1 የሱሳ ኢያርኮ ገሊ ኣꬍዛ። 2 ኤዛይድ ዛኮሳ ግንትንትዝ ቃራጸ ጋችስዝታይ ሀላቃይ የዛ። ኤ ጋመ ዱረ። 3 ኤ የሱሳ ኣያዛኮ በአዳይስ ኮዬዛ። ኤ ሃታ ማቄዝ ግሾስ አስ ዳሮትꬃይፕ ደንዴዛይድ የሱሳ በአዳይስ ዳንዳኤካያ። 4 የሱሳና በአዳይስ ኮዢ ኤ Ꮊንግዛ ኦጋይስ ቲና ዎጺ Ꮊንጊ ፐቲ ጋሳረ ምꬃል አፋ ከዜዝ።

5 የሱሳ የ አቃ ሄልታር ꬎቅ ግ ብኢ፥ «ዛኮሳ፥ Ꮊይኖ ታ ነ ካራ ፔዦዳይስ ቤዝዛ ግሾስ ኤልꬂ ዎꬎባ» ዬጌዛ። 6 ኤ ኤልሲ ዎꬊ ኡፋይሳር የሱሳና ሞኬዛ።

7 የ አቃይድ የዝ አስ ኡባይ የያ ብኢ፥ «ናጋራንቾ ካራ ገሊ ሞክንቶዳይስ ሀንዛ» ዬጊ ዝግሬዛ። 8 ማቆዝን፥ ዛኮሳ ኤቂ ጎዳይኮ፥ «ጎዳዮ፥ ዬዛኮ ታስ የዝ ሻሎ ኡባይፕ ባጋ ማንቅታይስ እማዳ። አሳፕ አብካ ዎርዶር ባልꬂ ኤኬዝባዝ ማቅኮ ኦይዲ ኩሸ ማሆዳ» ዬጌዛ።

9 የሱሳ ማ፥ «Ꮊ አꬃይ አፍራመ ናአ ማቄዝ ግሾስ Ꮊይኖ አቶትꬅ Ꮊ ካራ የኤዛ። 10 አስ ናአይ የኤዛይ ꬋቤዛና ኮዮዳይስኔ አሾዳይስ» ዬጌዛ። ማቶ. 18:10

11 አሳይ የያ ስእታር የዝን የሱሳ የሩሳላመ ኡኬዝ ግሾስ ጾሳ ካተትꬃይ Ꮊት ኡኬዛ ኣዜዝ ግሾስ ኡንትስ ኣዝሶ ኦዴዛ። ማቶ. 25:14-30 12 የይ ግሾስ፥ የሱሳ፥ «ፐቲ ዳማ አሲ የዛይ ፋስ ካተትꬂ ማዉተ ኤኪ የኦዳይስ ሀራ ቢታ Ꮊንጌዛ። 13 ኤዝስ ኦꬅዝ አይልታይፕ ታጵታ ጼጊ ታጲ ምናኔ *ምናኔ፦ ምናናይ ግርኬ ዶና። ፐቲ ምናናይ ፐቲ ጋላስ ኦሶ አስስ ሀይꬒ አግና ዳሞዘ ማቅዛ። እንጊ ‹ታ ማቂ የኦድ ጋꬆ Ꮊ ሚሻይር ዛልኦይታ› ዬጌዛ።

14 «የ ጋደ አሳይ ኤዛ እጽዛ ግሾስ Ꮊ አꬃይ ኑል አፋ ካዉቶዳይ ጋርክ ኑ ኮዮያ ዬጊ አስ ኤ ጉየር ኪቴዛ።

15 «ማቆዝን፥ የ አꬃይ ካት ማቂ ፋ ቢታ ማቄዛ። የ ታጲ አይልታይ ኤ እንጌዝ ሚሻይር አብ ጋርክ ዛልእ ዎꬍሴዛኮ ኤሮዳይስ ኮዢ ኡንታን ጼግሴዛ።

16 «ቲናይ ይኢ፥ ‹ጎዳዮ፥ ነ ታስ እንጌዝ ሚሻይል ሀራ ታጶ ዎꬍሴዛ› ዬጌዛ።

17 «ኤ ጎዳይ፥ ‹ነኖ አማንንትዛ አይላዮ ነ ሎኦ ኦꬄዛ። ኔኒ ጽቃ ባዛል አማንንትዛ ግሾስ ኔስ ታጲ ካታምታይል አፋ ማዉተ እንጌዛ› ዬጌዛ።

18 «ናምአንꬃይካ ይኢ፥ ‹ጎዳዮ፥ ነ ታስ እንጌዝ ሚሻይ ሀራ እችን ዎꬌዛ› ዬጌዛ።

19 «ጎዳይ ኤዝኮ፥ ‹ነስካ ማ እችን ካታምታይል አፋ ማዉተ እንጌዛ› ዬጌዛ።

20 «ዬዛኮ ሃꬓንꬃይ ይኢ፥ ‹ጎዳዮ፥ ታ ቃንጾር ጻጺ ናጌዝ ነ ሚሽታ Ꮊናሾ። 21 አብስ ጊኮ፥ ነ ጋደካ ባዝ ኤክዛናኔ ነ ዘረካባዝ ማጽዝ ኢታ አስ ማቅዝ ግሾስ ኔስ ታ ያሽቴዛ› ዬጌዛ።

22 «ኤ ጎዳይ ማሂ፥ ‹ነኖ ኢታ አይላዮ ነ ዶናቲ ጋርክ ታ ነና ፕርዶዳ። ታ ጋደካ ባዝ ኤክዛናኔ ዘረካባዝ ማጽዝ ኢታ አስ ማቄዛ ነ ኤርኮ፥ 23 ታ ይኢ ታ ሚሻ ዎር ኤኮድ ጋርክ ዛልእዛ አስስ አብስ እንገካሳ?›

