1 የይፕ ጉየ፥ ማላ ጋላስ፥ የሱሳ ጋደ ጋንጨር ኣꬍዛ። የሱሳ ታማርታይ ናይንቴዝ ግሾስ ባንጋ ትዣ ምርኪ ሙስ አይኬዛ። ናምእ. 23:25 2 ዝን ፈርሳውታይ የያ ብኢ የሱሳኮ፥ «Ꮊያ ቦኦባ፥ ነ ታማርታይ ማላ ጋላስ ኦꬆዳይስ ቤዞዋ ባዝ ኦꬅዛ» ዬጌዛ።

3 የሱሳ ኡንትኮ ማሂ፥ «ዳውተ ናይንቴዝ ዎደ ኤዛር የዝታይራ አብ ኦꬄዛኮ ይ ናባበካሳ?1ሳም. 21:1-6 4 ዳውተ ጾስ ኬꬃ ገሊ ቄስታይ ኣዳፕ አትን ኤዝኔ ኤዛር የዝታይስ ቤዞዋ ያርሽንቴዝ ዳቦ ሜዛ። ለዊ. 24:9 5 ካህንታይ ማላ ዎጋ ሻሪ ጾሳ ኬꬃ ማላ ጋላስ ኦሶ ኦꬅኮ ኡንትስ ናጋራ ማቆዛና ሙሰ ህጋይፕ ይ ናባበካሳ?ታይ. 28:9-10 6 ዝን ስኦይታ! ጾስ ኬꬃፕ ኣꬍዛይ Ꮊይዳ የዛ። 7 ‹ታኒ ይ ያርሻ ባዝን ይ ሀራ አስ ማሮድ ጋርክ ኮይዛ› ግዝ ቃላይ ዋጉስዛኮ ይ ኤሬዛኮ ጌሽ አሳል አፋ ፕርዳሚ። ማቶ. 9:13፤ ሆሳ. 6:6 8 አስ ናአይ ማላስ ጎዳ» ዬጌዛ።

9 የሱሳ የይፕ Ꮊንጊ አይሁድታይ ዎሳ ኬꬃ ገሌዛ። 10 ኤዛይድ ኩሸ ስሌዝ ፐቲ አꬃይ የዛ። የሱሳና ሞቶዳይስ ሳንከ ኮይዝ አሳይ፥ «ማላ ጋላስ አስ ፓꬆዳይስ ቤዝነኔ ቤዞሳ?» ዬጊ ኦይጬዛ።

11 ኤ ኡንትኮ፥ «ይ ጋንጨፕ ፐታይስ ዱሪ ማላ ጋላስ ኦላ ዎꬍኮ፥ ጎቺ ከሶዛይ ኦኖ?ሉቃ. 14:5 12 የዝን አሲ ዱራፕ ዋይዚ ሎእꬂ ኣꬎሳ? የይ ግሾስ፥ ማላ ጋላስ ሎኦ ባዝ ኦꬆዳይስ ቤዝዛ» ዬጌዛ።

13 የይፕ ጉየ፥ የሱሳ አꬃይኮ፥ «ነ ኩሻ ፕድ ኡዶባ» ዬግን፥ አꬃይካ ፕድ ኡዴዛ። ኤ ኩሻይ ፓጺ Ꮊንኮ ኩሻይ ጋርክ ሀኔዛ። 14 ዝን ፈርሳውታይ የይፕ ባለ ከዚ፥ የሱሳ ዋይዚ ዎꬎዳዛኮ ዎላ ቶቤዛ።

15 የሱሳ ኡ ቆፋ ኤሪ የ አቃ አሺ ሀራ አቆ ቅቴዛ። ጋመ አሲ ኤዛ ካሊ Ꮊንጌዛ፥ ሀርግንቴዝታ ኡባ ኤ ፓꬄዛ። 16 የሱሳ፥ «ታ ባጋ ኦስካ ኦድፓተ» ዬጊ ሚንꬂ ኦዴዛ። 17 የይካ ናበ ኢሳያሳ፥

22 የይፕ ጉየ፥ ቱና አያና አይኬዝ ቶአኔ ሙመ አስ የዛና ኤዝኮ ከኤዛ። የሱሳ አꬃ ፓꬅን፥ አꬃይ በኤዛኔ ኦድንቴዛ። 23 ዎያ ኡባይ ማላባዝ ግ፥ «Ꮊይ ዳዉተ ናአ ማቃደሻ?» ዬጌዛ።

