14
ጻማቅዛ ዋንሳ Ꮊይቆ
(ማር. 6:14-29፤ ሉቃ. 9:7-9)
1 የ ዎደ ጋልላ አቅስዝ ሄሮድሳ *ሄሮድሳ፦ Ꮊይ ካታ ሄሮዶሳ ኣንትጳሳ። ኤ ይሁዳራ ፔራ ክርስቶሳ የልንቶዳይፕ ቲን 4-39 ማላ ሄሎዳይስ ሞዴዛ። ኤ ካት ሄሮዶሳስ ናአ። የሱሳ ዋራ ስኤዛ። 2 ፋ አይልታይኮ፥ «Ꮊይ ጻማቅዛ ዋንሳ፤ ኤ Ꮊይቆፕ ደንዴዛ። የይ ግሾስ Ꮊ ኡባ ማላትታ ኤ ኦꬄዛ» ዬጌዛ።
3 ኤ የያ ጌዛይ ሄሮድሳ ፋ እሻ ፍልጶሳ ማቻት ሄሮድያዳ ግሾስ ዋንሳ አች ኬꬃ ገልሴዝ ግሾስ። 4 ዋንሳ ሄሮድሳ፥ «ነ እዞ ኤኮዳይስ ዎጋ ባያ» ዬጌዛ። ሉቃ. 3:19-20፤ ለዊ. 18:16፤ 20:21 5 ሄሮድሳ ዋንሳ ዎꬎዳይስ ኮዬዛ፥ ዝን ዎያይ ዋንሳ ናበ ኡዲ ብእዝ ግሾስ ያሽቴዛ።
6 ሄሮድሳ ፋ የልንቴዝ ጋላሳ ቦንችዛ ዎደ ሄሮድያዳ ናአት አስ ቲና የꬃር ዶንጊ ኤዛ ኡፋይሴዛ። 7 የዝን፥ ኤ፥ «እዛ ኮይዝ ባዝ ኡባ ኢስ እማዳ ግ» ጫቄዛ። 8 ናአታ ፋ እንዳት ዞረ ስኢ ሄሮድሳኮ፥ «ጻማቅዛ ዋንሳ ቆꬋይፕ ጋቺ ኦማ ፍልኦ ጋንጨ ጋዲ ታስ እንጎባ» ዬጌዛ። 9 እዛ ዬግን ካታይ ቂራꬋዛ፥ ዝን ፋ ጫቃይ ግሾኔ ፓር የዝ እማꬂታይ ግሾስ ግ እ ኦይቻይ ፖልንቶድ ጋርክ አዛዜዛ። 10 ካታይ አስ ኪቲ ዋንሳ አች ኬꬃ የዝን ኤ ቆꬋ ጋችሴዛ። 11 ኤ ኦማ ፍልኦ ጋንጨ ኣꬃ ክኢ ናአትስ እንጌዛ፤ ናአታካ ኤኪ ፋ እንዳትስ ካንጌዛ። 12 ዋንሳ ታማርታይ ይኢ ኤ አሃ ካንጊ ሞጌዛ። ኤዛይፐ ጉየ ሀኔዝባዝ ኡባ Ꮊንጊ የሱሳስ ኦዴዛ።
የሱሳ እችን ሙኩለ አስታ ሙዜዛ
(ማር. 6:30-44፤ ሉቃ. 9:10-17፤ ዋን. 6:1-14)
13 የሱሳ ሀኔዝባዛና ስኢ ዎጎሎ ጋንጨ ገሊ የ በሳይፐ ፐቲ ጌምዛ አቆ ፋ ኣዳስ Ꮊንጌዛ። አሳይ የያ ስኢ ካታምታይፕ ደንዲ ቶከር ኤዛ ካሌዛ። 14 የሱሳ ዎጎሎፕ ዎꬊ ጋመ አሳ ብኢ ኡንትስ ቃꬍንቴዛ። ኡ ጋንጨ የዝ ሀርግንቴዝ አስታ ፓꬄዛ።
15 ሳአይ ኦማꬂታር Ꮊንግን የሱሳ ታማርታይ ኤዝኮ ሺቂ፥ «Ꮊ አቃይ ሊዦ፥ ሳአይካ ቃሜዛ። የይ ግሾስ፥ ሄራ Ꮊንጊ ፓስ ዎንጊ ማድ ጋርክ ዎያ ዳኮባ» ዬጌዛ።
16 ዝን የሱሳ ኡንትኮ፥ «ዎያይ ሜካዛር Ꮊማዳይስ ኮሾያ፤ ኡ ማድባዝ ይ እንጎይታ» ዬጌዛ።
