1 የሱሳ ፋ ታማርታይኮ፥ «አስ ꬉብꬂ ናጋራ ገልስዛባዝ ይእꬃይ አተና። ማቆዝን፥ ናጋራ ገሎድ ጋርክ ኦꬅዛ አꬃይ አየ» ዬጌዛ። 2 የ አꬃይ ጽቅታይፕ ፐታ ባልꬆዳይፕ ዎጻ ፋ ቆል አጪ አባ ጋንጨ ቅትኮ ኤዝስ ሎኦ። 3 የይ ግሾስ ናግንቶይታ። ማቶ. 18:15

«ነ እሻይ ናጋራ ኦꬅኮ ካጮባ፤ ቂራꬊ ማሮትꬃር ማቅኮ፥ ኤዝስ አቶ ጎባ። 4 ፐቲ ጋላስ ላፑን ቶኬ ቆህ፥ ላፑን ቶኬ፥ ‹ታኒ ታ ቡታ ኤሬዛ ታና ማሮባ› ዬጊ ይእኮ ኤዝስ አቶ ጎባ።»

5 ሀዋርታይ ጎዳይኮ፥ «አማኖ ኑስ ጉጆየ» ዬጌዛ።

6 ጎዳይ፥ «ሳናፍጨ ኣፈ ጋርክ አማኖ ይንትስ የዝኮ ‹Ꮊ ዋላ ሾድንቲ አባ ጋንጨ ቱክንቶባ› ዬግኮ ይንትስ ኪትንቶዳ» ዬጌዛ።

7 ጉጅካ የሱሳ፥ «ይ ጋንጨፐ ፐታይስ ዎትዛ ዎይ ዱረ ሄንግዝ አይለ የዝኮ ኦሶ ጋደፕ ዎይ ዉደፕ ካራ ማቃዳር ‹ኤለ ካꬃ ማዳይስ Ꮊና ይኢ በቶባ› ዬግዛይ የኔ? 8 ባያ፥ ‹ታስ ካሆ ጊግሶባ፤ ታ ም፥ ኡዢ አሾድ ጋꬆ ኤቂ ሙዞባ። የይፕ ጉየ፥ ነ ማ ማዳኔ ኡዦዳ› ዬግንባሳ? 9 ይኬ ጎዳይ አይላይ ኪታ ፖሌዝ ግሾስ አንጅኔ? 10 የይ ግሾስ፥ ይንትካ ኪታ ኡብታ ፖሌዝ ዎደ ‹ኑ ፓꬆዋ አይልታይ፤ ኦꬆዳይስ ቤዝዛ ኦሶ ፖሌዛ› ዬጎይታ» ዬጌዛ።

11 የሱሳ የሩሳላመ Ꮊንግታር ሳማረስኔ ጋልላ ቢታስ ጋንጨር ቆእ ኣꬌዛ። 12 ፐቲ ሄራ ገሎዳር ቦርቆንቶ ሀርገር አይክንቴዝ ታጲ አስታይ ኤዛና ደንጌዛ። ኡንትካ ሃኮ ኤቂ፥ 13 «ጎዳ የሱሳ፥ ኑስ ቃꬍንቶየ» ዬጊ ኡኬዛ።

14 ኤ ኡንታን ብኢ «Ꮊንጊ ይ ጋላ አይሁድታይ ቄሰ ቤዞይታ» ዬጌዛ። ኡ ኦገር Ꮊንግታር ጌዤዛ። ለዊ. 14:1-32

15 ኡንታፕ ፐታይ ፋ ጌዥꬃ ብኢ ꬎቅ ጌዝ ቃላር ጾሳ ቦንችታር የሱሳኮ ማቄዛ። 16 ኤዚ ሳማረ ቢታ አስ፥ ዝን የሱሳ ቶካይል አፋ ጹጉኒ ኤዛ ጋላቴዛ።

17 የሱሳ፥ «ጌዤዛይ ታጲ አስታ ባሳ? የዝን፥ ኡዱፉንታይ አባ የኔ? 18 Ꮊ አላጋ አꬃይፕ*Ꮊ አላጋ አꬃይፕ፦ ቦርቆንቶ ሀርጋይፕ ፓጼዝ አꬃይ አላጋ ጊንትንቴዛይ ኤ አይሁድታይ ማቀካ ግሾስ። አትን ሀራ ማቂ ጾሳ ጋላትዛ አስ በንተካያ» ዬጌዛ። 19 አꬃይኮ፥ «ነ አማናይ ነና ጌሼዛ፤ ደንዲ ቅቶባ» ዬጌዛ።

