20
የሱሳ ማዉታይ አይሁድታይስ ኦይች ማቄዛ
(ማቶ. 21:23-27፤ ማር. 11:27-33)
1 ፐቲ ጋላስ የሱሳ ጾሳ ኬꬅ ጋንጨ አሳ ታማርሶዳራኔ ዎንግለ ማርካቶዳር፥ ቄሰ ሀላቅታይ፥ ህገ አስታማርታይኔ ጋደ ጭምታይ ዎላ ኤዝኮ ይኢ፥ 2 «ነ Ꮊይትታ አባ ማዉተር ኦꬅዛኮ ኑስ ኦዶባ። Ꮊ ማዉታ ኔስ እንጌዛይ ኦኖ?» ዬጊ ኦይጬዛ።
3 ኤ ኡንትኮ፥ «ታካ ይንታን ፐትባዝ ኦይጮዳ፥ አን ታስ ማሆይታ። 4 ጻማቅዛ ዋንሳ ጽንቃታይ ጾሳፐነ አሳፔ?» ዬጌዛ።
5 ኡ ዎል ጋንጨ ዬጊ ቶቤዛ፦ «ጾሳፕ ጊኮ የዝን፥ አብስ አማነካሳ?» ዬጎዳ።
6 «አሳፕ ጊኮ፥ አሲ ኡባይ ዋንሳ ናበ ማቅዛና አማንዛ ግሾስ ኑና ሹቻር ሾጮዳ።»
7 የይ ግሾስ፥ «አናፐዛኮ ኑ ኤሮያ» ዬጊ ማሄዛ።
8 የሱሳ ማሂ፥ «ይኬ፥ ታካ አባ ማዉተር Ꮊይትታ ኦꬅዛኮ ይንትስ ኦዳሚ» ዬጌዛ።
ቢታ ዎቲ አቅዝ አሳይ ኣዝሶ
(ማቶ. 21:33-46፤ ማር. 12:1-12)
9 የይፕ ጉየ፥ የሱሳ ዬጊ Ꮊ ኣዝሳ አሳይስ ኦዴዛ፦ «ፐቲ አሲ ዎይነ ቱኬዛ። ዎትዝታይስ ማታየ እንጊ ጋመ ዎደ ጋምኢ የኦዳይስ ሀራ ጋደ Ꮊንጌዛ። ኢሳ. 5:1 10 ዎይነ ኣፋ ማጽዛ ዎዳይ ሄልን ዎይነ ኣፋይፕ ኤዝስ ዳኮድ ጋርክ ቢታ ዎትዝታይኮ ፋ አይላ ኪቴዛ። ዝን ዎትዝታይ የ አይላ አይኪ Ꮊꬊ ካሎ ኩሸ ዳኬዛ። 11 ማ ማቅካ ሀራ አይላ ኪቴዛ። ማ ቢታ ዎትዝታይ ኤዛ Ꮊꬊ፥ ቶቺ ካሎ ኩሸ ዳኬዛ። 12 Ꮊተካ ማሂ ሃይꬓንꬆ አይላ ኪቴዛ። ዎትዝታይ ኤዛካ Ꮊꬊ ማዱንꬂ ዎይኔ ጋንጫይፕ ጋጻ ከሲ ኦሌዛ።
13 «ዎይነ ጎዳይ፥ ‹የዝን ታ አብ ኦꬆ? አን ማ ታ ቃꬍዛ ታ ናአ ዳኮዳ፤ ኦኒ ኤሬ ኡ ኤዛ ቦንቼካ አሻሚ› ዬጌዛ።
14 «ዝን ቢታ ዎትዝታይ አꬃይ ናአ ብኢ ‹Ꮊይ ኤዛ ላቶዳያ፥ Ꮊና የኦይታ ኤዛ ዎላ ዎꬎዳ፥ ዬዝኮ ላታይ ኑስ ማቃዳ› ዬጊ ቶቤዛ። 15 ዎይነ ጋንጨፕ ጋጻ ከሲ ዎꬌዛ። የዝን፥ ዎይነ ጎዳይ የ አስታ ዋይሳዴ? 16 ይኢ የ ቢታ ዎትዙንꬃን ዎꬎዳ፥ ዎይነ ጋዳና ሀራ አሳይስ እማዳ። አሳይ የያ ስኤዝ ዎደ ‹ሽንቻለ የይ ጋርክ ባዝ ሀንፔ» ዬጌዛ።
