24
የሱሳ ጾስ ኬꬃይ ላልልንቶዳና ቲናቲ ኦዴዛ
(ማር. 13:1-2፤ ሉቃ. 21:5-6)
1 የሱሳ ጾስ ኬꬃፕ ከዚ Ꮊማዳር፥ ኤ ታማርታይ ኤዝኮ ይኢ፥ ጾስ ኬꬃ ግምባ ቤዜዛ። 2 የሱሳ ኡንትኮ ማሂ፥ «ኤ! Ꮊያ ኡብታ ይ ብእኔ? ታኒ ይንትስ ቱሮ ኦድዛ፤ ሹች ሹቻል አፋ ግንቢንቴዛይ ላልንተካዛር አታሚ» ዬጌዛ።
ቲናስ ሀኖድ ባዝታ
(ማር. 13:3-13፤ ሉቃ. 21:7-19)
3 የሱሳ ደብረዛይተ አምባል አፋ በቴዝን፥ ኤ ታማርታይ ፋ ኣዳስ ኤዝኮ ይኢ፥ «የይ አይደ ሀኖዳዛኮ ኑስ ኦዶባ። ማ ነ ይእꬃይስኔ ዎደ ዉርስꬃይስ ማላይ አባ?» ዬጊ ኦይጬዛ።
4 የሱሳ ማሂ፥ «ይንታን ኦንካ ባልꬃም ጋርክ ናግንቶይታ! 5 አብስ ጊኮ፥ ጋመ አሳይ ታ ሱንꬃር፥ ‹ታኒ ክርስቶሳ› ጊታር ታ ሱንꬃር ይኢ ጋመ አስ ባልꬆዳ። 6 ኦላኔ ኦላ ባዝ ናሾዳር ይ ስኦዳይስ የዛ። የይ ሀኖዳይስ ቤዝዛ ግሾስ ህርግፓተ። ዝን ዉርስꬃይ ሀጋ። 7 ዎያይ ዎያራ፥ ፐቲ ካተትꬃይ ሀራ ካተትꬃር ኦልንቶዳ። ናየኔ ቢታ ኤንኦ ጋመ አቆ ሀኖዳ። 8 የይ ኡባይ የሎ እቅꬅ ዞኬ አይꬅ ጋርከ።
9 «የ ዎደ አሳይ ይንታን መቶስ ኣꬂ እማዳ፥ ዎꬎዳ። ታ ሱንꬃይ ግሾስ አሲ ኡባይ ይንታን እጾዳ። ማቶ. 10:22 10 የ ዎደ ጋምታይ አማኖ አሾዳ። ፋ ጋንጨ ፐታይ ፐታ ኣꬂ እማዳ፥ ፐታይ ፐታ እጾዳ። 11 ማ ጋመ ዎርዶ ናብታይ ደንዲ ጋምታ ባልꬆዳ። 12 ዉጨትꬂ ጋንግዛይ ግሾስ ጋመ አሳይስ ሲቆ እርጾዳ። 13 ዝን ዉርስꬂ ሄሎዳይስ ጋርዥዛ አꬃይ አቶዳ። ማቶ. 10:22 14 አስ ኡባስ ማርካ ማቃድ ጋርክ ጾስ ካተትꬅ ዎንግላይ ቢታ ኡባይል ሳባክንቶዳ። የይፕ ጉየ፥ ዉርስꬃይ የኦዳ።
ብጻ ቤዝዝ መቶ
(ማር. 13:14-23፤ ሉቃ. 21:20-24)
15 «የይ ግሾስ፥ ናበ ዳለነ ኦዴዝ ꬋብስዛ ቱና ኦሶ ጌሽ አቆ ኤቄዛና ይ በአዳ። ናምእ. 9:27፤ 11:31፤ 12:11 ናባብዛይ አካኮ! 16 የ ዎደ ይሁዳ ቢታል የዝታይ አምባል ቆስንቶ። 17 ኬꬅ ኩስተል የዝ አꬃይ ፋ ካራ የዝ ባዝ ኤኮዳይስ ዎꬍፐ።