1 የ ጋላስ የሱሳ ካራፕ ከዚ አባ ካንታ በቴዛ። 2 ጋመ ዎያ ኤ ላንቀ ሺቅን አሳ አባ ጋጻ አሺ ዎጎሎ ጋንጨ ገሊ በቴዛ። ሉቃ. 5:1 3 አሳይስ ጋመ ባዝ ኣዝሶር ዬጊ ኦዴዛ፦

«ፐቲ ቢታ ኦꬅዝ አꬃይ ዘርꬅ ዘሮዳይስ ከዜዝ። 4 ኤ ዘሮዳር ፐቲ ፐቲ ዘርꬃይ ኦገ ጋጻ ዎꬌዛ፤ ኡንታናካ ካፍታይ ይኢ ማጺ ሜዛ። 5 ፐቲ ፐቲ ዘርꬅታይ ስስልቆ ቢታል አፋ ዎꬌዛ። ጋመ ቢታ ባ ግሾስ ኤልሲ ዶሌዛ። 6 ዝን አዋ ኬዝን ሹሌዛ፤ ጻጶ ባዛይ ግሾስ መሌዛ። 7 ፐቲ ፐቲ ዘርꬃይ አንጉꬅ ጋንጨ ዎꬌዛ፤ አንጉꬃይ ድጪ የ ዶላ ጩሌዛ። 8 Ꮊንክታይ ማ እርኮ ቢታል አፋ ዎꬌዛ፤ ዶሊ ኣፈ ኣፌዛ። ፐታይ ጼት፥ ፐታይ ኡሱፑንታም፥ ፐታይ ማ ሀስታም ኣፌዛ። 9 ስእዝ ሀየር የዝ አꬃይ ስኦ» ዬጌዛ።

10 የሱሳ ታማርታይ ኤዝኮ ሺቂ፥ «አብስ ኔኒ ዎያይስ ኣዝሶር ኦዴ?» ዬጊ ኦይጬዛ።

11 ኤ ማሂ፥ «ይንትስ ሳሎ ካተትꬅ ጹራ እንግንቴዛ፥ ዝን ኡንትስ እንግንተካያ። 12 የዛ ኡባይስ ጉዥንቶዳ፥ ኤዝስ ጋንጎዳ፥ ዝን ባዛይፕ ሀራ አቶዝን ኤዝስ የዛናካ ኤክንቶዳ። ማቶ. 25:29፤ ማር. 4:25፤ ሉቃ. 8:18፤ 19:26 13 የይ ግሾስ፥ ታኒ ኡንቲ፥ ብእታር ደንጋማይ ጋርክ፥ ስእታር ስአም ጋርክ ዎይ አካካማይ ጋርክ ኡንትስ ኣዝሶር ኦድዛ።

14 «ኢሳያሳ ፋ ማጻፋይ ግዶ ኦዴዛይ ኡንታል አፋ ፖልንቴዛ። ኤ ኦድታር፥

16 «ዝን ይ ኣፋይ ብእዛ ግሾ ይ ሀያይ ስእዝ ግሾስ ይ አንጅንቴዝታ። ሉቃ. 10:23-24 17 ታ ይንትስ ቱሮ ኦድዛ፤ ጋመ ናብታይኔ ጌሽ አስታይ ይ በኤዛና በአዳይስነ ይ ስእዛና ስኦዳይስ አሞቴዛ፥ ዝን ኡንትስ ሀነካያ።

18 «ይኬ፥ Ꮊ ዘርꬅ ዘርዝ አꬃይ ኣዝሳ ስኦይታ። 19 ኦገ ጋጻ ዎꬌዝ ዘርꬅ ኣዝሳይ Ꮊያ፦ ሳሎ ካተትꬅ ቃላ ስኢ አካኮዋ አይ ዎዝናይፕ ጻላሄ ይኢ ኤ ዎዛና ጋንጨ የዝ ዘርꬅ ማጺ ሃሴዛ። 20 ስስልቆ ቢታል አፋ ዘርንቴዛይ ቤዝዛይ ቃላ ስኢ ኤልሲ ኡፋይሳር ኤክዝታ። 21 ዝን Ꮊተሳፕ አትን ጻጶ ዳከካያ። ቃላ ግሾ መቶ ዎይ ባይእꬂ ይእዛ ዎደ ኤልሲ ꬉብንትዛ። 22 አንጉꬅ ጋንጨ ዘርንቴዛይ Ꮊያ ቃላ ስኤዛ፥ ዝን Ꮊ አላመ የስስ ህርጋይኔ ዱረትꬅስ ቆፋይ ቃላ ጩልዛ ግሾስ ኣፈ ኣፈካዛር አትዛ። 23 ዝን አራዳ ቢታል ዘርንቴዝ ዘርꬃይ Ꮊያ አካካር ቃላ ስኤዝ አꬃ። ኤ ኣፈ ኣፍዛ፤ ፐታይ ጼት፥ ፐታይ ኡሱፑንታም ፐታይ ማ ሀስታም እንግዛ» ዬጌዛ።