17 የሱሳ ኡንታን ዳኪ ብኢ፥
«የዝን ‹ግምበ ኬጽዛ አሳይ ቦሬዝ ሹቻይ፥
ኬꬅ ሙመር ቶኪ አይክዝ ክርክሮ ጋርክ ኡባፕ አጵዝ ሹች ማቄዛ›
ግንትንቲ ጻፍንቴዛይስ ብርሽꬃይ አባ?ማዝ. 118:22 18 የ ሹቻይል አፋ ዎꬍዝ ኡባይ ጋጭንቶዳ፥ ሹቻይ ኤዛል አፋ ዎꬍዝ ኡቢታይካ ጋጭንቶዳ» ዬጌዛ።
19 ህገ አስታማርታይኔ ቄሰ ሀላቅታይ Ꮊ ኣዝሳይ ኦድንቴዛይ ኡንታል አፋ ማቄዛና ኤሪ የ ዎደ ኤዛ አይኮዳይስ ኮዬዛ፥ ዝን ዎያይስ ያሽቴዛ።
ጊራ ባጋ ሺቄዝ ኦይች
(ማቶ. 22:15-22፤ ማር. 12:13-17)
20 የይ ግሾስ፥ የሱሳ ጋደ አቅስዛ ኦሮመ ካታይስ ኣꬂ እማዳይስ ኮዪ ኤ ዶናፕ ቡታ ቃላ ናግዛ። የያ ፖልሶዳይስ ጌሽ አስ ኣዚ ቆህዝ አስታ ኤዝኮ ኪቴዛ። 21 ኪትንቲ Ꮊንጌዝ አሳይ፥ «አስታማራዮ፥ ኔኒ ኦድዛይኔ ታማርስዛይ ልከ ማቄዛ፥ ማ ጾስ ኦገ ቱማትꬃር ታማርስዛኔ ኦናካ ሻኮዛና ኑ ኤርዛ። 22 ሀኖ ዝን፥ ኦሮመ ካታይስ ጊራ ጊሮዳይስ ቤዝነኔ ቤዞሳ?» ዬጊ ኤዛ ኦይጬዛ።
23 ዝን ኤ ኡ ዎዛና ኢታትꬃ ኤሬዝ ግሾስ 24 «አን ታና ፐቲ ሳንተ ቤዞይታ፥ ኤዛል አፋር የዝ ምስላይኔ ሱንꬃይ ኦ ባዞ?» ዬጌዛ።
ኡ ማሂ፥ «ቄሳሬሲ» ዬጌዛ።
25 ኤ ማሂ፥ «ዬዛኮ፥ ቄሳሬሳ ቄሳረስ፥ ጾሲሳ ጾስስ እንጎይታ» ዬጌዛ።
26 የይ ግሾስ፥ ኤ ማሄዝ ማልሳይፕ ዎያይ ቲና ቡታ ደንጎዳይስ ዳንዳኤካያ። ኡ ኤ ማህዝ ማልሳ ማላባዝ ግ ስኤ ጌዛ።
Ꮊይቆፕ ደንዶ ባጋ
(ማቶ. 22:23-33፤ ማር. 12:18-27)
27 Ꮊይቆፕ ደንዶ ባያ ዬግዝ ሳዱቃውታይፐ ፐታይ ፐታይ የሱሳኮ ይኢ፥ ሀዋ. ኦ. 23:8 28 «አስታማራዮ፥ ፐቲ አሲ ማቾ ኤኪ ናአ የለካዛር Ꮊይቅኮ፥ ኤ እሻይ የ ማቻቶ ኤኪ ናእታ የሊ ፋ እሻይስ ኮቺ አሾዳይ ጋርክ ሙሰ ጻፌዛ። ናምእ. 25:5 29 ዬዛኮ ላፑን እሽታይ የዛ። ባይራይ ማቾ ኤኪ ናአ የለካዛር Ꮊይቄዛ። 