15
አድታይ ዎጋ ባጋ
(ማር. 7:1-13)
1 የይፕ ጉየ፥ ፐቲ ፐቲ ፈርሳውታይኔ ህገ አስታማርታይ የሩሳላመፕ የሱሳኮ ይኢ፥ 2 «ነ ታማርታይ አብስ ኑ አድታይ ዎጋ መንꬂ? ኡ ካꬃ ማዳይፕ ቲና ፋ ኩሻ ሜጭንቶያ» ዬጊ ኦይጬዛ።
3 የሱሳ ማሂ፥ «ይንቲ፥ ይ ዎጋ ግሾስ ጾሳ ኪታ ፖልዛና አብስ እጼ? 4 አብስ ጊኮ፥ ጾሳይ፥ ‹ነ አደኔ ነ እንዶ ቦንቾባ። ፋ አደ ዎይ ፋ እንዶ ጫዥዛይ Ꮊይቆ ጌካሳ?› ዬጌዛ። ከስ 20:12፤ ናምእ. 5:16፤ ከስ 21:17፤ ለዊ. 20:9 5 ዝን ይ፥ ፐቲ አስ ፋ ኣዳ ዎይ ፋ እንዳት ማዶድ ባዝ የዝን፥ ‹Ꮊያ ታ ጾስስ ያርሼዛ ጊኮ፥ 6 ፋ ኣዳ ዎይ ፋ እንዳት ቦንቾዳይስ ቤዞያ› ይ ዬግዛ። ዬዚ ይንቲ፥ ይ ዎጋ ፖሎዳይስ ጾሳ ቃላ መንꬂዛ። 7 ይንትኖ፥ ጩቢታዮ፥ ኢሳያሳ ይ ባዝ ቱሮ ኦዴዛ፥
8 « ‹Ꮊ አሳይ ታና ፋ ዶናር ቦንችዛ፥
ዝን ኡ ዎዝናይ ታፕ ሃኮ የዛ።
9 አሳይ ታና ጨር ጎይንዛ፤
ኡ አሲ መꬌዝ ዎጋ፥
ጾሳ ህገ ኣዝሲ ታማርስዛ› ጌዛ» ዬጌዛ።
አስ ቱንስዛ ባዝ
(ማር. 7:14-23)
10 የሱሳ ጋመ አስታ ፋኮ ጼጊ፥ «ስኦይታ! አካኮይታ! 11 አስ ቱንስዛ ባዛይ ዶናር ገልዝ ባዝ ባዝን ዶናፐ ከዝዝ ባዝ» ዬጌዛ።
12 የይፕ ጉየ፥ የሱሳ ታማርታይ ኤዝኮ ይኢ፥ «ፈርሳውታይ ኔኒ ኦዴዛ ስኢ ꬉብንቴዛና ነ ኤሬኔ?» ዬጌዛ።
13 ዝን የሱሳ ኡንትኮ ማሂ፥ «ሳሎ የዝ ታ አዳይ ቱከካ ምꬂ ኡባይ ሾድንቶዳ። 14 ኡ ባጋ ህርግፓተ፤ ኡ ቶአ ካልꬂዛይካ ቶእታ። ቶአይ ቶአ ካልꬂኮ፥ ናምእታይካ ጋጋ ቅትዛ» ዬጌዛ። ሉቃ. 6:39
15 ጵጽሮሳ ማሂ፥ «Ꮊ ኣዝሳይስ ብልꬂ ኑስ ኦዶየ» ዬጌዛ።
16 የሱሳ ኡንትኮ፥ «ይንትስካ Ꮊኖ ሄሎዳይስ ገለካሳ? 17 ዶናር ገልዝ ባዝ ኡባይ ኡሎ ገሊ ባለ ከዝዛና ይ ኤሮሳ? 18 ዝን ዶናር ከዝዝ ባዝ ዎዝናፕ ከዝዛ። አስ ቱንስዛ ባዝታይ Ꮊይትታ። ማቶ. 12:34 19 ኡንትካ አስ ዎዝና ጋንጨፕ ከዝዝ ኢታ ቆፋ፥ ዎꬎ፥ ላግተ፥ ላመ፥ ካይዞ፥ ዎርዶ ማርካትꬂ፥ አስ ሱንꬂ ꬋብሶ፥ ጫሸ። 20 የያ ኣዝዝባዝታይ አስ ቱንስዛፕ አትን ሜጭንተካ ኩሸር ሚዛይ ቱንሶያ» ዬጌዛ።
ፐቲ አስቲ አማኖ
(ማር. 7:24-30)
21 የይፕ ጉየ፥ የሱሳ ኤዛይፕ ከዚ ጽሮሳኔ ስዶና ካታምታይ የዝ ቢታ Ꮊንጌዛ። 22 ፐቲ ካናኔ ቢታ አስታ የሱሳኮ ይኢ፥ ፋ ቃላ ꬎቂ ኡዲ፥ «ጎዳዮ፥ ዳዉተ ናአዮ፥ ታስ ቃꬍንቶየ፤ ታ ናአቶ ቱና አያና አይኪ ኢታ ዋይꬄዛ» ዬጌዛ።