ሉቃ. 17:31 18 ጋደ ኦሶል የዛይ ፋ አፍላ ኤኮዳይስ ጉየ ማቅፐ። 19 የ አግናይድ ዎደꬅ ማችታይስኔ አምስዛ ማችታይስ ኢታ መቶ ማቃዳ። 20 ይ ቆስንታይ ባርጎር ዎይ ማላ ጋላስ ማቃም ጋርከ ጾሳ ዎሶይታ። 21 አብስ ጊኮ፥ ሳአ መꬍንቴዛይፕ Ꮊይኖ ሄሎዳይስ ሀነካ ባዝ፥ ማ ቲናስካ የሻ ሀናም መቶ የ ዎደ ሀኖዳ። መ. 12:1፤ ዋን. ቆን. 7:14 22 የ ጋላስታይ ፓይዳ ሃትሰካዛኮ አሾ ማኤዝ ኦንካ አታሚ። ዝን ኤ ፋ ዶሬዝ አሳይ ግሾስ የ ጋላስታይ ፓይዳ ሃትꬆዳ።
23 «የ ዎደ ኦንካ ይንታን፥ ‹Ꮊይሼ፥ ክርስቶሳ Ꮊይዳ› ዎይ ‹ሰንዳይዳ የዛ› ዬግኮ አማንፓተ። 24 አብስ ጊኮ፥ ዎርዶ ክርስቶስታይራኔ ዎርዶ ናብታይራ ደንዶዳ። ኡንትስ ዳንዳእንትኮ፥ ሀራ አቶዝን ጾሲ ዶሬዝታካ ባልꬆድ ሄሎዳይስ ማላኔ ማላባዝ ቤዞዳ። 25 አካኮይታ፥ ታኒ ይንትስ Ꮊያ ቲናቲ ኦዴዛ።
26 «የይ ግሾስ፥ አሳይ ይንትኮ፥ ‹ክርስቶሳ ሊዦ የዛ› ጊኮ፥ እዘ Ꮊንግፓተ፥ ዎይ ይንትኮ፥ ‹ቆልአ የዛ› ጊኮ፥ አማንፓተ። ሉቃ. 17:23-24 27 አብስ ጊኮ፥ ዜልንꬂ ሳሎ ዜልንጊ፥ አዋ ከሳፕ አዋ ገሎ ሄሎዳይስ በንትዛይ ጋርክ፥ አሲ ናአ ይእꬃይ Ꮊይ ጋርክ ሀኖዳ።
28 «ጋዉጻ የዛ አቆ አንኮ ሺቅዛ። ሉቃ. 17:37
29 «የ ዎደ የ መቶ ጋላስታይፕ ጉየ፥
ኤለ አዋ ꬉሞዳ፥
አግና ፋ ፖኦ ካዮዳ። ኢሳ. 13:10፤ ኤርም. 2:10
ጾልንትታይ ሳሎፕ ዎꬎዳ፥
ማ ሳሎ የዝ ዎልቅታይካ ቡቅንቶዳ።
30 የ ዎደ አስ ናአ ማላይ ሳሎል አፋ በንቶዳ። ሳአ የዝ አስ ኡባይ ዬኮዳ። ማ አስ ናአይ፥ ዎልቃራኔ ግታ ቦንቾር ሳሎ ሻራ ጋንጨር የኦዳር ኡንቲ በአዳ። ናምእ. 7:13፤ ዛክ. 12:10 31 ኤ ፋ ኪታንችታ ፑግዛ ዳማ ቱልቱላር ኪቶዳ። ኡ ሳአ ኦይዲ ዞዘ Ꮊንጊ፥ ጋጻፕ ጋጻ ሄሎዳይስ የዝ ኤስ ዶርንቴዝታ ሺሾዳ።
ጎዳይ የኦድ ጋላሳይስ ማላ
(ማር. 13:28-31፤ ሉቃ. 21:29-33)