30 ኤ ካላይ እዞ ኤኪ ናአ የለካዛር Ꮊይቄዛ። 31 ሃይꬓንꬃይካ የይ ጋርክ ሀኔዛ። ላፑንታይ ኡባይ Ꮊይ ጋርክ ሀኒ እዞ ኤኬዛ፥ ዝን ናአ የለካዛር Ꮊይቄዛ። 32 ዉርስꬃል አስታካ Ꮊይቄዛ። 33 ይኬ፥ ላፑን እሽታይ እዞ ኤኬዝ ግሾስ Ꮊይቆፕ ደንድዛ ዎደ እዛ ኦ ማቾ ማቃዴ?» ዬጊ ኦይጬዛ።
34 የሱሳ ማሂ፥ «አሳይ Ꮊ አላማይል ኤክዛኔ ገልዛ። 35 ዝን Ꮊይቆፕ ደንዲ የኦድ አላማይል የዞዳይስ በዝዛ አሳይ ኤኮያኔ ገሎያ። 36 ኡንቲ ኪታንቾ ጋርክ ማቅዝ ግሾስ ቲናፕ Ꮊይቀና። Ꮊይቆፕ ደንዴዝ ግሾስ ኡንቲ ጾስ ናእታ። 37 ሙሰ ጎዳና፥ ‹አፍራመ ጎዳ፥ እሳቃ ጎዳ፥ ያይቆባ ጎዳ› ማቂ ቱሻ ዎራ ጋንጨ ጹግዝ ታማ ታርካ ጻፌዛይድ Ꮊይቄዝ አሳይ ደንድዛና ቤዝዛ። ከስ 3:6 38 ኡባይ ኤዝስ ፓꬅ የዛ ማቅዝ ግሾስ ኤ ፓꬅ የዝታይ ጎዳይፕ አትን Ꮊይቄዝታይ ጎዳ ባያ» ዬጊ ማሄዛ።
39 ህገ አስታማርታይፕ ፐታይ ፐታይ፥ «አስታማራዮ፥ ሎኦ ባዝ ነ ኦዴዛ» ዬጌዛ። 40 የይፐ ጉየ፥ ሀራ ኦይች ኦይጮዳይስ ያሽቴዛ።
ክርስቶሳ ኦ ናአ
(ማቶ. 22:41-46፤ ማር. 12:35-37)
41 ኤዛይፕ ማቂ የሱሳ ኡንትኮ፥ «አሳይ ክርስቶሳ ዋይዚ ዳዉተ ናአ ዬጌ? 42-43 አብስ ጊኮ፥ ዳዉተ ፋ ኡባስ ፋ ማዝሙረ ማጻፋይድ፥
«ጾሳይ ታ ጎዳይኮ ‹ታ ነ ሞርክታ፤
ነ ቶካይ የꬌዝ በሰ ኦꬆድ ጋꬆ፥
ታፕ ኡሻች ባጋር በቶባ› ጌዛ»
ዬጌዛ።ማዝ. 110:1
44 «ይኬ፥ ዳዉተ ክርስቶሳ፥ ‹ጎዳ ግ ጼግታር ኤዝስ ናአ ዋይዚ ማቄ?› » ዬጌዛ።
45 ዎያ ኡቢታይ ስኦዳር ፋ ታማርታይኮ፥ 46 «አዱስ አፍላ ማኢ ዩሸ ዶስዝታይፕ፥ ጋበ ጋንጨ ቦንቾ ሳሮꬆ፥ አይሁድታይ ዎሳ ኬꬃ ቦንቾ ኦይደ፥ ሞክንትዛ ካራካ ቦንቾ አቆ ኮይዝ ህገ አስታማርታይፕ ናግንቶይታ። 47 ኡንትካ አምእታይ ካራ ካሎስዛ፥ ጌሽ አስ ኣዚ አስ ቤዞዳይስ ዎሳ አዱስዛ። ኡ ኢታ ፕርደ ኤኮዳ» ዬጌዛ።