1 ፐቲ ጋላስ የሱሳ ፐቲ አቆ ዎስዛ። ዎሳ ዉርሴዛይፕ ጉየ ኤ ታማርታይፕ ፐታይ፥ «ጎዳዮ፥ ዋንሳ ፋ ታማርታ ዎሳ ታማርሴዛይ ጋርክ ኔካ ኑና ዎሳ ታማርሶባ» ዬጌዛ።

2 የሱሳ፥ «Ꮊይ ጋርከ ዬጊ ዎሶይታ፦

5 ማቅካ፥ የሱሳ ፋ ታማርታይኮ ዬጌዛ፦ «ኣዝሶስ ይንትፕ ፐታይስ ላጌ የዛ። ኤ ግዲ ብላሄ ፋ ላጋይ ካራ Ꮊንጊ፥ ‹ታ ላጋዮ፥ ሀይꬒ ሶሎ ታስ ታልኦየ። 6 ታስ ላጌ ማቄዝ ፐቲ አሲ ኦገፕ ይእን፥ ኤዝስ ኣꬆድ ባዝ ታና ꬋቤዛ› ዬግኮ፥

7 «ኤ ላጋይ ኬꬃ ጋንጨ የዚ፥ ‹ሀያና ታና ዋይꬅፐ፥ ፐንጋይ ኮብንቴዛ። ታ ናእታይካ ታር አርሳል አፋ ዎይኤዛ። የይ ግሾስ፥ ደንዲ ነ ኮዬዝ ባዛ እንጎዳይስ ዳንዳኦያ› ዬግነኔ? 8 ታ ይንትስ ኦድዛ፤ ላገትꬃይ ግሾስ ደንዲ እማዳይስ ኮየካ ማቅኮካ ዎሳር ዋይꬄዝ ግሾስ ደንዲ ኮይዝ ባዝ ኡባ እንግዛ።

9 «የይ ግሾስ፥ ታኒ ይንትስ ኦድዛ፤ ዎሶይታ ይንትስ እንግንቶዳ፤ ኮዦይታ ይ ደንጎዳ፤ ባለ ይኢ ጼጎይታ ይንትስ ዶይንቶዳ። 10 ዎስዛ ኡባይ ኤክዛ፤ ኮይዛይ ደንግዛ፤ ባለ ይኢ ጼግዛይስ ዶይንቶዳ።

11 «ይንታኖ፥ አድታዮ ይ ጋንጨፕ ናአ ቦራ ዎስኮ ሹች እንግዛይ ኦኖ? ሞሎ ዎስኮ ሾሺ እንግዛይ ኦኖ? 12 ዎይ ጱጱለ ዎስኮ Ꮊንጋርጮ እንግኔ? 13 ይ ኢትታ ማቅታር ይ ናእታይስ ሎኦ ባዝ እሞ ኤርኮ፥ ሳሎ የዝ ይ አዳይ ዎስዝታይስ ጌሻ አያና ዋይዚ ኣꬂ እንጋሞ?» ዬጌዛ።

14 ፐቲ ጋላስ የሱሳ ዶና ሙምሴዝ ቱና አያና ፐቲ አꬃይፕ ከሴዛ። ቱና አያናይ ከዜዛን ጋርክ ሙመ አꬃይ ኦድንቴዛ። ዎያይካ ማላባዝ ጌዛ። 15 ዝን ፐታይ ፐታይ፥ «ቱና አያና ሀላቃ፥ ብኤልዘቡላ ዎልቃር ቱና አያንታ ከስዛ» ዬጌዛ። ማቶ. 9:34፤ 10:25 16 Ꮊንክታይ ማ ፋጮዳይስ ሳሎፕ ማላ ቤዞዳይ ጋርክ ኮዬዛ። ማቶ. 12:38፤ 16:1፤ ማር. 8:11

17 ዝን የሱሳ ኡ ቆፋ ኤሪ ኡንትኮ፥ «ዎል ጋንጨ ሻክንትዛ ካተትꬂ ኡቢታይ ꬋብዛ፤ ዎል ጋንጨ ሻክንትዛ ኬꬅ ዎድዛ። 18 ጻላሄ ካተትꬃይ ሻክንትኮ ኤ ካተትꬃይ ዋይዚ ሚንጊ ኤቆዴ? ይ ታና፥ ‹ኤ ቱና አያንታ ብኤልዘቡላ ዎልቃር ከስዛ› ግዛ። 19 ይኬ፥ ታኒ ቱና አያና ብኤልዘቡላ ዎልቃር ከስዛ ባዝ ማቅኮ ይንታን ካልዝታይ ኦ ዎልቃር ከሶደሻ? የይ ግሾስ፥ ኡንቲ ይንታል አፋ ፕርድዝታ ማቆዳ። 20 ዝን ታኒ ቱና አያንታ ጾስ ዎልቃር ከስዛ ባዝ ማቅኮ ይኬ ጾሳ ካተትꬃይ ይንትኮ ኡኬዛና ኤሮይታ።

