18
ሚንጊ ዎሶድ ጋርክ ታማርሴዛ
1 የሱሳ ፋ ታማርታ አዛለካ ኡባ ዎደ ዎሶድ ጋርክ ታማርሶዳይስ ኮዢ ዬጊ ኣዝሶ ኦዴዛ፦ 2 «ፐቲ ካታማ ጾስስ ያሽቶዋ አስስካ ዬላቶዋ ፐቲ ዳይናይ የዛ 3 የ ካታማ ጋንጨ ፐቲ አምአት የዛ። እዛካ፥ ‹ታስኔ ታ ሞርካይ ጋንጨ የዝ ሞታ ፕርዶባ› ዬጊ ኡባ ዎደ የ ዳይናካ ዳቡርስዛ። 4 ዳይናይ ጽቃ ዎደስ እ ኦዳ ስአም እጼዛ፥ ዝን ጉየፕ ፋ ዎዝናር ቆፕ፥ ‹ታኒ ጾስስ ያሽታም፥ አስስ ዬላታም እጽኮካ፥ 5 Ꮊ አምአት ታና ኡባ ዎደ ዋይꬅዛ ግሾስ እዝስ ፕርዶዳ፤ ዬጊ ቆፔዛ» ዬጌዛ።
6 ጎዳይካ፥ «ዉጨ ዳይናይ ጌዛና ይ ስኦይታ፤ 7 ጾሳይ ቃማኔ ጋላስ ኤዝኮ ኡክዛ ፋ ማራጼዝታይስ ፕርዶሳ? ኡንታን ማዶዳይስ ጋምእኔ? 8 ታ ይንትስ ኦድዛና ስኦይታ፥ ኤልሲ ፕርዶዳ። ማቆዝን፥ አስ ናአይ ይእዛ ዎደ ሳአል አማኖ ደማደሻ?» ዬጌዛ።
ፈርሳዋኔ ቃራጸ ጋችስዝ አꬃ
9 ማ ማሂ፥ የሱሳ፥ ፋና ጌሻ አስ ጋርክ ኡዲ ጬቅንትዝታይስኔ Ꮊንክታ ቦርዝታይስ Ꮊይ ጋርከ ዬጊ ኣዝሶ ኦዴዛ፦ 10 «ናምኢ አስታይ ዎሶዳይስ ጾስ ካራ Ꮊንጌዛ። ፐታይ ፈርሳወ Ꮊንካይ ማ ቃራጸ ጋችስዝ አስ። 11 ፈርሳዋይ ኤቂ ፓስ ዎስታር፥ ‹ጾሳዮ ታኒ Ꮊንክታይ ጋርክ ቦንቂዛ፥ ዡጫኔ ላምዛ አስ፥ ኡባራካ ማ Ꮊ ቃራጸ ጋችስዝ አꬃይ ጋርክ ባ ግሾስ ነና ታ ጋላትዛ። 12 ሳምንታፕ ናምኢ ቶኬ ጾምዛ፥ ታ ደንግዝባዝ ኡባይፕ አስራታ ከስዛ› ዬጌዛ።
13 «ዝን ቃራጸ ጋችስዛይ ማ ሃኮር ኤቂ ሀራ አቶዝን ሳሎ ꬎቅ ግ በአዳይስ ያሽቲ ፋ ትራ ቆጽታር ‹ጾሳዮ፥ ታና ናጋራንቻና ማሮየ› ዬጊ ዎሴዛ። ማቶ. 23:12፤ ሉቃ. 14:11 14 ታ ይንትስ ኦድዛና ስኦይታ፤ ፈርሳዋይ Ꮊይ ቃራጸ ጋችስዛይ ጾስ ቲና ጌሽ ማቂ ፋ ካራ ማቄዛ። አብስ ጊኮ፥ ፋና ꬎቅ ꬎቅ ኡድዛ አስ ካዉዦዳ፥ ፋና ካዉሽዛ አስ ꬎቅ ꬎቅ ጎዳ» ዬጌዛ።
የሱሳራኔ ዱደ ናእታ
(ማቶ. 19:13-30፤ ማር. 10:13-31)
15 የሱሳ ዱደ ናእታይል አፋ ፋ ኩሻ ጋዲ አንጆዳይ ጋርክ አሳይ ኤኮ ክእዛ። የሱሳ ታማርታይ የያ ብኢ አብስ የሱሳኮ ክእኔ ዬጊ ካጬዛ። 16 ዝን የሱሳ ናእታ ፋኮ ጼጊ፥ «ናእታይ ታኮ የኦዳና ካይፐቴ፤ የኦ ጎይታ። አብስ ጊኮ፥ ጾስ ካተትꬃይ Ꮊይትታይ ጋርክ ሀኔዝታይስ። 17 ታ ይንትስ ቱሮ ኦድዛ፤ ጾስ ካተትꬃ ዱደ ናእታይ ጋርክ ኤኮዛይ ኦንካ ኤዛይድ ገላሚ» ዬጌዛ።
ዱረ አꬃይ ኦይች
(ማቶ. 19:16-30፤ ማር. 10:17-31)
18 አይሁደ ሀላቅታይፕ ፐታይ፥ «ኬሃ አስታማራዮ፥ መꬍና ደኦ ደንጎዳይስ አብ ኦꬆ?» ዬጊ ኦይጬዛ።
