1 የ ዎደ የሱሳ ታማርታይ ይኢ፥ «ሳሎ ካተትꬅ ኡባፕ ኣꬍዛይ ኦኖ?» ዬጊ ኦይጬዛ። ሉቃ. 22:24 2 የሱሳ ፐቲ ዱደ ናአ ጼጊ ኡ ጋንጨ ኤሲ Ꮊይ ጋርከ ዬጌዛ። 3 «ታ ይንትስ ቱሮ ኦድዛ፤ ይ ላምንታምጽኮኔ ዱደ ናአ ጋርክ ሀናም እጽኮ ሳሎ ካተትꬅ ገሎዳይስ የሻ ዳንዳኦያ። ማር. 10:15፤ ሉቃ. 18:17 4 ይኬ፥ Ꮊ ዱደ ናአይ ጋርክ ፋና ካዉሽዛ ኦንካ ሳሎ ካተትꬅ ኡባፕ ኣꬍዛ ማቃዳ። 5 Ꮊይ ጋርክ ዱደ ናአ ታ ሱንꬃር ሞክዛ ኦንካ ታና ሞክዛ።

6 «ዝን ታና አማንዛ Ꮊ ጽቅታይፕ ፐታ ናጋራ ኦꬆድ ጋርክ ꬉበ ማቅዝ ኦንካ ዳማ ዎጻ ፋ ቆል አጪ ጪሞ አባ ጋንጨ ምትንትኮ ኤስ ሎኦ። 7 አላመል አሲ ናጋራ ኦꬆድ ጋርክ ኦꬅዛባዝ የዛ ግሾስ አላመ አየ። የይ ጋርክ ባዝ የኤካ አታሚ፥ ዝን ꬉበ ኤ ባጋር ይእዝ አꬃ አየ።

8 «ነ ኩሸ ዎይ ነ ቶኬ ነና ባልꬅኮ ኔፕ ጋቺ ኦሎባ። ኔኒ ናምኢ ኩሸር ዎይ ናምኢ ቶከር መꬍና ታማ ጋንጨ ዎꬋዳይፕ ኩሸ ዎይ ቶኬ ዱጻ ማቂ መꬍና ደኦ ደንግዛይ ኔስ ሎኦ። ማቶ. 5:30 9 ማ ነ ኣፋይ ነና ባልꬅኮ እዞ ዎጪ ከሲ ኦሎባ። ኔኒ ናምኢ ኣፈር ጋናመ ታማ ጋንጨ ዎꬋዳይፕ ፐቲ ኣፈር መꬍና ደኦ ገልዛኮ ኔስ ሎኦ። ማቶ. 5:29

10 «ታ ይንትስ ኦድዛ፤ ሳሎ የዝ ኡንታን ናግዝ ኪታንችታይ ኡባ ዎደ ሳሎ የዝ ታ አዳይ ቲና የዝ ግሾስ ይ Ꮊ ጽቅታይፕ ፐታካ ሌቃም ጋርክ ናግንቶይታ። ሉቃ. 19:10 11 አስ ናአይ ꬋቤዝታ አሾዳይስ የኤዛ»*አስ ናአይ ꬋቤዝታ አሾዳይስ የኤዛ፦ ዬግዛና ፐቲ ፐቲ ብኒ ማጻፍታይ ታይቦ 11 ጉጅዛ። ዬጌዛ።

12 ማ የሱሳ፥ «ይንትስ አብ ኣዜ? ፐቲ አꬃይስ ጼት ዱርታይ የዝታይፐ ፐታይ ꬋብኮ ኡዱፉን ታማኔ ኡዱፉንታ አምባል አፋ ኦሊ አሺ የ ꬋቤዛና ኮዮዳይስ Ꮊንጎሳ? 13 ታ ቱሮ ኦድዛ፤ ኤ ደንጌዝ ዎደ ኡዱፉን ታማኔ ኡዱፉንታይፕ ኣꬃ ꬋቢ በንቴዝ ፐቲ ዱራይል ኡፋይትዛ። 14 የይ ጋርከካ፥ ሳሎ የዝ ይ አዳይ Ꮊ ጽቅታይፕ ፐታይ ꬋቦድ ጋርክ ኮዮያ።

15 «ነ እሻይ ነና ቆህኮ ነ ኣዳስ ኤዝኮ Ꮊንጊ ኤ ቡታ ኤዝስ ኦዶባ። ኤ ነና ስእኮ ነ እሻ ኔስ ሻሎ ኡዶባ። ሉቃ. 17:3 16 ዝን ኤ ነና ስአም እጽኮ፥ ናምኢ ዎይ ሀይꬒ አስ ማርካር ሞቲ ዎꬍዛ ግሾስ ፐቲ ዎይ ናምኢ አስ ኤኪ ኤዝኮ Ꮊንጎባ። ናምእ. 19:15 17 ኤ ኡንታን ስአም እጽኮ፥ ዎሳ ኬꬅስ ኦዶባ። ዎሳ ኬꬅ ግዝ ባዝ ስአም እጽኮ አማኖዋ አስ ጋርክ ዎይ ቃራጸ ጋችስዝ አስ ጋርክ ኤዛ ታይቦባ።