21 «ሚንꬅ አስ ዳንጭንቲ ፋ ኬꬃ ናግዝ ማቅኮ፥ ኤ ሻላይ ቦችንተና። 22 ሀኖ ዝን፥ ኤዝፕ ኣꬊ ሚንꬅ ማቄዝ አስ ይኢ፥ ኤዛ ጋሚ ኤ አማንንቲ ዳንጬዝ ዳንጫ ብልሲ፥ ኤ ሻላና ቦንቂ ሻግዛ።

23 «ታር ዎላ ማቀካዛይ ታና እጽዛ፤ ታር ሺሾዛይካ ላልዛ። ማር. 9:40

24 «ቱና አያናይ አሳፕ ከዜዝ ዎደ ሸምፕዛ አቆ ኮዪ ሃꬂ ባ አቆር ዩይዛ። ሸምፕዛ አቆ ꬋቤዝ ዎደ ‹ማቂ ታ ከዜዝ ካርቴ Ꮊማዳ› ዬግዛ። 25 ኤ ማቅዝ ዎደ ኬꬃይ ፕትንቲ ሎእ የዝን ደንጌዛ። 26 የይፕ ጉየ፥ Ꮊንጊ ኤዝፕ ኣꬊ ኢቴዝ ሀራ ላፑን ቱና አያንታ ኤኪ ይእዛ። ኤዛል ገሊ የስ አይክዛ። የ አꬃይስ ቲናሳይፕ ጉዬሳይ ኣꬊ ኢታ ማቅዛ» ዬጌዛ።

27 የሱሳ የያ ኦዳል አፋ የዝን ፐቲ አስታ ዎያ ጋንጨፕ ደንዲ፥ ፋ ቃላ ꬎቅ ኡዲ፥ «ነና ቶኬዝ ኡላይኔ ነ አሜዝ አምታይ አንጅንቴዛ» ዬጌዛ።

28 ዝን ኤ፥ «አንጅንቴዝታይ ጾስ ቃላ ስኢ ኪትንትዝታ» ዬጌዛ።

29 ጋመ አሳይ ሺቄዝ ዎደ የሱሳ፥ «Ꮊ የለትꬃይ ኢታ፤ ማላ ኮይዛ። ዝን ዮናሳ ማልታይፕ አትን ሀራ ኡንትስ እንግንቶያ። ማቶ. 16:4፤ ማር. 8:12 30 ዮናሳ ናናወ አሳይስ ማላ ማቄዛይ ጋርክ አስ ናአይካ Ꮊ የለትꬃይስ ማላ ማቃዳ። ዋን. 3:4 31 ካታታ ሳባ ፕርደ ጋላስ Ꮊ የለትꬃይራ ደንዲ ፕርዶዳ። አብስ ጊኮ፥ እዛ ሶሎሞነ ኤጨትꬃ ስኦዳይስ ቢታ ጋጻፕ ደንዲ የኤዛ። ዬዛኮ ሶሎሞነፕ ኣꬍዛይ Ꮊይዳ የዛ 1ካት. 10:1-10፤ 2ዜና. 9:1-12 32 ናናወ አሳይ ፕርደ ጋላስ Ꮊ የለትꬃይራ ደንዲ ኡንታል አፋ ፕርዶዳ። አብስ ጊኮ ዮናሳ ስብካተር ማሮትꬅ ገሌዛ። ዬዛኮ፥ ዮናሳፕ ኣꬍዛይ Ꮊይዳ የዛ» ዬጌዛ። ዋን. 3:5

33 «ጾምፐ ጾምፒ ቆሶ አቆ ዎይ ኦታ ጋንጨ ጋድዛ አሲ ባያ። አሲ ፖአና በአድ ጋርክ ꬎቀ አቆ ጋድዛ። ማቶ. 5:15፤ ማር. 4:21፤ ሉቃ. 8:16 34 ነ ጋላ ኡባይስ ፖአይ ነ አፋ። ነ ኣፋይ ሎኦ ማቅኮ፥ ነ ኩንꬅ ጋላይ ፖእዛ። ነ ኣፋይ ሀርግኮ ነ ጋላይ ኡባይ ꬉምዛ። 35 የይ ግሾስ፥ ነ ጋንጨ የዝ ፖአይ ꬉማም ጋርክ ናግዛ። 36 ይኬ፥ ነ ኩንꬅ ጋላይ ፖኦ ማቅኮ፥ ነ አሰትꬃይዳካ ሀራ ꬉማ አቆ ꬋብኮ፥ ነ ጋላ ኩንꬃይ ዋዢ ጌዝ ፖኦ ጋርክ ማቅዛ» ዬጌዛ።

