1 ፐቲ ጋላስ ቃራጸ ጋችሽዝታይኔ ናጋራ ኦꬅዝ አሳይ የሱሳ ትምርታ ስኦዳይስ ኤ ላንቃይር ሺቄዛ። ሉቃ. 5:29-30 2 ዝን ፈርሳውታይራኔ ህገ አስታማርታይ፥ «Ꮊ አꬃይ ናጋራንችታ ሺሺ ኤክዛ፥ ኡንታር ዎላ ሚዛ» ዬጊ ዝግሬዛ።

3 የሱሳ ዬጊ Ꮊ ኣዝሳ ኡንትስ ኦዴዛ፦ 4 «ይ ጋንጨፐ ፐታይስ ጼት ዱርታይ የዛ ባዝ ማቅኮ ኡንታፕ ፐታይ ꬋብኮ ኡዱፉን ታማኔ ኡዱፉንታ ዎራ አሺ ꬋቤዛና ደንጎድ ጋꬆ ኮዮዛይ ኦኖ? 5 ደንጌዝ ዎደ ኡፋይቲ ፋ ጋናል ቶኪ፥ 6 ፋ ካራ ማቅዛ። ፋ ላግታኔ ሾርታ ዎላ ጼጊ፥ ‹ꬋቤዝ ታ ዱራ ደንጌዛ፥ ታር ዎላ ኡፋይቶይታ› ዬግዛ። 7 የይ ጋርከካ፥ ማሮትꬅ ገሎዋ ኡዱፉን ታማኔ ኡዱፉን ጽልታይፕ ፋ ናጋራስ ማሮተꬅ ገልዝ ፐቲ አꬃይ ግሾስ ሳሎ ዳሞ ኡፋይስ ማቅዛ።

8 «ዎይ ታጲ ሹቻ ብራ የዛ ፐቲ አስታ ታጵፕ ፐታት ꬋብኮ ደንጎድ ሄሎዳይስ ጾምፐ አይꬂ ኬꬅ ፕቲ ሚንꬂ ኮዮዛይ ኦኖ? 9 ደንጌዝ ዎደ ፋ ላግታኔ ፋ ሾርታ ጼጊ ‹ꬋቤዝ ታ ሹቻ ብርቶ ደንጌዝ ግሾስ ታር ኡፋይቶይታ› ዬግዛ። 10 ስኦይታ፥ የይ ጋርክ ፐቲ ማሮትꬅ ገልዝ ናጋራንቻይር ጾሳ ኪታንችታይ ቲና ኡፋይስ ማቅዛ» ዬጌዛ።

11 ማቂ የሱሳ፥ «ፐቲ አꬃይስ ናምኢ ናእታይ የዛ። 12 ኡንታፕ ጌዶ ናአይ ፋ አዳይኮ፥ ‹ታ አዳዮ፥ ነ ሻላይፕ ታ ባጋ ታስ እንጎባ› ዬጌዛ። አዳይ ፋ ሻላና ፋ ናእታይስ ሻጌዛ። 13 ጽቃ ጋላሳፕ ጉየ ጌዶ ናአይ ፋ ባጋ ኡብታ አጪ ኤኪ ሃኮ ጋደ Ꮊንጌዛ። ኤዛይድ ኤኪ Ꮊንጌዝ ሻላና ቶቺ ዉርሴዛ። 14 ኤ ፓስ የዛ ባዝ ኡብታ ዉርሴዛይፕ ጉየ የ ጋዳይድ ኡባይል ሚንꬅ ናየ ገልን መትንቴዛ። 15 የይ ግሾስ፥ የ ጋደ አሳይፕ ፐታይ ካራ ጋታ ገሌዛ። አꬃይ ኤዛ ጉዳይለ ሄማድ ጋርክ ፋ ሞꬃ ዳኬዛ። 16 ጉዳይልታይ ሚዝ ሀርቃይፕ ማዳይስ አሞቴዛ፥ ዝን እዞካ ኤዝስ እንግዛ አሲ በንተካያ። 17 ፋ ዎዝናር፥ ‹ኣፑን ታ አዳይ አይልታይስ ካꬃ አላ አትን ታ Ꮊይዳ ናየር Ꮊይቀ?› 18 ደንዲ ታ አዳይኮ Ꮊንጊ፥ ‹ታ አዳዮ፥ ሳሎ ጾሳ፥ ሳአ ነና ታ ቆሄዛ። 19 Ꮊንፕ ነ ናአ ግንትንቲ ጼግንቶዳይስ ታስ ቤዞዋ ግሾስ ነ ካራ የዝ አይልታይፕ ፐታይ ጋርክ ኡዲ ታና ታይቦባ› ዬጎዳ» ዬጌዛ። 20 የይ ግሾስ፥ ደንዲ ፋ አዳይኮ Ꮊንጌዛ።