32 «በለሰ*በለሰ፦ ኑ ቢታ ቤላ ፉꬍኮ ቦነ ከዝዛይ ጋርከ ምꬃፕ ታማሮይታ። እ ጼራይ ጪዥኮ ሀይታይ አጮ አይክኮ ቦነ ኡኬዛና ይ ኤርዛ። 33 የይ ጋርከካ፥ ይ Ꮊ ኡባ በአዳር አስ ናአይ ይእዛ ዎዳይ ፔንገል የዛና ኤሮይታ። 34 ታኒ ይንትስ ቱሮ ኦድዛ፤ Ꮊ ኡባ ባዝ ፖልንቶድ ሄሎዳይስ፥ Ꮊ የለትꬃይ ኣꬋሚ። 35 ሳሎኔ ሳአይ ኣꬎዳ፥ ዝን ታ ቃላይ ኣꬋሚ።መ. 6:5
ጎዳይ የኦድ ጋላሳና ኦንካ ኤሮያ
(ማር. 13:32-37፤ ሉቃ. 17:26-30፥ 34-36)
36 «የ ጋላሳትኔ የ ሳታቲ ባጋ ሳሎ የዝ ታ አዳይፕ አትን ሀራ ሳሎ ኪታንችታ ማቅን ዎይ ናአ ማቅን ኦንካ ኤሮያ። 37 አስ ናአ ይእꬃይ፥ ኖሄ ዎደ ሀኔዛይ ጋርክ ማቃዳ። መ. 6:5 38 የ አግንተ ꬋቦ ሃꬃይ የኦዳይፕ ቲና ኖሄ ማርካበ ጋንጨ ገሎድ ሄሎዳይስ፥ አሳይ ሚታራኔ ኡዥታር፥ ኤክታራኔ ገልታር ጋምኤዛ። 39 ꬋቦ ሃꬃይ ይኢ፥ ኡንታን ኡባ ꬋብሶድ ሄሎዳይስ አካኬካያ። አስ ናአ ይእꬃይካ Ꮊይ ጋርክ ሀኖዳ።
40 «የ ዎደ ናምኢ አሳይ ጋደ ጋንጨ ኦꬆዳ። ኡንታፕ ፐታይ ኤክንቶዳ፥ Ꮊንካይ አቶዳ። 41 ናምኢ ማችታይ ዎላ ጋጮዳ። ኡንታፕ ፐታት ኤክንቶዳ Ꮊንካት አቶዳ።
42 «ይኬ፥ ይ ጎዳይ አባ ጋላስ የኦዳዛኮ ኤሮዋ ግሾስ ሚንጊ ናጎይታ። 43 ዝን ካይዞ ቃማፕ ኣፑን ሳተል የኦዳዛኮ ካራ አዳይ ኤርዛኮ፥ ፋ ካራ ቦክንታማይ ጋርክ ባርክ ናጎዳዝን። ሉቃ. 12:39-40 44 የይ ጋርክ፥ አስ ናአይ ይ ቆፐካ ሳተ የኦድ ግሾስ ይንትካ ጊግንቲ የዞይታ።
ኢታኔ ሎኦ አይለ ኣዝሶ
(ሉቃ. 12:41-48)
45 «የዝን፥ ፋ ካራ አሳይስ ካꬃ ቤዝዛ ዎደር እማድ ጋርክ ኤ ጎዳይ ዶሬዝ አማንꬅዛይኔ ዎዛናማ አይላይ ኦኖ? 46 ኤ ፋ ጎዳይ አዛዜዛና ኦꬃዳር ኤ ጎዳይ ይኢ ደንግዛ አይላይ አንጅንቴዛያ። 47 ታኒ ይንትስ ቱሮ ኦድዛ፤ ጎዳይ የ አይላ ፋባዝ ኡባይል አፋ ሹሞዳ። 48 ኢታ አይላይ፥ ‹ታ ጎዳይ ጋምኢ የኦዳ› ዬጊ ፋ ዎዝናር ቆፒ፥ 49 ፋ ኦሶ ላግታ Ꮊꬎ አይክኮ፥ ማꬅዝታይራ ሚኮኔ ኡዥኮ፥ 50 የ አይላይ ጎዳይ ኤ ቆፐካ ጋላስኔ ኤ ኤረካ ሳተር፥ 51 ይኢ ኤዛ ናምኢ ከሲ ጳልቆዳ። ኤ አንጃካ ጩቢታይር ኡዶዳ። ኤዛይድ ኤስ ዬፎኔ አች ጮንች ማቃዳ።