይስ አቆ ጽቄዝ ግሾስ አብ ኦꬆ?› ዬጊ ፋ ዎዝናር ቆፔዛ። 18 Ꮊንፐ የሳዳ፤ ቲን የዛ ሻልታ ሁሊ ሀራ ዳልገ ሻለ ኬጾዳ። ካꬃኔ ታስ የዛ ባዝ ኡባ ኤዛይድ ኦሎዳ። 19 ፋ ሸምፓትኮ፥ ‹ታ ሸምፓተ፥ ጋመ ላይꬅስ ኔስ ግድዛ ሻሎ ሺሼዛ። ይኬ፥ ሸምፕ ሞባ፥ ኡዦባ፥ ኡፋይቶባ› ዬጎዳ።

20 «ዝን ጾሳይ፥ ‹ናት፥ ቦዞ አꬃዮ፥ Ꮊይኖ ቃማ ነ ሸምፓታ ኔፕ ኤክንትዛ። ይኬ፥ ነ ሺሼዛይ ኦስ ማቆደ?› ዬጌዛ።

21 «የይ ግሾስ፥ ፓስ ዱረትꬂ ሳአል ሺሽዛ አስስ፥ ጾስ ካለ ዱረ ማቀካ አስስ ዉርስꬃይ Ꮊ አꬃይሳይ ጋርከ» ዬጌዛ።

22 የይፐ ጉየ፥ የሱሳ ፋ ታማርታይኮ፥ «ይኬ፥ ታ ኦድዛ ባዝ ስኦይታ፥ ይ ሸምፖስ አብ ማዴ ይ ጋላሳስ አብ ማአዴ ዬጊ ኡንእንትፓተ። 23 ሸምፖ ካꬃፕ ጋላ አፍላፕ ኣꬍዛ። 24 ካፍታ ቦኦይታ ዘሮያ፥ ማጾያ፥ ሻለካ ባያ። ዝን ጾሳይ ኡንታን ሙዝዛ። ይ ካፍታይፕ ሎእꬂ ኣꬍዛ። 25 ሀኖ ዝን፥ ይንትፕ ኡንእንቲ ፋ ላይꬃል አፋ ፐቲ ቃማ ጉጆዳይስ ዳንዳእዛይ ኦኖ? 26 ይኬ፥ Ꮊ ጽቃባዝ ኦꬆዳይስ ዳንዳኦዋ ይ ሀራባዝስ አብስ ኡንእንቴ? 27 አን ፉꬍታይ ዋይዚ ድጭዛኮ ቦኦይታ። ዋዮያ ሱቆያ። ሀራ አቶዝን፥ ሶሎሞነ ፓስ የዝ ቦንቾ ኡባይር ኡንታፕ ፐታይ ጋርከካ ማኢ በኤካያ። 1ካት. 10:4-7፤ 2ዜና. 9:3-6 28 ይንታኖ፥ አማኖ ፓጬዝታዮ፥ ይኬ፥ ጾሳይ Ꮊይኖ በንቲ ዎንታ ታማ ጋንጨ ዎꬎድ ፉꬍታ Ꮊይ ጋርከ ማእስኮ፥ ይንታን ዋይዚ ኣꬂ ማእሶሳ? 29 የይ ግሾስ፥ አብ ሞሻ ዎይ አብ ኡዦሻ ግ ይ ዎዝናር ኡንእንትፓተ። 30 የ ኡባ ጾሳ አማኖዋ አሳይ ኮይዛ። ዝን ይ አዳይ ጾሳይ የይ ኡቢታይ ይንትስ ኮሽዛና ኤርዛ። 31 ኡባፕ ኣꬂ ጾስ ካተትꬃ ኮዦይታ የይ ኡቢታይ ይንትስ ጉጂ እንግንቶዳ።

32 «ይንታኖ፥ ጽቃ ዎይታዮ፥ ይ አዳይ ጾሳይ ካተትꬃ ይንትስ እማዳይስ ኤ ሎኦ ሸነ ማቄዛ ያሽትፓተ። 33 ይንትስ የዛ ባዝ ባይዚ ማንቅታይስ እንጎይታ። ካይዞ ኤኮዋ፥ ብላ ሞዋ አቆ፥ ጭሞዋ ቁርቦ ጋንጨ፥ ዉሮዋ ሻላና ሳሎ ሺሾይታ። 34 ይ ዎዝናይ ይ ሻላይ የዛ አቆ ማቃዳ።

35 «ይ ጼሳይ ዳንጭንቴዛ፥ ይ ጾምፓይ ፖኤዛ ማቆ። ማቶ. 25:1-13 36 ፋ ጎዳይ ቦሳይፕ ማቃድ ጋꬆ ባርኪ ናግዝታይ ጋርክ፥ ጎዳይ ይኢ ጼግዝ ዎደ ኤልሲ ዶዮዳይስ ጊጌዝ አስታ ኣዞይታ። ማር. 13:34-36 37 ፋ ጎዳይ ማቅዝ ዎደ ገንተካዛር ናግዝታይ አንጅንቴዝታ። ታ ቱሮ ግዛ፤ ጎዳይ ሃታር ዳንጪ ሌማተ ላንቃይድ በትꬅ ሞክዛ። 38 ጎዳይ ግዲ ብላሄ ማቅን ዎይ ዎንትማꬄ ማቅን ይኢ፥ የይ ጋርክ ገንተካዛር ናጎዳር ደንግዛ የ አይልታይ አንጅንቴዝታ። 39 ዝን Ꮊያ ኤሮይታ፤ ካይዞ አይደ የኦዳዛኮ ካራ አዳይ ኤርዛኮ ኬꬃይ ቦክንታምዝን። ማቶ. 24:23-44 40 ይንትካ ጊጊ ናጎይታ፤ አስ ናአይ ይ ቆፐካ ዎደ የኦዳ» ዬጌዛ።