«ሀኖ ዝን፥ ኤ ሀጋ ሃኮር የዝን አዳይ ቃꬊንቲ፥ ኤዝኮ ዎጺ Ꮊንጊ እድንጊ ዬሬዛ። 21 ናአይካ፥ ‹ታ አዳዮ ሳሎ ጾሳ፥ ሳአ ነና ታ ቆሄዛ። Ꮊንፕ ገደ ነ ናአ ግንትንቲ ጼግንቶዳይስ ታስ ቤዞያ› ዬጌዛ።

22 «ኤ አዳይ አይልታ ጼጊ፥ ‹ኤልሲ ኡባፕ ሎኦ ማቄዝ አፍላ ክኢ ኤዛ ማእሲ፤ ኤ ብራꬋይዳካ ምግዶ፥ ኤ ቶካይድ ጫማ ኣꬆይታ። 23 ሞꬎ መሄ ክኢ ሹኮይታ፥ ማዳ፥ ኡፋይቶዳ። 24 ታ ናአይ Ꮊይ Ꮊይቄዛ፥ ዝን Ꮊቴ ፓጼዛ፤ ꬋቤዛ፥ ዝን በንቴዛ› ዬጌዛ። የይፐ ጉየ፥ ኡፋይትꬂ አይኬዛ።

25 «የ ዎደ ባይራ ናአይ ዎታ ጋደ የዛ። ኤዛይፕ ይእታር ካራ ኡኮዳር የꬅኔ ዶንꬅ ጊርꬅ ስኤዛ። 26 አይልታይፕ ፐታ ጼጊ ሀንዛይ አብዛኮ ኤሮዳይስ ኦይጬዛ። 27 አይላይ፥ ‹ነ እሻይ ሳሮ የኤዝ ግሾስ ነ አዳይ ሞꬎ መሄ ኤዝስ ሹኬዛ› ዬጌዛ።

28 «ባይራ እሻይ ካጭንቲ ካራ ገሎዳይስካ ኮየካያ። አዳይ ባለ ከዚ ካራ ገሎዳይ ጋርክ ኤዛ ዎሴዛ። 29 ዝን ኤ ፋ አዳይኮ፥ ‹ዬዛኮ፥ Ꮊይ ጋርክ ላይꬅ ታ ኔስ አይለት ነ ኪታፐ ፐቶካ ፓጭንቸካዛር ኔስ ኪትንትን ታ ታ ላግታይር ኡፋይቶድ ጋርክ ሀራ አቶዝን ፐቲ ሆጎ ዴሽ ታስ እንገካያ። 30 ዝን፥ Ꮊይ ነ ናአይ ነ ሻላና ላምዝታይር ዶንጊ ዉርሲ ይእን ሞꬎ መሄ ሹኬነ ባይ› » ዬጌዛ።

31 «አዳይካ፥ ‹ታ ናአዮ፥ ነ ኡባ ዎደ ታር የዛ፥ ታባዝ ኡባይ ኔስ። 32 Ꮊይ ነ እሻይ Ꮊይቄዛ፥ ዝን ፓጼዛ፤ ꬋቤዛ፥ ዝን በንቴዛ። የይ ግሾስ፥ ጋመ ኡፋይቶዳይስ ቤዝዛ› ዬጎዳ» ዬጌዛ።