23 ዝን የሱሳ ፐቲ ቃላካ ማሄካዛር ሲኤ አቴዛ። የሱሳ ታማርታይ ኤዝኮ ይኢ፥ «Ꮊ አስታ ኑ ላሳ ካልታር፥ ኡክዛ ግሾስ፥ ነ እዞ ሞይዞዬ» ዬጊ ዎሴዛ።
24 የሱሳ ማሂ፥ «ታኒ ዉደፕ ꬋቤዝ ዱር ጋርክ እስሬለ ካራፕ ꬋቤዝ አስታይ ኣዳስ ኪትንቴዛ» ዬጌዛ።
25 ዝን እዛ፥ ኤ ቲና ጹጉኒ፥ «ጎዳዮ፥ ታና ማዶየ?» ዬጌዛ።
26 ኤ ማሂ፥ «ናእታይ ካꬃ ኤኪ ካንታይስ ኦሎዳይስ ቤዞያ» ዬጌዛ።
27 እዛካ፥ «ጎዳዮ፥ የይ ቱማ፥ ዝን ሀራ አቶዝን ካንታይ ፋ ጎድታይ ማዳር፥ ጋይታፕ ዎꬍዝ ጉፋ ሚዛ» ዬጌዛ።
28 የሱሳ ማሂ፥ «አስት Ꮊኔ፥ ነ አማናይ ግታ፤ ነ ኮዬዛይ ጋርክ ኔስ ሀኖ» ዬጌዛ። እ ናአታ እዝር ፓጼዛ።
የሱሳ ጋመ ሀርግንቴዝታ ፓꬄዛ
29 የሱሳ የይፕ ደንዲ ጋልላ አባ ላንቀ ቅቴዛ። አምባል አፋ ከዚ፥ ኤዛይድ በቴዛ። 30 ጋመ አሳይ ፋር፥ ዎብታ፥ ቶእታ፥ ስሌዝታ፥ ዶና ሙሜዝታኔ፥ ሀራ ጋመ ሀርግንቴዝ አስታ ኤኪ፥ ኤዝኮ ክኢ ኤ ቲናይድ ጋዴዛ። የሱሳ ኡንታን ፓꬄዛ። 31 የይ ግሾስ፥ ሙምታይ ናሾዳር፥ ስሌዝታይ ፓጾዳር፥ ዎብታይ የꬎዳር፥ ቶእታይ በአዳር አሳይ ብኢ Ꮊይ ማላባዝ ግ፥ እስሬለ ጾሳ ጋላቴዛ።
የሱሳ ኦይዲ ሙኩለ አሳ ሙዜዛ
(ማር. 8:1-10)
32 የሱሳ ፋ ታማርታ ፋኮ ጼጊ፥ «Ꮊ ጋመ አሳይ ታር ሀይꬒ ጋላስ ጋምኤዝ ግሾኔ ኡንትስ Ꮊት ሚዝባዝ ባዛይ ግሾስ ታ ኡንትስ ቃꬍንትዛ። ኡ ኦገል ዳቡሪ ፎካም ጋርክ አኮ ሙዘካ ኡንታን ጨር ዳኮዳይስ ታ ኮዮያ» ዬጌዛ።
33 ኤ ታማርታይ ማሂ፥ «ኑኒ Ꮊ ሊዣይድ Ꮊይ ጋርክ አሳይስ ግድዛ ካꬃ አናፕ ደማዴ?» ዬጌዛ።
34 የሱሳ ኡንትኮ፥ «ይንትስ ኣፑን ሶሎ የኔ?» ዬጊ ኦይጬዛ።
ኡ ማሂ፥ «ላፑን ሶሎኔ ይሸ ሞልታይፕ ጽቃ የዛ» ዬጌዛ።
35 የሱሳ ዎይታ ሳአ በቶይታ ዬጊ አዛዜዛ። 36 የይፕ ጉየ፥ የ ላፑን ሶላይራ ሞላ ኤኪ ጾስ ጋላቴዛ። ዱስርꬂ ፋ ታማርታይስ እንጌዛ። ኤ ታማርታይ አሳይስ ግሼዛ።
37 አሳይ ኡባይ ም ምዤዛ። ኤ ታማርታይ፥ ማዳር አቴዝ ጉፋ ላፑን ግታ ሌማተ ኩንꬂ ደንꬄዛ። 38 ሜዝ አሳይ ማችኔ ናአ ፓይደካዝን ꬍራꬅ ኣዳ ኦይዲ ሙኩሎ። 39 የሱሳ ዎይታ ዳከዛይፕ ጉየ ዎጎሎ ጋንጨ ገሊ ማጋዶና ግዝ ቢታ ቅቴዛ።