20 ፈርሳወ አስታይ፥ «ጾስ ካተትꬃይ አይደ የኦዴ?» ግ የሱሳና ኦይጬዛ። ኤ፥ «ጾስ ካተትꬃይ ናጎር የኦያ። 21 ማካ እዞ፥ ‹Ꮊኔ ዎይ ይነ ዬጎዳይስ ዳንዳኦያ። አብስ ጊኮ ጾስ ካተትꬃይ ይ ጋንጨ የዛ› » ዬጊ ማሄዛ።

22 የሱሳ ፋ ታማርታይኮ፥ «አስ ናአይ ጋላስታይፕ ፐታ በአዳይስ ይ አሞትዝ ዎዳይ የኦዳ፥ ዝን ይ በአሚ። 23 አሳይ፥ ‹ኤ የይድ የዛ› ዎይ፥ ‹Ꮊይዳ የዛ› ዬጎዳ፥ ዝን ኡንታን ካሊ Ꮊንግፓተ። 24 ዜልንꬂ ዜልንጊ ሳሎ ጋጻፕ ጋጻ ፖእስዛይ ጋርክ አስ ናአይ ይእꬅ ጋላሳይ የይ ጋርክ ሀኖዳ። 25 ዝን የይ ሀኖዳይፕ ቲና አስ ናአይ ጋመ ዋዮዳይስኔ Ꮊ የለትꬃይድ እጽንቶዳይስ ቤዝዛ። 26 ኖሄ ዎደ ሀኔዛይ ጋርክ አስ ናአይ ዎዳይዳካ የይ ጋርክ ሀኖዳ። መ. 6:5-8 27 ኖሄ ማርካበ ገሌዝ ቃማ ሄሎዳይስ አሳይ ሚታራኔ ኡዥታር፥ ኤክታራኔ ገልታር የዝን ꬋብስዛ ሃꬃይ ይኢ ኡብታ ꬋብሴዛ።መ. 7:6-24 28 ሎጸ ላይꬃካ የይ ጋርክ ሀኔዛ። አሳይ ሚታራኔ ኡዥታር፥ ዎንግታራኔ ባይዝታር፥ ቱክታራኔ ኬጽታር፥ ጋምኤዛ። መ. 18:20—19:25 29 ሎጸ ሶዶማፐ ከዜዝ ጋላስ ዲነ ግንትንትዝ ጹግዝ ታማ ሳሎፕ ቡኪ ኡባ ባዝ ꬋብሴዛ። 30 አስ ናአይ በንትዝ ዎደካ የይ ጋርክ ሀኖዳ።

31 «የ ጋላስ ኦንካ ባለ የዛይ ኬꬃል የዛይካ ጋንጨ የዝ ባዝ ኤኮዳይስ ካራ ገልፐ። የይ ጋርከ፥ ጋደ የዝ አሲ አብስካ ካራ ማቅፐ። ማቶ. 24:17-18፤ ማር. 13:15-16 32 ሎጸ ማቻቶ አካኮይታ፤ መ. 19:26 33 ፋ ሸምፓቶ አሾዳይስ ኮይዝ አሲ ኦንካ ꬋብሶዳ፤ ፋ ሸምፓቶ ኣꬂ እንግዝ ኦንካ አሾዳ። ማቶ. 10:39፤ 16:25፤ ማር. 8:35፤ ሉቃ. 9:24፤ ዋን. 12:25 34 ታ ይንትስ ኦድዛ፤ የ ጋላስ ናምኢ አሳይ ፐቲ አርሳል ዎይአዳ። ፐታይ ኤክንቶዳ፥ Ꮊንካይ አቶዳ። 35 ናምኢ ማችታይ ዎላ ጋጮዳር ፐታት ኤክንቶዳ፥ Ꮊንካት አቶዳ። 36 [ናምኢ አሳይ ዎላ ጋደ ዎትዝታይፕ ፐታይ ኤክንቶዳ፥ Ꮊንካይ አቶዳ»†ፐቲ ፐቲ ማጻፍታይድ ታይቦ 36 ባያ። ዬጌዛ።]

37 ኡንቲ፥ «ጎዳዮ አና ኤክንቶዴ?» ዬጊ ኦይጬዛ።

ኤ፥ «ጋዉጻ የዝ በሳ አንኮ ሺቅዛ» ዬጌዛ።