1 የይፕ ጉየ፥ የሱሳ ዎያስኔ ፋ ታማርታይስ Ꮊይ ጋርክ ዬጌዛ። 2 «ህገ አስታማርታይኔ ፈርሳወ አሳይ ሙሰ ህገ ታማርሶዳይስ ሙሰ ኦይደላ በቴዛ። 3 የይ ግሾስ፥ ኡ ይንታን አዛዝዛ ባዝ ኡብታ ኦꬆይታኔ ናጎይታ። ዝን ኡ ኦꬂዛይ ጋርከ ኦꬂፓተ። አብስ ጊኮ፥ ኡ ኦድዛይ ጋርክ ኦꬆያ። 4 ኡንቲ ቶክን ደንዶዋ ዴጾ ቶፎ አጪ አስ ቶስዛ። ዝን ፓስ ሀራ አቶዝን፥ የ ቶፋ አሳይ ቶኮዳር ፋ ኩሸ ግልአ ጼራር ቦቾዳይስ ኮዮያ።

5 «ዝን ኡ ፋ ኦሶ ኡባ አሲ በአዳይ ጋርክ ኦꬂዛ። ፋ ስኖላኔ ቀሴል አጭዝ ማጻፈ ጽቅሰ የዝ ኪታፐ ዳልግስዛ፥ ፋ አፍላ ማንቻ አዱስዛ። *ስኖላኔ ቀሰል አጭዝ ማጻፈ ... አፍላ ማጫራ አዱስዛ፦ የያ ኡ ኦꬅዛይ ጾሳይስ ታ እንግንቴዛያ ግ ፋና ቤሳዳይስ (ናምእ። 15:37-41)።ማቶ. 6:1፤ ናምእ. 6:8፤ ታይ. 15:38 6 ሞክንትዛ አቆ ቦንቾ አቆኔ አይሁድታይ ዎሳ ኬꬅ ጋመ ሎእዛ ኦይደ ዶስዛ። 7 አሳይ ጋበ ጋንጨ ኡንታን ቦንቾር ሳሮꬆዳናኔ ‹አስታማራዮ› ግ ጼጎድ ጋርክ ኮይዛ።

8 «ዝን ይ አስታማራይ ፐታይ ኣዳ ማቄዝ ግሾኔ ይ ኡቢታይ ኤ እሽታ ማቄዝ ግሾስ ‹አስታማራዮ› ግንትንቲ ጼግንትፓተ። 9 ይንትስ ሳሎ ፐቲ አዳይ ኣዳ የዝ ግሾስ Ꮊ ሳአ ኦናካ ‹አዳዮ› ግ ጼግፓተ። 10 ይንትስ ፐቲ ጎዳይ ክርስቶሳ ኣዳ የዛ ግሾስ ‹ጎዳ› ግንትንቲ ጼግንትፓተ። 11 ይንታፕ ኣꬍዛይ ይንትስ አይለ ማቆ። ማቶ. 20:26 12 ፋና ꬎቅ ኡድዝ ኦንካ ካዉዦዳ፤ ፋና ካዉዥስዛ ኦንካ ꬎቂ ጎዳ። ሉቃ. 14:11፤ 18:14

13 «ይንታኖ፥ ጩቢታዮ፥ ህገ አስታማርታይኔ ፈርሳዉታዮ፥ አስ ቲና ሳሎ ካተትꬅ ጎርድዝታዮ ይንታን አየ። ይንቲ፥ ይ ኡባስ ገላሚ ማ Ꮊንክታካ ገልሳሚ።

14 [«ይንታኖ ጩቢታዮ፥ ህገ አስታማርታይኔ፥ ፈርሳዉታዮ፥ አምእታይ ኬꬅ ይ ቦንቂታር፥ አሲ ቦኦ ግ ዎሳ አዱስዛ። የይ ግሾስ፥ ይንታን አየ። ኡባፕ ኣꬍዝ ፕርዳይ ይንታን ናግዛ።]†ፐቲ ፐቲ ብኒ ማጻፍታይ ታይቦ 14 ጉጅዛ።

