13
የሱሳ ጾስ ኬꬃይ ላልንቶዳና ቲናቲ ኦዴዛ
(ማቶ. 24:1-2፤ ሉቃ. 21:5-6)
1 የሱሳ ጾስ ኬꬃፕ ከሳዳር፥ ኤ ታማርታይፕ ፐታይ፥ «አስታማራዮ፥ Ꮊይ ዋፋ ሎኦ ሹችኔ ዋፋ ሎኦ ሹች ኬꬅዛኮ ነ ቦኦባ!» ዬጌዛ።
2 የሱሳ ማሂ፥ «Ꮊ ዳማ ሹች ኬꬃ ነ ብእኔ? Ꮊ ኬꬃይ ሹቺ ሹቻል አፋ ግምቢንቴዛይ ጋርክ ላልንተካዛር አታሚ፤ ፐቲ ሹችካ አተካዛር ኡቢታይ ላልንቶዳ» ዬጌዛ።
ዉርስꬅ ላይꬅስ የዝ ማላ
(ማቶ. 24:3-14፤ ሉቃ. 21:7-19)
3 የሱሳ ጾስ ኬꬃፕ ቲና ባጋር ደብረ ዛይተ አምባል አፋ በቴዝን፥ ጵጽሮሳ፥ ያይቆባ፥ ዋንሳኔ እንድራሰራ ዎላ ኤዝኮ ይኢ፥ 4 «Ꮊይ አይደ ሀኖዳዛኮ፥ ኑስ ኦዶባ፤ Ꮊ ኡቢታይ ፖልንቶድ ዎዳ ኤርስዛ ማላይ አባ?» ዬጊ ኦይጬዛ።
5 የሱሳ ማካ ኡንትስ Ꮊይ ጋርክ ዬጊ ኦዴዛ፦ «ይንታን ኦንካ ባልꬃማይ ጋርክ ናግንቶይታ። 6 ጋመ አሳይ ታ ሱንꬃር፥ ‹ታኒ ክርስቶሳ› ዬግታር ይኢ፥ ጋመ አስታ ባልꬆዳ። 7 ኦላኔ ኦላ ዎረ ይ ስኤዝ ጋላስ ዳጋምፓተ። የይ ጋርክ ባዝ ሀኖዳይ አታሚ፥ ዝን ዉርስꬃይ ሀጋ። 8 ፐቲ ዎያ ሀራ ዎያር ኦልንቶዳ፤ ማ ፐቲ ካተትꬃይ ሀራ ካተትꬃር ኦልንቶዳ፤ ቢታ ኤንኦ ኡባ አቆ ሀኖዳ፤ ናየ ደንዶዳ፥ ዝን የይ ኡባይ የሎስ ማቺ እቅንትዝ ዞኬ ጋርከ።
9 «ዝን ይ፥ ይ ኡባስ ናግንቶይታ። አብስ ጊኮ፥ አሲ ይንታን አይኪ፥ ፕርደ ኬꬅስ ኣꬂ እማዳ፤ ማ አይሁድታይ ዎሳ ኬꬅታይዳካ ይንታን አላንጋር አላንጎዳ፤ ጋደ አቅስዝታይ ቲናኔ ካትታይ ቲና ታ ግሾስ ይ ማርካቶዳይስ ኤቆዳ። ማቶ. 10:17-20፤ ሉቃ. 12:11-12 10 ዉርስꬂ ሄሎዳይፕ ቲና ዎንግለ አስ ኡባይስ ኦድንቶዳይስ ቤዝዛ። 11 ኡ ይንታን ፕርደ ኬꬅ ክእዛ ዎደኔ ኣꬂ እንግዛ ዎደ ዋጊ ኦዶደ ዬጊ ህርግፓተ፤ የ ሳታተ ጾሳይ ይንትስ እንግዛ ባዝ ኦዶይታ። ጌሻ አያናይ ኦድንትዛፕ አትን ይንታን ባያ።
12 «ኢሻይ ፋ እሻ፥ አዳይ ፋ ናአ ኣꬂ እማዳ። ናእታይ ፋና የሌዝታይል አፋ ደንዲ፥ ኡንታን ዎꬎዳ። 13 አሲ ኡባይ ይንታን ታ ሱንꬃይ ግሾስ እጾዳ፥ ዝን ዉርስꬂ ሄሎዳይስ ጋርዤዛይ አቶዳ። ማቶ. 10:22
የሩሳላመል ሄሎድ ኢታ መቶ
(ማቶ. 24:15-28፤ ሉቃ. 21:20-24)
14 «ዝን ꬋብስዛ ቱና ኦሶ ኤቆዳይስ ቤዞዋ አቆ ኤቄዝን ይ በአዳ።» የይ ዋጉስዛኮ ናባብዛይ አካኮ! «ይሁዳ ቢታ የዝታይ የ ዎደ አምባ ጉየ ቆስንቶ። ዳነ. 9:27፤ 11:31፤ 12:11 15 ኬꬃል የዝ አꬃይካ ፐትባዝ ኤኮዳይስ፥ ፋ ካራ ገልፐ። ሉቃ. 17:31 16 ጋደ ኦꬆል የዛይ ፋ አፍላ ኤኮዳይስ ጉየ ማቅፐ። 17 የ ዎደ ዎደꬅ ማችታይስኔ ꬋንꬅዛ ማችታ ኡንታን አየ። 18 ዝን Ꮊይ ኡቢታይ ሀኖዳር ዎዳይ ባርጎ ማቃማይ ጋርክ፥ ጾስ ዎሶይታ። 19 አብስ ጊኮ፥ ጾሲ አላመ መꬌዝ ዎደፕ አይኪ፥ Ꮊኖ ሄሎዳይስ ሀንበኤካ መቶ ቲናፐካ ሀናም መቶ አሳል አፋ የ ዎደ ሀኖዳ። ዳነ. 12:1፤ ዋን. ቆን. 7:14 20 ጎዳይ የ ጋላስታይ ታይባ ሃትꬆዛኮ፥ አስ ግዝ ኦንካ አታሚ። ዝን ኤ ፋ ዶሬዝ አሳይ ግሾስ የ ጋላስታይ ታይባ ቃንꬅሴዛ።
