28
የሱሳ Ꮊይቆፕ ደንዶ
(ማር. 16:1-10፤ ሉቃ. 24:1-12፤ ዋን. 20:1-10)
1 ማላ ጋላሳይ ኣꬌዝ ዎጋ ዎደ ጉራ፥ ማግዴላ ማይራምራ Ꮊንኮ ማይራማ የሱሳ ሞግንቴዝ ዱፋ በአዳይስ Ꮊንጌዛ። 2 ቆፐካ ዎልቃማ ቢታ ኤንኦ ሀኔዛ። ጎዳይ ኪታንቻይ ሳሎፕ ዎꬊ ዱፋይ ዶናይል የዝ ሹቻ ጎልእሲ ኤዛል አፋ በቴዛ። 3 ኤ ጭራይ ዜልንꬅ ኣዝዛ። ኤ አፍላይካ ሻች ጋርክ ቦꬅ። 4 ናግዝታይ ኪታንቻ ብኢ፥ ያሻር ኩኩሪ፥ Ꮊይቄዝ አስ ጋርክ ሀኔዛ።
5 ኪታንቻይ ማችታይኮ፥ «ያሽትፓተ ይ ማዝቃለል አፋ ሶትንቴዝ የሱሳ ኮይዛና ታ ኤርዛ። 6 ኤ ቲን ኦዴዛይ ጋርክ Ꮊይቆፕ ደንዴዛ፤ Ꮊይዳ ባያ። Ꮊና ይኢ ኤዛ ዎይꬄዝ አቃ ቦኦይታ። 7 ይ Ꮊት ኤልሲ Ꮊንጊ፥ ኤ ታማርታይስ፥ ‹የሱሳ Ꮊይቆፕ ደንዴዛ። ማ ኤ ይንትፕ ቲናቲ ጋልላ Ꮊማዳ፤ ይ ኤዛ ኤዛይድ በአዳ› ዬጊ ኦዶይታ። ታኒ ይንትስ Ꮊያ ኦዶዳይስ የኤዛ» ዬጌዛ።
8 ኡንቲ ያሽትታራኔ ጋመ ኡፋይትታር፥ ዱፋይ ላንቃይፕ ኤልሲ Ꮊንጊ፥ ኤ ታማርታይስ ኦዶዳይስ ዎጼዛ።
9 ቆፐካዝን የሱሳ ኡንታር ዎል ሄሊ ኡንትኮ፥ «ሳሮ ይንትስ ማቆ» ዬጌዛ። ኡንቲ ኤዝኮ ሺቂ፥ ኤ ቶካ አይኪ ኤዝስ ጎይኔዛ። 10 የ ዎደ የሱሳ ኡንትኮ፥ «ያሽትፓተ፤ Ꮊንጊ ታ ታማርታይ ጋልላ Ꮊማድ ጋርክ ኡንትስ ኦዶይታ። ኡ ኤዛይድ ታና በአዳ» ዬጌዛ።
11 የ ማችታይ Ꮊማዳር፥ ዱፋ ናግዛ ዎታዳርታይፕ ባግታይ ካታማ Ꮊንጊ፥ ሀኔዝባዛ ኡብታ ቄሰ ሀላቅታይስ ኦዴዛ። 12 ቄሰ ሀላቅታይኔ ጭምታይ ሺቂ ቶቢ፥ ዎታዳርታይስ ጋመ ሚሸ እንጌዛ። 13 «‹ኑኒ ገንቴዝን ኤ ታማርታይ ቃማ ይኢ፥ ኤ አሃ ካስቴዛ› ዬጎይታ። 14 Ꮊ ኦዳ ጋደ አቅስዛይ ስእኮ፥ የይ ይ ቡታ ባዛ ኑኒ ኤዛ ኦዲ አማንꬆዳ። ይንታን አብካ ህርግስፐ» ዬጌዛ።
15 ዎታዳርታይ ሚሸ ኤኪ፥ ኪትንቴዛይ ጋርክ ኡዴዛ። Ꮊ ኦዳይ አይሁድታይ ካለ Ꮊይኖ ሄሎዳይስ ኦድንትታር የዛ።
ዳማ ኪታ
(ማር. 16:14-18፤ ሉቃ. 24:36-49፤ ዋን. 20:19-23፤ ሀዋ. ኦ. 1:6-8፤ 1ቆሮ. 15:3-8)
16 ታጶ ፐቲ ኤ ታማርታይ የሱሳ ኡንታን Ꮊንጎይታ ጌዝ ጋልላ ደረል አፋ Ꮊንጌዛ። ማቶ. 26:32፤ ማር. 14:28 17 ኤዛይድ ኡንቲ ኤዛ በኤዝ ዎደ ኤዝስ ጎይኔዛ፥ ዝን ኡንታፕ ፐታይ ፐታይ ስꬌዛ።
18 የሱሳ ኡንትኮ ሺቂ፥ «ሳሎኔ ሳአ ማዉተ ኡባይ ታስ እንግንቴዛ። 19 ይኬ፥ ይንቲ ኡባ አቆ Ꮊንጊ፥ ዎንግላ ሳባኪ ታና ካልዝታ ማሆይታ፥ ኣዳ፥ ናአ፥ ጌሻ አያና ሱንꬃር ዎያ ኡባ ጻማቆይታ። ሀዋ. ኦ. 1:8 20 ታኒ ይንታን ኪቴዛ ኡባ ኡ ናጎድ ጋርክ ታማርሶይታ። ታኒ ዎደ ዉርስꬅ ሄሎዳይስ ኡባ ዎደ ታ ይንታር የዛ» ዬጌዛ።