24 «ኤ ጎዳይ የ አቃይድ ኤቄዛይኮ፥ ‹ኤዛር የዝ ሚሻ ኤኪ ታጶ ዎꬍሴዛይስ እንጎይታ› ዬጌዛ።

25 «ኡንቲ፥ ‹ጎዳዮ፥ ኤዝስ ብንካ ታጲ ምናናይ የዛ› ዬጌዛ።

26 «ጎዳይ፥ ታ ይንትስ ኦድዛ፤ ‹የዛ ኡባይስ ሀራ ጉዥንቶዳ፥ ዝን ባዛይፕ ሀራይ አቶ ኤዝስ የዛናካ ኤክንቶዳ። ማቶ. 13:12፤ ማር. 4:25፤ ሉቃ. 8:18 27 ማቆዝን፥ ታ ኡንታል አፋ ካዉታማይ ጋርክ ኮዬዝታ የ ታ ሞርክታ Ꮊና ታ ቲና ክኢ ዎꬎይታ› ጌዛ» ዬጌዛ። ማቶ. 25:14-30

28 የሱሳ የያ ኦዴዛይፕ ጉየ ኡንታፕ ቲና ኣꬊ የꬍታር የሩሳላመ Ꮊንጌዛ። 29 ደብሬዘይተ አምባል †ደብሬዘይተ ጉሳይ ዛይተ ከዝዝ ዎይራ ምꬅ ኩሜዝ አቆ። አፋ የዝ ቤተፋገኔ ብታና ኡክታር ፋ ታማርታይፕ ናምእታ ዬጊ ኪቴዛ፦ 30 «ይ ቲና የዝ ሄራ Ꮊንጎይታ፥ ይ እዘ ሄሎዳር ኦንካ ቶግበኤካ አጭንቲ የዝ ሀረ ናአ ይ ደማዳ። ኤዛ ብሊ Ꮊና ኤኪ የኦይታ። 31 ኦንካ፥ ‹አብስ ብሌ?› ግ ኦይጭኮ፥ ‹ጎዳይ ኤዛ ኮይዛ› ዬጎይታ» ዬጌዛ።

32 ኪትንቴዝታይ Ꮊንጊ ኤ ጌዛይ ጋርክ ሀንን በኤዛ። 33 ኡንትካ ሀረ ናአ ብሎዳር ጎድታይ ብኢ፥ «ሀረ ናአ አብስ ብሌ?» ዬጌዛ።

34 ኡንቲ ማሂ፥ «ጎዳይስ ኤ ኮሽዛ» ዬጌዛ።

35 ኤዛይፕ ሀረ ናአ የሱሳኮ ከኤዛ። ፋ አፍላ ሀረ ናአይ ዞካይል ህጺ የሱሳና ቶግሴዛ። 36 አሳይካ ኤ Ꮊንግዛ ኦጋይል አፋ ፋ አፍላ ሂጼዛ።

37 ደብሬዘይተ ደረል ሱለꬅ የሩሳላመ ዎꬍስዝ ኦገኮ ኡኮዳር ታይቦር ጋመ አሳይ ኡንቲ በኤዝ ማላታይስ ኡፋይቲ ፋ ቃላ ꬎቅ ኡዲ፥ ጾሳ ጋላታ አይኬዛ።

39 አሳይ ጋንጨፐ ፐቲ ፐቲ ፈርሳወ አሳይ የሱሳኮ፥ «አስታማራዮ፥ ነ ታማርታ ሀይዝሶባ» ዬጌዛ።

40 ኤ ኡንትኮ፥ «ኡንቲ ስኤ ጊኮ ሹችታይ ኡኮዳ» ዬጌዛ።

41 የሱሳ የሩሳላመ ኡክታር ካታማ ብኢ እዝስ ዬኬዛ። 42 «ነ ሳራይስ ማቃዳና Ꮊይኖ ነ ኤረካያ፥ Ꮊተካ ነ ኣፋይፕ ቆስንቴዛ። 43 ነ ሞርክታይ ነ ካላ ጋሲ ፋ ኦገር ኦገር ነና ማር ኡንእꬅዛ ዎደ የኦዳ። 44 ነናኔ ነ ጋሰ ግዶ የዝ ነ ናእታ ꬋብሶዳ። ፐቲ ፐቲ ሹች ደንꬂ ላሎዳ፥ አብስ ጊኮ ጾሳይ ነና አሾዳይስ ይእዝ ዎዳ ነ ኤረካዛይ ግሾስ» ዬጊ እዝስ ዬኬዛ።

45 የይፐ ጉየ፥ የሱሳ ጾሳ ኬꬅ ገሊ ዛልእዝታ ኤዛይፕ ባይኤዛ። 46 ማ፥ «‹ታ ኬꬃይ ጾሳ ዎስዛ ኬꬅ ማቃዳ› ግ ጻፍንቴዛ፥ ዝን ይ ታ ኬꬃ ፓንታይ ኮምኦ ኡዴዛ» ዬጌዛ። ኢሳ. 56:7፤ ኤርም. 7:11

47 ጋላስ ጋላስ ጾሳ ኬꬃ ታማርስዛ። ቄሰ ሀላቅታይ፥ ህገ አስታማርታይኔ ጋደ ጭምታይ ኤዛ ዎꬎዳይስ ኦገ ኮይዛ። ሉቃ. 21:37 48 ማቆዝን፥ አሲ ኡባይ ኤ ትምርታ ፋ ዎዝናስ ኣꬂ ስእዝ ግሾስ ኡንትስ ኦꬆድ ባዝ ꬋቤዛ።