24 ዝን ፈርሳውታይ የያ ስኢ፥ «Ꮊ አꬃይ ቱና አያንታ ከስዛይ ቱና አያንታይ ሀላቃ ብኤልዘቡላ ዎልቃራ» ዬጌዛ። ማቶ. 9:34፤ 10:25

25 የሱሳ ኡ ቆፋ ኤሪ፥ «ፐቲ ካተትꬂ ሻክንቲ ዎላል ኤቅንትዛ ማቅኮ የ ካተትꬃይ ዎꬎዳ፤ ማ ዎል ጋንጨ ሻኮትꬅ መꬍዝ ካታማ ዎይ ኬꬂ ሚንጊ ኤቆዳይስ ዳንዳኦያ። 26 ጻላሄ ጻለሄ ከስዛ ባዝ ማቅኮ ፋ ጋንጨ ሻግንቴዝ ጉሲ። የይ ጋርከ ሀንዛ ባዝ ማቅኮ ኤ ካተትꬃይ ዋይዚ ሚንጊ ኤቆዳይስ ዳንዳኤ? 27 ታኒ ቱና አያና ከስዛይ ብኤልዘቡላ ዎልቃር ማቅኮ ይንታን ካልዛ አሳይ ኦ ዎልቃር ከሶዴ? የይ ግሾስ፥ ይንታን ካልዛ አሳይ ይንታን ፕርዶዳ። 28 ዝን ታኒ ቱና አያንታ ከስዛይ ጾስ አያናር ማቅኮ፥ ጾስ ካተትꬃይ ይንትኮ የኤዛ።

29 «ዎይ ፐቲ አስ ዎልቃማ አስ ካራ ገሊ ኤ ሻላና ቦንቆዳይስ ኮይኮ ቲናቲ የ አꬃ አጨካ አትኮ ዋይዚ ቦንቆዳይስ ዳንዳኤ? አጬዛይፕ ጉየ ኤ ሻላና ቦንቆዳይስ ዳንዳእዛ።

30 «ታር ባዛይ ኦንካ ታና እጽዛ፤ ማ ታር ዎላ ሺሾዋ ኡባይ ላልዛ። ማር. 9:40 31 የይ ግሾስ፥ ስኦይታ፤ አሳይ ኦꬂዛ አባ ናጋራካ ጫሺ ኡባይ አቶ ግንትንቶዳ፥ ዝን ጌሻ አያና ጫዤዝ ኦስካ ኤ ናጋራይ አቶ ጊንትንታሚ። ሉቃ. 12:10 32 ኦንካ አስ ናአል አፋ ኢታ ባዝ ኦድንትኮ ኤስ አቶ ግንትንቶዳ፥ ዝን ጌሻ አያናል አፋ ኢታ ባዝ ኦድንትዛ ኦስካ Ꮊ ሳአል ማቅን የኦድ አላማይላካ ኤ ናጋራይ አቶ ጊንትንታሚ። ሉቃ. 12:10

33 «ሎኦ ምꬂ ሎኦ ኣፈ ኣፍዛ፤ ማ ኢታ ምꬂ ኢታ ኣፍዛ። ይኬ፥ ምꬂ ኤርንትዛይ ፋ ኣፋይራ። 34 ይንታኖ፥ ሾሽ ናኡንꬆ፥ ይ ኢታ ማቅታር ዋይዚ ሎኦ ባዝ ኦድንቶዳይስ ዳንዳእኔ? አሲ ፋ ዎዛና ጋንጨ ኩሚ ፑጬዝ ባዛፕ ዶናር ኦድንትዛ። ማቶ. 3:7፤ 23:33፤ ሉቃ. 3:7፤ ማቶ. 15:18፤ ሉቃ. 6:45 35 ሎኦ አሲ ፋ ዎዝና ጋንጨ ጋዴዝ ሎኦ ባዛፕ፥ ሎኦ ባዝ ከስዛ፤ ኢታ አሲ ፋ ዎዝና ጋንጨ ጋዴዝ ኢታ ባዛፕ፥ ኢታ ባዝ ከስዛ። 36 ዝን ስኦይታ፥ አሲ ኦድንትዛ ጨረ ኦዳ ኡባይስካ ፕርዳ ጋላስ ማልሰ እማዳ። 37 አብስ ጊኮ፥ ነ ኦድንትዛ ነቃላይር ጽሎዳ፤ ነ ኦድንትዛ ነ ቃላይ ኔል አፋ ፕርዶዳ» ዬጌዛ።