19 የሱሳ ኤዝኮ፥ «አብስ ታና ኬሃዮ ዬጊ ጼጌ? ፐቲ ጾሳፕ አትን ሀራ ኬሃ ባያ። 20 ላምፐ፥ ዎꬍፐ፥ ካስትፐ፥ ዎርዶ ማርካትፐ፥ ነ አዳኔ ነ እንዳት ቦንቾባ ዬግዝ አዛዞ ኤርኔ» ዬጊ ኦይጬዛ። ከስ 20:12-16፤ ናምእ. 5:16-20
21 አꬃይካ፥ «የይትታ ኡባ ታ ናአትꬃፕ አይኪ ናግታር ጋምኤዛ» ዬጌዛ።
22 የሱሳ የያ ስኢ «ዬዛኮ፥ ኔስ ፐትባዝ ፓጭዛ፤ ኔስ የዝ ባዝ ኡባ ባይዚ ማንቅታይስ እንጎባ፤ ሳሎ ነና ሻሎ ናግዛ። ዬዚ ማቂ ታና ካሎባ» ዬጌዛ። 23 ዝን አꬃይ የያ ስኢ ኤዝስ ጋመ ሻሎ የዛ ግሾስ ኢታ ቂራቴዛ።
24 የሱሳ አꬃ ብኢ፥ «ዱረ አስስ ጾስ ካተትꬅ ገሎ ዋይዚ ኡንኦደሻ! 25 ዱረ ጾስ ካተትꬃ ገሎዳይፐ ግማለ ናርፐ ሉኮር ኣꬍዛይ ሻዉክዛ» ዬጌዛ።
26 የያ ስኤዝ አስታይ፥ «የያ ማቅኮ ኦ አቶዴ!» ዬጌዛ።
27 የሱሳ፥ «አስስ ዳንዳእንቶዋ ባዝ ጾስስ ዳንዳእንትዛ» ዬጌዛ።
28 ጵጽሮሳ፥ «ዬዛኮ ኑ ኑባዝ ኡባ አሺ ነና ካሌዛ» ዬጌዛ።
29 «የሱሳ ቱማ ታ ይንትስ ኦድዛ፤ ጾስ ካተትꬃይስ ግ ፋ ካራ ዎይ ፋ ማቻቶ ዎይ ፋ እሽታ ዎይ ፋ አዳኔ ፋ እንዳት ዎይ ፋ ናእታ አሼዛይ፤ 30 Ꮊ ዎዳይድ ጋመ ዳኮ፥ የኦድ አላማይድ መꬍና ደኦ ኤኮዛይ ኦንካ ባያ» ዬጌዛ።
የሱሳ ፋ Ꮊይቆ ባጋ ማሂ ኦዴዛ
(ማቶ. 20:17-19፤ ማር. 10:32-34)
31 የሱሳ ታጶ ናምእታ ፋኮ ጼጊ፥ «አን የሩሳላመ ዎላ Ꮊማዳ፥ ናብታይ አስ ናአይ ባጋ ጻፌዝባዝ ኡቢታይ ኤዛይድ ፖልንቶዳ። 32 ኤ አይሁደ ባ አሳይስ ኣꬊ እንግንቶዳ። ኡ ኤዛ ቶቾዳ፥ ጫዦዳኔ ኤዛል አፋ ጩቶዳ። 33 ኤዛ ጋራፌዛይፕ ጉየ ዎꬎዳ፥ ዝን ሃይꬓንꬆ ጋላስ ኤ Ꮊይቆፕ ደንዶዳ» ዬጌዛ።
34 ዝን ኤ ታማርታይ ያ ኡባይፕ ፐትባዝካ አካኬካያ። ኤ ጹራይ ኡንትስ ቆስንቴዝ ግሾስ ኤ ዋጌዛኮ ኤረካያ።
ቶአ አꬃይ በኤዛ
(ማቶ. 20:29-34፤ ማር. 10:46-52)
35 የሱሳ ኢያርኮ ኡኮዳር ፐቲ ቶአ አꬃይ ኦገ ጋጻ በቲ ዎስዛ። 36 ቶአ አꬃይ አስታይ የ አቃይር ኣꬎዳር ስኢ፥ «የይ አባ?» ግ ኦይጬዛ። 37 ኡ፥ «ናዝረተ የሱሳ Ꮊይር ኣꬍዛ» ዬጌዛ።
38 ኤ፥ «ዳዉተ ናአዮ፥ የሱሳ፥ ታና ማሮየ» ዬጊ ኡኬዛ።
39 ቲን ቲን Ꮊንግዝታይ፥ «ሀይዞባ» ግ ቆዴዛ። ዝን ኤ፥ «ዳዉተ ናአዮ፥ ታና ማሮየ» ዬጊ ዳርሲ ኡኬዛ።
40 የሱሳ ኤቂ አꬃ ፋኮ ኮኦድ ጋርክ ኪቴዛ። አꬃይካ፥ ኤኮ ሺቅን፥ 41 «ታ ኔስ አብ ኡዶድ ጋርክ ኮዬ?» ዬጊ ኦይጬዛ።
ቶአይ፥ «ጎዳዮ ታ በአዳይስ ኮይዛ» ዬጌዛ።
42 የሱሳ፥ «ቦኦባ፥ ነ አማናይ ነና ፓꬄዛ» ዬጌዛ። 43 አꬃይ እዝር ብኢ አቴዛ። ጾሳ ቦንችታር የሱሳ ካሌዛ። አስ ኡባይ የያ ብኢ ጾሳ ጋላቴዛ።