1 የሱሳ ፋ ታማርታይኮ፥ «ፐቲ ዱረ አꬃይስ ኤዝፕ ኦሞር ፐቲ ሹማይ የዛ። የ ሹማይ ፋ ጎዳይ ሻላና ቶቼዛ ዬጊ ሞቴዛ። 2 ሻሎ ጎዳይ ሹማ ጼግሲ፥ ‹ታኒ ዋግዝን ስአሬ? Ꮊንፕ ነ ታ ኬꬅስ ሹም ማቂ ኦꬆዳይስ ዳንዳኦዋ ግሾስ ታ ሻላና ታና ሄልꬆባ› ዬጌዛ።

3 «የ ሹማይካ ፋ ዎዝናር Ꮊይ ጋርከ ዬጊ ቆፔዛ። ‹ታ ጎዳይ ታና ሹመትꬃይፕ ዎꬆድ ሀንዛ፥ ዎቲ አቆዳይስ ዎልቃ ባያ፥ ዎሲ ማዳይስ ዬላꬅዛ፤ የዝን ታ ዋይዞ? 4 ሹማትꬃፕ ታና ዎꬍስኮ ዎደ አሳይ ታና ሞኮድ ጋርክ ኦꬆድ ባዝ ታ ኤርዛ› ዬጌዛ።

5 «የይ ግሾስ፥ ኤ ጎዳይ አጮ የዝ አሳ ፐታ ፐታ ጼጊ ክኢ ቲና አꬃይኮ፥ ‹ኔል አፋ ታ ጎዳይ አጮ ኣፑኒ የኔ?› ዬጊ ኦይጬዛ።

6 «ኤ፥ ‹ጼት ኦታ ዛይተ አጮ የዛ› ዬጌዛ።

«ሹማይ፥ ‹ዉለ ዋርቃታ Ꮊይሼ፥ ኤልሲ፥ እሻታም ኦታ ዛይተ አጮ የዛ ግ ጻፎባ› ዬጌዛ።

7 «የይፐ ካል ናምእንꬃይኮ፥ ‹ኔስ ኣፑኒ የኔ?› ዬጌዛ።

«ኤ፥ ጼት ጆንያ ‹ግስተ አጮ የዛ› ዬጌዛ።

«ሹማይ፥ ‹ነ ዉለ ዋርቃታ Ꮊይሸ፥ ኤልሲ፥ ሆስፑን ታም ጆንያ ዬጊ ጻፎባ› ዬጌዛ። 8 ሻሎ ጎዳይ አማንንቶዋ ሹማይ ኤ ብላማትꬃይስ ናሽቼዛ። Ꮊ አላማይ ናእታይ አስ አይꬃር ፖኦ ናእታይፕ ኣꬌዝ ዎዛናምታ።

9 «የይ ግሾስ፥ ታ ይንትስ ኦድዛ፤ Ꮊ ዎርዶ ሚሻይ ዎርዶር በንቴዝ ዎዳይድ መꬍና ኬꬃ ይንታን ሞኮዳይ ጋርክ ሚሻይር ይንትስ ላግታ ዎንጎይታ። 10 ኡባይፕ ጽቃ ባዛል አማንንቴዛይ ጋመ ባዛል አማንንቴዛያ ማቅዛ። ማ ኡባፕ ጽቃ ባዛል አማንንቶዋዛይ ጋመ ባዛል አማንንቶያ። 11 ይኬ፥ Ꮊ አላመ ሚሸል ይ አማንንታም እጽኮ ቱማ ሚሸ ይንትስ ኦኒ ሀዳራ እማደ? 12 ይንቲ ሀራ አስ ሚሸል አማንንታም እጽኮ፥ ይ ቡዞ ሚሸ ይንትስ ኦኒ እማደ?

13 «ፐቲ አይላይ ናምኢ ጎድታይስ ሞድንቶዳይስ ዳንዳኦያ። ፐታ እጽኮ Ꮊንካያ ቃꬍዛ ዎይ ፐታይኮ ሺቅኮ Ꮊንካያ ለቂዛ። የይ ጋርክ፥ ይ ጾስስኔ ሚሸስ ሞድንቶዳይስ ዳንዳኦያ።»ማቶ. 6:24

14 ሚሸ ቃꬍዛ ፈርሳውታይ የያ ስኢ የሱሳና ቃልዴዛ። 15 ኤ፥ «ይንቲ ይንታን አስ ቲና ጽልስዛ፥ ዝን ጾሳይ ይ ዎዝና ኤርዛ። አስ ቲና ቦንችንቴዛይ ጾስ ቲና ቦርንቴዛ።