18 «ታ ይንትስ ቱሮ ኦድዛ፤ ሳአ ይ አጭዝ ባዝ ኡቢታይ ሳሎ ጾስ ካለ አጭንቴዝ ባዝ ማቃዳ። ሳአ ይ ብሌዝ ባዝ ኡቢታይ ሳሎ ጾስ ካለ ብልንቴዝ ባዝ ማቃዳ። ማቶ. 16:19፤ ዋን. 20:23

19 «ማካ ታ ይንትስ ኦድዛ፤ ሳአ ይንትፕ ናምእታይ ፐቲ ዎዝናር ማቂ ጾስ ዎስዛ ባዝ ማቅኮ ሳሎ የዝ ታ አዳይ ይንትስ ኦꬆዳ። 20 ታና ካልዝታይፕ ናምኢ ዎይ ሀይꬒ ማቂ ሺቅዛ በሳ ታ ኡ ጋንጨ በንቶዳ» ዬጌዛ።

21 የ ዎደ ጵጽሮሳ የሱሳኮ ይኢ፥ «ጎዳዮ፥ ታ እሻይ ታና ቆህኮ ኣፑን ቶኬ ታ አቶ ጎዳይስ ቤዝኔ? ላፑን ቶኬ ሄሎዳይሶኔ?» ግ ኦይጬዛ። ሉቃ. 17:3-4

22 የሱሳ ማሂ፥ «የያ ባያ፥ ላፑን ታም ቶኬ ላፑንፕ አትን ላፑን ቶኬ ባያ። መ. 4:24

23 «የይ ግሾስ፥ ጾስ ካተትꬃይ ፋ ኦሶ አስታይር ፋ ምሻይ ፓጨዛኮኔ ፉጬዛኮ በአዳይስ ቆፔዝ ካታ ኣዝዛ። 24 የ ካታይ ሚሻይ ፓጨዛኮኔ ፉጬዛኮ ብእዛ ዎደ ጋመ ሙኩለ አጮ የዝ ፐቲ አꬃ ኤዝኮ ከኤዛ። 25 ዝን የ አይላይ አጫ ጭጎዳይስ ጋምንትን ኤዛ፥ ኤ ማቻትራ፥ ኤ ናእታይራኔ ኤዝስ የዛ ባዝ ኡባይ ባይዝንቲ አጮ ጭግንቶድ ጋርክ ኤዛ ጎዳይ አዛዜዛ። 26 የዝን አይላይ ፋ ጎዳይ ቶካይል አፋ ዎꬊ፥ ‹ታ ጎዳዮ፥ ሀያና ጽቃስ ጋምኦዬ፥ ታ ኡባ ጭጎዳ› ዬጊ ዎሴዛ። 27 ካታይ ኤዝስ ቃꬍንቲ፥ ዳኪ አሼዛ፤ ኤ አጫካ ማሬዛ።

28 «ዝን የ አይላይ ከዚ Ꮊንጊ ፋ ላጌ ኦሶ አስታይፕ ፐታይ ኤዛፕ ጽቃ ሚሸ ታልኤዛና፥ ‹ኔል አፋ የዝ ታ ሚሻ ታስ ጭጎባ› ግ አꬃይስ ቆꬋት ጩሌዛ።

29 «የ ኤ ላጌ አይላይ ኤ ቶካይል ዎꬊ፥ ‹ሀያና ጽቃል ጋምኦዬ ታ ኔስ ኡባ ጭጎዳ› ዬጊ ዎሴዛ።

30 «ዝን እጺ ኤኪ ካንጊ ፋ ላጋይ ኣጫ ጭጎድ ሄሎዳይስ አች ኬꬃ ገልሴዛ። 31 የይ ግሾስ፥ ሀራ ላጌ ኦሶ አስታይ የያ ብኢ ኢታ ይሎቲ፥ Ꮊንጊ ፋ ጎዳይስ ኤ ኦꬄዝ ባዝታ ኡባ ኦዴዛ።

32 «የዝን ጎዳይ የ አይላ ጼግሲ፥ ‹Ꮊ ኢታ አይላዮ፥ ኔኒ ታና ዎሴዝ ግሾስ ታ ነ አጫ ኡባ ነና ማሬዛ። 33 የዝን፥ ታኒ ነ አጫ ማሬዛይ ጋርክ ኔኒ ነ ላጌ ማቄዝ አይላይ አጫ ማሮዳይስ ኔስ ቤዞሳ?› ዬጌዛ። 34 የይ ግሾስ፥ ጎዳይ ኢታ ይሎቲ፥ ኤ ፋ አጫ ኡባ ጭጎድ ሄሎዳይስ ፓꬅ ካእንቶዳይ ጋርክ አች ኬꬅስ ኣꬂ እንጌዛ።

35 «የይ ጋርከ፥ ይ ፐታይ ፐታይ ይ እሻ ዎዝናፕ ማራም እጽኮ ሳሎ የዝ ታ አዳይ ይንታን Ꮊይ ጋርክ ኦꬆዳ» ዬጌዛ።