15 «ይንታኖ፥ ጩቢታዮ፥ ህገ አስታማርታይኔ ፈርሳዉታዮ፥ ይንቲ ፐቲ አꬃ አማንꬆዳይስ አባራኔ ሳአር ዩይዛ። ዝን ይ ኤዛ አማንꬄዝ ዎደ የ አꬃ ይንትፕ ኣꬃ ጋናመስ ጊግስዛ ኦሶ ኦꬍዛ ግሾስ ይንታን አየ።

16 «ኦንካ ጾስ ኬꬅ ጫቂኮ አኮካ ባያ። ዝን ጾስ ኬꬅ የዝ ዎርቃ ጫቂኮ፥ የ ጫቃይ ኤዝስ ጎሞዳ ግዝ ቶእታዮ፥ ይ ይ ኡባስ ቶኢ ሀራ አስ ካልꬅዝታዮ፥ ይንታን አየ። 17 ይንታኖ፥ ቦዝታዮ፥ ቶእታዮ፥ ዎርቃይ ኣꬍነኔ? ዎርቃ ጾሳይስ ዱማስዛ ጾስ ኬꬃይ ኣꬌ? 18 ማ ‹ኦንካ ያርሾ ያርሽዛ አቆ ጫቂኮ፥ አኮካ ባያ። ዝን ኦንካ ኤዛል አፋ የዛ ያርሻ ጫቂኮ፥ የ ጫቃይ ኤስ ጎሞዳ› ዬጊ ታማርስዛ። 19 ይንታኖ፥ ቱልታዮ ቶእታዮ፥ ያርሾ ኣꬍነኔ? ያርሾ ጾሳይስ ዱማስዛ አቃይ ኣꬌ? 20 የይ ግሾስ፥ ያርሾ አቃይር ጫቂዛ አꬃይ፥ የ ያርሾ በሳይዳነ ኤዛል አፋ የዛ ኡባባዛል ጫቂዛ። 21 ጾስ ኬꬅ ጫቂዛ አꬃይ፥ የ ጾስ ኬꬅ ግዶኔ ኤዛይድ የዛ ጾሳ ጫቂዛ። 22 ሳሎ ጫቂዛ አꬃይ ጾስ ዙፋናኔ የ ዙፋናይል አፋ በትዝ ጾሳ ጫቂዛ። ኢሳ. 66:1፤ ማቶ. 5:34

23 «ይንታኖ፥ ጩቢታዮ፥ ህገ አስታማርታዮኔ ፈርሳዉታዮ፥ ይንታን አየ። ይ ካርꬅ ጋላፕ፥ ሻሽንቸፐኔ ቦꬅ ጋላፕ አስራታ ከስዛ። ዝን ህጋይድ የዝ ኣ ኮሽዝታ አሽዛ፦ የይካ ሉለ ፕርደ፥ ቃꬌነ ኡባባዛል አማንንቶ። ሀራባዝታካ አሸካዛር Ꮊይትታ ይ ኦꬎዳይስ ቤዝዛ። ለዊ. 27:30 24 ይንትስ ቶኢ ሀራ አስ ካልꬅዝታዮ፥ ይ ኡሻፕ ዉኑኖ ከሲ ግማለ ምትዛ።

25 «ይንታኖ፥ ጩቢታዮ፥ ህገ አስታማርታዮኔ ፈርሳወ አሳዮ፥ ይንታን አየ። ይ ሻተስኔ ከረስ አፋ ባጋ ጌሽዛ። ዝን ጋንችጬ ባጋይ ቦንቃኔ ኡዛትꬂ ኩሜዛ። 26 ነኖ ቶአ ፈርሳዋዮ፥ ሻተስኔ ከረስ ጋንጫ ቲና ጌሾባ። የይፕ ጉየ፥ አፋ ባጋይካ ጌሺ ማቃዳ።