21 «የ ዎደ ኦንካ ይንታን፥ ‹Ꮊያ ቦኦይታ፥ ክርስቶሳ Ꮊይዳ የዛ ዎይ ክርስቶሳ ሰንዳይዳ የዛ› ዬግኮ፥ የያ አማንፓተ። 22 ዎርዶ ክርስቶስታይራኔ ዎርዶ ናብታይ ደንዲ ኡንትስ ዳንዳእንትኮ፥ ሀራ አቶዝን ጾሳይ ማራጼዝታካ ባልꬆዳይስ ማላኔ ማላባዝ ቤዞዳ። 23 ዝን ይ ናግንቶይታ፤ ታ ይንትስ ኡባ ባዝ ቲናቲ ኦዴዛ።
ክርስቶሳ ናምእንꬆ ይእꬅ
(ማቶ. 24:29-31፤ ሉቃ. 21:25-28)
24 «ዝን የ ዎደ የ ዋያይፕ ጉየ፥
« ‹አዋ ꬉሞዳ፤
አግና ፋ ፎአ ካዮዳ፤ ኢሳ. 13:10፤ ኤርም. 2:10
25 ጾልንትታይ ሳሎፕ ጉፎዳ፤
ማ ሳሎ የዝ ዎልቅታይካ ኤንኦዳ።›ኢሳ. 34:4፤ ኢዩ. 2:10፤ ዋን. ቆን. 6:13
26 የ ዎደ አስ ናአይ፥ ኣꬎ ዎልቃራኔ ቦንቾራ ሻራ ጋንጨር የኦዳር ኡባይ በአዳ። ዳነ. 7:13፤ ዋን. ቆን. 1:7 27 የ ዎደ ኤ ኪታንችታ ኪቶዳ፤ ኡንትካ ኦይዲ ጎንተ Ꮊንጊ ሳአ ጋጻፕ ሳሎ ጋጻ ሄሎዳይስ፥ ጾሲ ዶሬዝ አስታ ሺሾዳ።
ላይꬃይ ሄሌዛና ኤርስዛ ባላሰ ምꬃቶ
(ማቶ. 24:32-35፤ ሉቃ. 21:29-33)
28 «ኣዝሶ ባላሰ ምꬃፕ አካኮይታ፤ ባላሳታ ፉርጮዳራኔ እ ሀያይ ብልእꬅ አይክኮ ቦነ ኡኬዛና ይ ኤርዛ። 29 የይ ጋርከካ፥ ይ የ ኡባ ባዝ ሀንዛና ብእኮ ዎዳይ ኡኪ ፐንገ ሄሌዛና ኤሮይታ። 30 ታ ይንትስ ቱሮ ኦድዛ፤ Ꮊ ኡባባዛይ ሀኖድ ጋꬆ Ꮊ የለትꬅ ኡቢታይ ኣꬋሚ። 31 ሳሎኔ ሳአ ኣꬎዳ፥ ዝን ታ ቃላይ ኡባራካ ኣꬋሚ።
ጎዳይ የኦድ ጋላሳኔ ሳተ ኦንካ ኤሮያ
(ማቶ. 24:36-44)
32 «ዝን የ ጋላሳኔ የ ሳታ አዳይ ኣዳፕ አትን ሀራ አቶዝን ሳሎ የዝ ኪታንችታ ማቅን ዎይ ናአ ማቅን ኦንካ ኤርዛይ ባያ። ማቶ. 24:36 33 የ ጋላሳይ አይደ ማቆዳዛኮ ይ ኤሮዋ ግሾስ ናግንቶይታ፥ ምንጎይታኔ ዎሶይታ። 34 ታ ይእꬃይ ፋ ካራ አሺ፥ ኦገ Ꮊንግዛ አꬃይ ጋርከ። አꬃይ ፋ አይልታ ኦማር ኦማር ኦꬆ አይꬂ ኡንትስ ፋ ኦሳይስ ማዉተ እንጌዛ፤ ማ ናግዛናካ ሚንꬂ ናጎድ ጋርክ ኪቴዛ። ሉቃ. 12:36
35 «የይ ግሾስ፥ ሚንጎይታ። አብስ ጊኮ፥ ካራ አዳይ ኦማꬅ ማቆ ዎይ ግዲ ብላሄ ማቆ ዎይ ሹጉላ ኡፎ ማቆ ዎይ ዎንትማꬄ ማቆ አይደ የኦዳዛኮ፥ ይ ኤሮያ። 36 ይ አካኬካዝን ኤ ይኢ ይንታን ይ ገንቲ የዝን ደንጋማይ ጋርክ ሚንጎይታ። 37 ታ ይንትስ ኦድዛን ጋርክ አስ ኡባስ፤ ሚንጎይታ» ዬጌዛ።