24 የሱሳ ኡንትስ ሀራ ኣዝሶ ኦዴዛ፥ «ጾስ ካተትꬃይ ፋ ዎታ ጋንጨ ሎኦ ዘርꬅ ዘሬዝ አꬃ ኣዝዛ። 25 ዝን አስ ኡባይ ገንትን ኤ ሞርካይ ይኢ ግስተ ጋንጨ ሌሾ ዘሪ ቅቴዛ። 26 ግስታይ ድጪ ካእዝ ዎደ ሌሾካ ኤ ጋንጨ በንቴዛ።

27 «ጋደ ጎዳይ አይልታይ ጎዳይኮ Ꮊንጊ፥ ‹ጎዳዮ፥ ነ ዎታይድ ነ ሎኦ ዘርꬅ ዘረካሳ? የዝን፥ ሌሾ አናፕ የኤኔ?› ዬጌዛ።

28 «ኤ ኡንትኮ፥ ‹የያ ሞርከ ኦꬄዛ› ዬጌዛ።

«አይልታይ ጎዳይኮ፥ ‹ኑ Ꮊንጊ ሌሻ ሾዶድ ጋርክ ነ ኮይኔ?› ዬጌዛ።

29 «ዝን ኤ፥ ‹አቶ ቦችፓተ፤ ይ ሌሻ ሾድዝ ጎዳር ግስተካ ሾድንቶዳ። 30 ቦችፓተ፤ ማጾ ዎደ ሄሎዳይስ ዎላ ድጮ። የ ዎደ ማጽዛ አስታይ ሌሻ ቲናቲ ማጺ ታማ ጋንጨ ጹጎዳይስ ምርቀር ምርቀር ምርቆይታ። ዝን ግስታ ሺሺ ታ ሻላይድ ኦሎይታ› ዬጎዳ» ዬጌዛ።

31 ማ ሀራ ኣዝሶ ዬጊ ኦዴዛ፤ «ሳሎ ካተትꬃይ ፐቲ አሲ ፋ ዎታ ጋንጨ ባኬዝ ሳናፍጨ ኣፈ ኣዝዛ። 32 የ ምꬃት ኣፋይ ሀራ ምꬅ ኣፍታይፕ ጽቃ፥ ዝን ዶሊ ድጪ ሀራ ምꬅ ኡባይፕ ኣꬃ ዳሚ ድጭዛ። እ ሻቅታይል አፋ ካፍታይ ኬጺ በቶድ ሄሎዳይስ ዳማ ምꬅ ማቅዛ» ዬጌዛ።

33 ማቅካ፥ የሱሳ ሀራ ኣዝሶ ኦዴዛ፤ «ሳሎ ካተትꬃይ ፐቲ ማቺ ሀይꬒ ጎንገ ꬍላ ኤኪ ሙኑቂ፥ ሙኑቃይ ደንዶዳይ ጋርክ ኤዛይድ ዳኬዝ እርሾ ኣዝዛ» ዬጌዛ።

34 የሱሳ ዎያይስ የ ኣዝሶ ኡባ ኦዴዛ። ኣዝሶ ባዝን ፐትባዝካ ኦደካያ። 35 ናባይ ፋ ማጻፋይ ጋንጨ፥

36 የሱሳ ዎይታ አሺ ካራ ገሌዛ። ኤ ታማርታይ ኤዝኮ ሺቂ፥ «ዎታይድ የዝ ሌሻይ ብልꬃ ኑስ ኦዶባ» ዬጌዛ።

37 ኤ ማሂ፥ «ሎኦ ዘርꬅ ዘሬዛይ አስ ናአ፥ 38 ዎታይ Ꮊ አላማ። ሎኦ ዘርꬃይ ሳሎ ካተትꬅ ናእታ። ሌሻይ ጻላሄ ናእታ። 39 ሌሾ ዘሬዛይ ሞርከ ጻላሄ፥ ማጾ ዎዳይ ዎደ ዉርስꬅ፥ ማጽዝታይ ኪታንችታ።