27 «ይንታኖ፥ ጩቢታዮ፥ ህገ አስታማርታዮኔ ፈርሳዉታዮ፥ ይንታን አየ። ይ አፋ ባጋር ቦርሾንቶር ትዥንት ሎእ፥ ጋንጨ መቀꬅኔ ዎቄዝባዝ ኩሜዝ ዱፎ ኣዝዛ። ሀዋ. ኦ. 23:3 28 የይ ጋርከካ፥ አፋ ባጋር አስስ ሎኦ ኣዝዛ። ዝን ይ ጋንጨ ጩቦትꬅኔ ኢታትꬂ ኩሜዛ።

29 «ይንታኖ፥ ጩቢታዮ፥ ህገ አስታማርታዮኔ ፈርሳውታዮ፥ ይንታን አየ። ይ ናብታይስ ዱፎ ግንቢዛ፥ ማ ጽልታይ ዱፋካ ሎእꬅዛ። 30 ማ ይንቲ፥ ‹ኑኒ ብኒ ኑ አድታይ ዎደ የዛ ባዝ ማቄዛኮ፥ ኡንታር ዎላ ናብታይ ሱꬂ ላላምዝን› ዬግዛ። 31 የይ ግሾስ፥ ይ ናብታ ዎꬌዝ አስ ናእታ ማቄዛና ይንቲ ይ ኡባስ ማርካትዛ። 32 ዬዛኮ፥ ይ አድታይ አይኬዛና ይ ፖሎይታ።

33 «Ꮊ ሾሹንꬆ፥ ጎፐ ናኡንꬆ፥ ይ ጋናመ ፕርዳፕ ዋይዚ አቶዴ?ማቶ. 3:7፤ 12:34፤ ሉቃ. 3:7 34 የይ ግሾስ፥ ታ ኦድዛና ስኦይታ፤ ታኒ ናብታ፥ ኤጫ አስታኔ አስታማርታ ይንትኮ ኪቶዳ። ኡንታፕ ፐታ ፐታ ይ ዎꬎዳ ማዝቃለል አፋ ሶቶዳ። ባግታ አይሁድታይ ዎሳ ኬꬅ ገልሲ አላንጎዳ ካታማፕ ካታማ ባይኦዳ። 35 የይ ግሾስ፥ ጽላ አቤላ ዎꬌዝ ዎደፕ አይኪ፥ ጾስ ኬꬅስኔ ያርሾ አቆፕ ግዶ ይ ዎꬌዝ ባራክዩ ናአ ዛክሬሳ ሱꬅ ሄሎዳር Ꮊይቄዝ ጌሽ አስ ኡባይ ግሾስ ይ ሴርንቶዳ። መ. 4:8፤ 2ዜና. 24:20 36 ታኒ ይንትስ ቱሮ ኦድዛ፤ ይንትኔ ይ አድታይ ኦꬄዝ ቡታይስ Ꮊ ፕርዳ ኡባይ Ꮊ የለትꬃይል አፋ ሄሎዳ።

37 «የሩሳላመ፥ የሩሳላመ፥ ናብታ ዎꬌዛኔ! ጾሳይ ኔኮ ኪቴዝታ ሹቻር ሾጭዛኔ! ሹጉላ ፋ ናእታ ፋ ቀፈር ሀጵዛይ ጋርክ ታኒ ነ ናእታ ታ ሺሾዳይስ ኣፑን ቶኬ ኮየኔ! ዝን ታና ነ ካዬዛ። 38 ይኬ፥ ይ ኬꬃይ ካይሳ ማቃዳ። ኤርም. 22:5 39 ታኒ ይንትስ ኦድዛ፤ ‹ጎዳይ ሱንꬃር ይእዛይ አንጅንቴዛያ› ይ ጎድ ጋꬆ Ꮊይፕ ጉየ ታና ይ በአሚ» ዬጌዛ። ማዝ. 118:26