37 የሱሳ ፋ ናሻ ዉርሴዛን ጋርክ ፐቲ ፈርሳዋይ ፓር ካꬃ ማዳይ ጋርክ ጼጌዛ። ኤ ኤዛር ዎላ ገሊ ስብረል አፋ በቴዛ። 38 ፈርሳዋይ የሱሳ ካꬃ ማዳይፕ ቲና ኩሸ ሜጨካዛ ብኢ ማላባዝ ጌዛ።

39 ጎዳይ ኤዝኮ፥ «ይንቲ ፈርሳውታይ ዋንጫስኔ ከረስ አፋ ባጋ ሜጭዛ። ዝን ይ ጋንጫይ ቦንቃኔ ኢታትꬃር ኩሜዛ። 40 ይንታኖ፥ ቦዝታዮ፥ ባለ ባጋ መꬌዛይ ጋንጨ መꬌዝ ጎዳይ ኤዛ ባሳኔ? 41 ዝን ዋንጫኔ ኬሬ የዛና ማንቅታይስ እንጎይታ። የ ዎደ ይንትስ ኡባ ባዝ ጌሽ ማቃዳ።

42 «ፈርሳውታዮ ይንታን አየ፥ ሳዎፐ፥ ጻሎተፐ፥ የይ ጋርክ ባዝፐ አስራታ ከስዛ። ዝን ጽሎትꬅኔ ጾስ ቃ ይንታር ባያ። Ꮊንክታ አሸካዛር Ꮊይትታካ ኦꬆዳይስ ቤዝዛ፥ ዝን ይ አሼዛ። ለዊ. 27:30

43 «ፈርሳውታዮ ይንታን አየ፥ አይሁድታይ ዎሳ ኬꬃ ቦንቾ ኦይደ፥ ጋበ ጋንጨ ቦንቾ ሳሮꬆ ይ ዶስዛ።

44 «ሊላሚ ꬋብን አሳይ ኤረካዛር አፋር የꬍዝ ዱፎ ኣዝዝታዮ ይንታን አየ» ዬጌዛ።

45 ህገ አስታማራይ ማቂ፥ «አስታማራዮ፥ ነ የያ ጊታር ኑና ጫዥዛ» ዬጌዛ።

46 የሱሳ፥ «ይንታኖ፥ ህገ አስታማርታዮ፥ ይንታናካ አየ፥ አሲ ቶኮዳይስ ዳንዳኦዋ ዴጾ ቶፎ ቶስዛ፥ ዝን ይንቲ ይ ኡባስ ሀራ አቶዝን ብራ ጼራራካ ቦቾያ።

47 «ይ አድታይ ዎꬌዝ ናብታይ ዱፋ ይ ጊግስዛይ ግሾስ ይንታን አየ። 48 ይኬ፥ ይ አድታይ ኦሳ ምንꬆዳይስ ኡ ዎꬌዝ ናብታይ ዱፋ ይ ሎእꬅዛ ግሾስ ኡ ኢታ ኦሳይስ ይ ማርካ። 49 የይ ግሾስ፥ ጾሳይ ፋ ኤጨትꬃር፥ ‹ናብታኔ ሀዋርታ ታ ይንትስ ኪቶዳ፥ ዝን ይ ባግታ ዎꬎዳ፤ Ꮊንክታ ባይኦዳ› ዬጌዛ። 50 የይ ግሾስ፥ Ꮊ የለትꬅታይ አላማይ መꬍንቴዛይፐ Ꮊኖ ሄሎዳይስ ላልንቴዝ ናብታይ ኡቢታይ ሱꬃይስ ኦይጭንቶዳ። 51 አቤላፕ አይኪ ያርሾ አቆስኔ ጾስ ኬꬃፐ ጋንጨር ላልንቴዝ ዛክሬሳ ሱꬃይ ግሾስ Ꮊ የለትꬃይ ኦይጭንቶዳ። መ. 4:8፤ 2ዜና. 24:20-21

52 «ህገ አስታማርታዮ፥ ይንታን አየ፥ ኤረትꬅ ቁልፓ ይ ኩሸ ይ አይኬዛ፥ ዝን ይንትስ ገሎያ Ꮊንክታካ ገልሶያ» ዬጌዛ።

53 የሱሳ የይፕ Ꮊማዳይስ ከሳዳር ህገ አስታማርታይኔ ፈርሳውታይ ኤዛር ኤቅንቲ ኦይቻር ዋይꬄዛ። 54 ኤ ዶናፕ ከዝዝ ቃላር ኤዛ አይኮዳይስ ኮዪ የያ ኦꬄዛ።