41 ጵጽሮሳካ፥ «ጎዳዮ Ꮊ ኣዝሳ ኑ ኣዳስ ኦድነኔ አስ ኡባሶ?» ዬጌዛ።

42 ጎዳይ ማሂ፥ «ይኬ፥ ካꬃ ሙዞዳይስ ቤዝዛ ዎደር እማድ ጋርክ ጎዳይ ፋ አይልታይል አፋ ሹሜዝ አማንꬅዛይኔ ዎዛናማይ ኦኖ? 43 ጎዳይ ማቆዳር የይ ጋርክ ኦꬅታር በንትዝ አይላይ ኤ አንጅንቴዛያ 44 ታ ይንትስ ቱሮ ኦድዛ፤ ፋ ጎዳይስ የዝ ሻሎ ኡባይል አፋ ኤ ሹምንቶዳ። 45 ዝን የ አይላይ፥ ‹ታ ጎዳይ ኤልꬂ የኤና› ዬጊ ፋ ዎዝናር ቆፒ፥ ጋꬊንድታኔ ጋችታ Ꮊꬍኮ፥ ማ ፓስ ኮዤዝ ጋርክ ሚታራኔ ኡዥታር ማꬅኮ፥ 46 የ አይላይ ጎዳይ ኤ ቆፐካ ጋላሳኔ ህርገካ ዎደ የኦዳ። ይኢ ኤዛ ጋሽቺ፥ ኤ አንጃ አማኖዋ አስታይር ኡዶዳ።

47 «ጎዳይ ሸናይ ጋርክ ጊጎዛይኔ ኤ ጎዳይ አብ ቃꬍዛኮ ኤርታር ኦꬆዋ አይላይ ጋመ ጋራፍንቶዳ። 48 ዝን ፋ ጎዳይ ሸና ኤረካ አቲ ጋራፍንቶዳይስ ቤዝዛና ኦꬄዛይ ጽቃል ጋራፍንቶዳ። አብስ ጊኮ ጋመ እንግንቴዛይፕ ጋመ ኮይንትዛ፥ ጋመ ሀዳራ ኤኬዛይፐካ ጋመ እማድ ግ ናግንትዛ።»

49 «ታኒ የኤዛይ ቢታል አፋ ታማ አይꬆዳይስ። Ꮊት ታማይ አይክዛኮ ታና ዋይዚ ኡፋይሶደሻ! 50 ሀኖ ዝን፥ ታ Ꮊት ጻማቅንትዛ ጽንቃታይ የዛ። ኤ ፖልንቶድ ጋꬆ ታ ዋፋ ኡንእንቶደሻ። ማር. 10:38 51 ሳአል አፋ ሳሮትꬅ ኮኦዳይስ የኤዛ ይንትስ ኣዝኔ? የያ ባያ፥ ታ የኤዛይ ሻኮዳይስ። 52 Ꮊተፕ አይኪ ዎል ጋንጨ ሻክንቴዝ እችን አሳይ ፐቲ ኬꬃ ዎላ የዛ። ናምእታይ ሃይꬒታይል አፋ፥ ሀይዝታይካ ናምእታይል አፋ፥ ደንዲ ሻክንቶዳ። 53 አዳይ ናአይል አፋ፥ ናአይካ አዳይል አፋ፥ እንዳት ናአትል አፋ፥ ናአታ እንዳትል አፋ፥ አዝናይ እንዳት ናአይ ማቻትል አፋ፥ ናአይ ማቻት አዝናይ እንዳትል አፋ፥ ደንዲ ሻክንቶዳ።»ሚካ. 7:6

54 ማካ አሳይኮ፥ «አዋ ገሎ ባጋር ሳሎ ሻራትዛ ዎደ ብኢ፥ ኤልሲ፥ ‹እራ የኦዳ› ይ ዬግዛ፥ የይ ጋርከካ ሀንዛ። 55 ሱለ ባጋ ጫርኮ ጫርክዛ ዎደ ‹ሳአይ አዎዳ› ይ ዬግዛ፥ የይ ጋርከካ ሀንዛ» ዬጌዛ። 56 ይንታኖ፥ ጩብታዮ፥ ሳሎባዝኔ ሳአባዝ ሻኪ ኤርዝን Ꮊ ዎዳ ሻኪ ኤሮዳይ ይንታን ዋይዚ ጋሜኔ?

57 «የዝን፥ ይ ኡባስ አብስ ቱማ ፕርዶሳ? 58 ነ ሞርካይር ዎላ ዳይና ቲና ኤቆዳይስ Ꮊንግታር ኦገል አፋ ጊጎዳይስ ኮዪ ነ ጊገካ አትኮ ጎሽች ዳይና ቲና ነና ካማዳ። ዳይናይ ነና ፖልሴስ ኣꬂ እማዳ። ኤ ነና ዎይነ ኦሎዳ። 59 ስኦይታ፥ ፐቲ ባካና አተካዝን ጭግ ሃሶድ ጋꬆ ነ እዝፕ ኬዛምዛኖ ኤሮባ» ዬጌዛ።