17 ኡ ማሂ፥ «ኑስ Ꮊኔ እችን ሶሎራኔ ናምእ ሞሎፕ ሀራ ባያ» ዬጌዛ።
18 ኤዝካ፥ «አን እዞ Ꮊና ኮኦይታ» ዬጌዛ። 19 ማ ማቅካ፥ ዎያይ ማታል በቶዳይ ጋርክ ኦዴዛ። እችን ሶሎራ ናምእ ሞልታ ኤኪ፥ ሳሎ ብኢ ጋላቲ ማቂ፥ ሶላ ዱꬂ ፋ ታማርታይስ እንጌዛ፤ ኡንቲ ማ ዎያይስ እንጌዛ። 20 ኡባይ ም ምዤዛ። የሱሳ ታማርታይ ማዳር አቴዛና ታጶ ናምኢ ሌማተ ደንꬄዛ። 21 ካꬃ ሜዝ አሳይ ማችኔ ናአ አትን እችን ሙኩለ ማቅዛ።
የሱሳ አባል የꬍዛ
(ማር. 6:45-52፤ ዋን. 6:15-21)
22 የሱሳ ፋ ታማርታይ ዎጎሎ ጋንጨ ገሊ ፓፕ ቲናቲ አባይፕ ሰኮ ፍንꬂ ፒንጎዳይ ጋርክ ኪቲ ፋስ ዎያ ሞይዞዳይስ ጉየ አቴዛ። 23 ዎያ ሞይዚ ማቂ ፋ ኣዳስ ዎሶዳይስ ፐቲ ደረል አፋ ከዜዝ። ሳአ ቃምንካ ኤ ፋ ኣዳስ ኤዛይድ ጋምኤዛ። 24 የ ዎደ ዎጎላይ አባል አፋር Ꮊማዳር ቲና ባጋር ጫርኮ ደንድን ጎታይ ዎጎላና ጭጵቼዛ።
25 ዎንትማꬄላ የሱሳ አባል አፋ የꬍታር ፋ ታማርታይኮ የኤዛ። 26 ኤ ታማርታይ፥ ኤ አባል አፋ የꬍታር ኡንትኮ ይእዛና ብኢ ያሽቴዛ። ኡንትካ፥ «Ꮊይ ሜሸ» ግ ያሽቲ ኡኬዛ።
27 ዝን የሱሳ ኤልሲ፥ «አኮ ባያ! ያሽትፓተ! Ꮊይ ታና» ዬጌዛ።
28 ጵጽሮሳ ኤዝኮ፥ «ጎዳዮ፥ ነና ማቅኮ፥ ታ ሃꬃል አፋር የꬊ ኔኮ Ꮊንጎድ ጋርክ ታና አዛዞባ» ዬጌዛ።
29 የሱሳ ጵጽሮሳኮ፥ «Ꮊና የኦባ» ዬጌዛ።
ጵጽሮሳ ዎጎሎፕ ዎꬊ ሃꬃይል አፋ የꬍታር የሱሳኮ Ꮊሞ አይኬዛ። 30 ዝን ጫርካይ ወልቃ ብኢ ያሽቴዛ። ሃꬃይ ኤዛ ምቶ አይክን «ጎዳዮ፥ ታና አሾዬ» ዬጊ ኡኬዛ።
31 የሱሳ ኤልሲ ፋ ኩሻ ዳኪ ኤዛ አይኪ፥ «ናት፥ አማኖ ፓጬዛዮ አብስ ስ» ዬጌዛ።
32 የሱሳራኔ ጵጽሮሳራ ዎጎሎ ጋንጨ ገልን ጫርካይ ጭጭርኪ ጌዛ። 33 ዎጎሎ ጋንጨ የዝ ኤ ታማርታይ፥ «ኔኒ ቱማካ ጾስ ናአ» ግ ጎይኔዛ።
34 ኡ አባ ፒንጊ ገንሳሬጸ ቢታ ሄሌዛ። 35 ያ ቢታይል የዝ አሳይ የሱሳና ኤሪ ፋ ሾሮ ሄራ የዝ ኡባይስ ኪታ ዳኬዛ። አሳይ ሀርግንቴዝ አስታ ኡባ ኤዝኮ ከኤዛ። 36 ሀርግንቴዝ አስታይ ኤ አፍላ ማንቻ ኣዳ ቦቾዳይስ ኤዛ ዎሴዛ። ቦቼዝ ኡቢታይካ ፓጼዛ።