40 «ሌሻይ ማጽንቲ ታማ ጋንጨ ጹግንትዛይ ጋርክ ዎደ ዉርስꬃላ Ꮊይ ጋርክ ሀኖዳ። 41 አስ ናአይ ፋ ኪታንችታ ኪቶዳ። ኡ ናጋራስ ሳንከ ማቄዝታኔ ኢታ ኦꬅዝ ኡብታ ማጺ ኤ ካተትꬃይፕ ከሶዳ። 42 ማጺ ሺሺ ዬፎኔ አች ጮንቺ የዝ ቶኦዋ ታማ ጋንጨ ኦሎዳ። 43 የ ዎደ ጽልታይ ፋ አዳይ ካተትꬃይድ አዋ ጋርክ ፖኦዳ። ስእዝ ሀየ የዛይ ስኦ!

44 «ጾስ ካተትꬃይ ዎታ ጋንጨ ሞግንቴዝ ሚሸ ኣዝዛ። ፐቲ አሲ የ ሚሻ ደንጊ ማሂ ሞጌዛ። ጋመ ኡፋይቲ Ꮊንጊ ፓስ የዛ ባዝ ኡባ ባይዚ የ ጋዳት ዎንጌዛ።

45 «የይ ጋርክ፥ ማ ሳሎ ካተትꬃይ እንቆ ግዝ አልኦ ሹችታ ኮይዝ ዛልኤ አስ ኣዝዛ። 46 ጋመ አልኦ እንቆ ደንጊ Ꮊንጊ ፓስ የዛ ባዝ ኡባ ባይዚ ኤ ዎንጌዛ።

47 «ማ ጾስ ካተትꬃይ አባ ጋንጨ ኦልንቴዝ ዱማ ዱማ ሞሎ ኮች አይክዝ ግተ ኣዝዛ። 48 ሞሎ አይክዝ አሳይ ሞሎ ግታይድ ኩምን አባፕ ጋጻ ከሴዛ። ኤዛይድ በቲ ሎኣ ሎኣ ቁሪ ዳቾ ጋንጨ ኦሌዛ፥ ዝን ኢታ ሞልታ አላ ኦሌዛ። 49 ዎደ ዉርስꬃል የይ ጋርክ ሀኖዳ። ኪታንችታይ ይኢ ናጋራ ኦꬅዝታ ጽልታይፕ ቁሮዳ። 50 ዬፎኔ አች ጮንቺ የዛ ቶኦዋ ታማ ጋንጨ ኦሎዳ።

51 «Ꮊ ኡቢታይ ይንትስ ገሌኔ?» ዬጊ ኡንታን ኦይጬዛ።

ኡ ማሂ፥ «ኤ» ዬጌዛ።

52 የሱሳ፥ «ይኬ፥ ሳሎ ካተትꬅ ጹራ ኤኪ ህገ ታማርስዛ ኡቢታይ፥ ፋ ምንጄዝ ሻላይፕ ኦሮꬅኔ ጭማ ከስዛ ሻሎ ጎዳ ኣዝዛ» ዬጌዛ።

53 የሱሳ Ꮊ ኣዝሳ ኦዲ ዉርሴዛይፕ ጉየ ኤዛይፕ ደንዲ ቅቴዛ። 54 ፋ የልንቴዝ ቢታ Ꮊንጊ አይሁድታይ ዎሳ ካራ ታማርሶ አይኬዛ። ኡ ማላ ባዝ ግ፥ «Ꮊ አꬃይ Ꮊ ኤጨትꬅኔ Ꮊ ማላታ ኦꬄዛ ዎልቃ አናፕ ኤኬኔ? 55 Ꮊይ አናጻይ ናአ ባሳኔ? ኤ እንዳቲ ሱንꬃይ ማይራሞ ባሳኔ? ኤ እሽታይ ያይቆባ፥ ዮሴፋ፥ ስሞናራኔ ይሁዳ ባሳኔ? 56 ኤ ምሹንꬅካ ኑር የዙንꬃና ባሳኔ? የዝን፥ Ꮊ አꬃይ Ꮊ ኡባ አናፕ ኤኬኔ?» ዬጌዛ። 57 የይ ግሾስ፥ ኤ ግዝ ባዛ ኤካም እጼዛ። ዋን. 4:43

ዝን የሱሳ፥ «ናበ ፋ የልንቴዝ ቢታይዳኔ ፋ ካራ አሳይ ካለ ቦንችንቶያ» ዬጌዛ። 58 ኡ አማናም እጼዝ ግሾስ ጋመ ማላታ የ አቃይድ ኦꬄካያ።