38 የይፕ ጉየ፥ ፐቲ ፐቲ ፈርሳውታይኔ ህገ አስታማርታይ የሱሳኮ፥ «አስታማራዮ፥ ኔኒ ማላታ ኦꬂ ኑና ቤዞዬ» ዬጌዛ። ማቶ. 16:1፤ ማር. 8:11፤ ሉቃ. 11:16

39 ዝን የሱሳ ማሂ፥ «አማኖዝታይኔ ኢታ የለትꬂታይ ማላታ ኮይዛ። ዝን ናበ ዮናሳ ማላታፕ ሀራ ማላታ ኤስ እንግንቶያ። ማቶ. 16:4፤ ማር. 8:12 40 ዮናሳ ግታ ሞሎ ኡሎ ጋንጨ ሀይꬒ ጋላስኔ ሀይꬒ ቃማ ጋምኤዛይ ጋርክ አስ ናአይ ሀይꬒ ጋላስኔ ሀይꬒ ቃማ ቢታ ጋንጨ ጋምኦዳ። ዋን. 1:17 41 ነነወ አሳይ ፕርደ ጋላስ ደንዲ Ꮊ የለትꬃይል አፋ ፕርዶዳ፤ አብስ ጊኮ፥ ኡ ዮናሳ ስብካታ ስኢ ፋ ናጋራይፕ ማቄዛ። ይኬ፥ ዮናሳፕ ኣꬍዛይ Ꮊይዳ የዛ። ዋን. 3:5 42 ፕርዳ ጋላስ ሱለ ባጋ ካታታ ደንዲ Ꮊ የለትꬃይር ዎላ ፕርዶዳ፤ አብስ ጊኮ፥ እዛ ሶሎሞነ ኤጨትꬃ ስኦዳይስ ቢታ ጋጻፕ የኤዛ። ዬዛኮ፥ ሶሎሞነፕ ኣꬍዛይ Ꮊይዳ የዛ። 1ካት. 10:1-10፤ 2ዜና. 9:1-12

43 «ቱና አያናይ አሳፕ ከዜዛይፕ ጉየ ፋስ ሸምፕዛ አቆ ኮዪ ሃꬂ ባ መላ አቆ ዳቡርዛ፥ ዝን ፋ ኮይዝ ሸምፖ ደንጎያ። 44 የይ ግሾስ፥ ‹ታ አሺ ከዜዝ ካራ ማቂ Ꮊማዳ› ዬግዛ። ኤ ማቂ የኦዳር ኬꬃይ ካይሳ ማቅዛኔ ፕትንቲ ጊጊ በቴዛና ደንግዛ። 45 ይኬ፥ ማቂ Ꮊንጊ፥ ፓፕ ኢታ ሀራ ላፑን ኢታ አያንታ ኤኪ ይእዛ፤ ኡንትካ አꬃይ ጋንጨ ገሊ የዝዛ። የ አꬃይስ ቲናሳይፕ ጉዬሳይ ኡሳ ኢትዛ። Ꮊ ኢታ የለትꬃይል የይ ጋርክ ባዝ ሀኖዳ» ዬጌዛ።

46 የሱሳ ዎያይስ ኦዳል አፋ የዝን ኤ እንዳትኔ ኤ እሽታይ ኤር ናሾዳይስ ኮዪ ባለ ኤቄዛ። 47 ፐቲ አሲ ኤዝኮ፥ «ነ እንዳትኔ ነ እሽታይ ኔር ናሾዳይስ ኮዪ ባለ ኤቄዛ» ዬጌዛ።

48 የሱሳ ማሂ፥ «ታ እንዳት ኦኖ? ታ እሽታይካ ኦናንታራ?» ዬጌዛ። 49 ፋ ኩሻይር ታማርታ ማልታር፥ «ቦኦይታ፥ ታ እንዳታነ ታ እሽታይ Ꮊይትታ። 50 ሳሎ የዝ ታ አዳይ ሸነ ኦꬂዛ ኡቢታይ ታ እሸ፥ ታ ምሾኔ ታ እንዶ» ዬጌዛ።