16 «ሙሰ ህጋይኔ ናብታይ ኪታይ ዋንሳ ሄሎዳይስ ይንትስ ኦድንትታር ጋምኤዛ። የይፐ ጉየ፥ ጾሳ ካተትꬃ ዎንግላይ ኦꬅታር ጋምኤዛ። አሲ ኡባይ የ አቃ ገሎዳይስ ዳፍንትዛ። ማቶ. 11:12-13 17 ማቆዝን፥ ህጋይፕ ፐቲ ላፋ ፕዳለ አቶዳይፕ ሳሎራኔ ሳአር ኣꬍዛይ ሻዉክዛ። ማቶ. 5:18

18 «ፋ ማቻቶ ዳኪ ሀራ ኤክዛ ኡባይ ዎድረ ላምዛ። ፋ አዝናይፕ አንጅቴዛኖ ኤኬዛይካ ዎድረ ላምዛ» ዬጌዛ። ማቶ. 5:32፤ 1ቆሮ. 7:10-11

19 «አልኦኔ ቡቁሮ አፍላ ማእዛ፥ ሳአ ሀንን ጋላስ ጋላስ ኡፋይሳር የዝ ፐቲ ዱረ አስ የዛ። 20 ሀራ ማ ጋላይ ሙመር ማዱንጼዝ ፐቲ አላዛራ ግንትንትዝ ማንቃይ የ ዱረ አꬃይ ባለ ዶግንቲ አቴዛይ የዛ። 21 ናየፕ ደንዴዛይድ ዱረ አꬃይ ሌማተፕ ዎꬍዝ ጉፋ ማዳይስ አሞትታር የዛ። ሀራ አቶዝን፥ ካንታይ ይኢ ኤ ማዶꬃ ላእዛ።

22 «የ ማንቃይ Ꮊይቄዛ፤ ኪታንችታይ ኤዛ አፍራመ ክኦ ካንጌዛ። ማ ዱረ አꬃይካ Ꮊይቂ ሞግንቴዛ። 23 ስኦለ ኡንእንቲ የዝታር ꬎቅ ግ ሃኮር አፍራመኔ ኤ ክኦ የዝ አላዛራ በኤዛ። 24 ኤ፥ ‹አዳዮ አፍራመ፥ ታስ ቃꬍንቶየ፤ Ꮊ ላꬅ ታማይ ጋንጨ ኤጽታር የዝ ግሾስ አላዛረ ፋ ብራ ጼራቶ ሃꬃ ዳኪ ታ እራንꬃቶ ላክꬆድ ጋርክ ሀያና ኤዛ ዳኮየ› ዬጊ ኡኬዛ።

25 «ዝን አፍራመ ኤዝኮ፥ ‹ታ ናአዮ፥ ነ ሳአ የሳይድ ሎኦ ባዝ ኤኬዛናኔ፥ ማ አላዛረ ኢታ ባዝ ኤኬዛና አካኮባ። ዝን Ꮊት ኤ Ꮊይዳ ኡፋይትዛ፥ ማ ኔኒ ዋይታር የዛ› ዬጌዛ። 26 Ꮊ ኡባፕ ኣꬊ፥ ‹Ꮊይፐ ይንትኮ፥ ይንፐ Ꮊና ኑኮ ኣꬎዳይስ ኮይዝታይ ፒንጋም ጋርክ ኑስኔ ይንትስ ጋንጨ ዳማ ጋጋ የዛ› ዬጌዛ።

27 «ዱረ አꬃይ፥ ‹ታ አዳዮ፥ ዬዛኮ አላዛራ ታ አዳይ ካራ ኪቶድ ጋርክ ታ ነና ዎስዛ። 28 ታስ እችን እሽታይ የዛ፥ ኡንትካ Ꮊ መቶ አቃ የአማይ ጋርክ ኡንትስ Ꮊንጊ ማርካቶ› ዬጌዛ።

29 «ዝን አፍራመ፥ ‹ኡንትስ ሙሰራኔ ናብታይር የዛ፤ ኡንቲ ኦዴዝ ባዝ ስኦ› ዬጌዛ።

30 «ዱረ አꬃይ፥ ‹አዳዮ አፍራመ፥ የይ ጋርክ ባያ፤ ፐቲ አሲ Ꮊይቆፕ ደንዲ Ꮊንግኮ ኡንቲ ማሮትꬅ ገሎዳ› ዬጌዛ።

31 «አፍራመ፥ ‹ሙሰኔ ናብታ ስአም እጽኮ፥ ሀራ አቶዝን Ꮊይቆፕ ፐቲ አሲ ደንዲ ኦድኮካ አማነና› ዬጌዛ።»