1 ፓዝቃ ባለ ቦንችዛ ጋላስኔ ቦራ ባለ ቦንችዛ ጋላስ ሄሎዳይስ ናምኢ ጋላሲ አቴዛ። ቄሰ ሀላቅታይኔ ህገ አስታማርታይ ጩቦትꬃር የሱሳና አይኪ ዎꬍዛ ኦገ ኮይዛ። ከስ 12:1 2 «አሳይ ካች ከሳማይ ጋርክ ፓዝቃ ቦንችዝ ጋላስ ኦꬃሚ» ዬጌዛ።

3 የሱሳ ብታና ካታማ ቦርቆንቶ ሀርገር የዝ ስሞና ካራ ስብረል አፋ በቴዝን፥ ፐቲ አስታ አልባስጽሮሳ ግንትዝ ብልጋጸ ኩንꬅ ናርዶሰ ግንትዝ ጋመ አልኦ ሽቶ ኤኪ የኤዛ። የ ብልጋጻቶ መንꬂ ሽታ የሱሳ ኦማይል ሁልኤዛ። *አልበስጽሮሰ አልኦ ሹች ኮች ሉቃ. 7:37 4 የ አቃይድ የዝ አሳይፕ ፐታይ ፐታይ ካጭንቲ፥ «Ꮊ ሽታይ ጨር ኢትዛይ አብሶ? 5 Ꮊ ሽታና ሀይꬒ ጼት ድናረ ጋተ ከሶዳያ †ሀይꬒ ጼት ድናረ፦ ፐቲ አስስ ላይꬃር ጭግንትዛ ሎኦ ዳሞዘፕ ኣꬎ ማቅዝ ሚሸ። ባይዚ፥ ሚሻ ማንቅታይስ እማዳይስ ዳንዳእንትዛዝን» ዬጊ ፋ ጋንጨር ዎላ ኦድንቴዛ። ዬዚ፥ የ አስቶ ቦሬዛ።

6 ዝን የሱሳ «Ꮊ አስቶ አሾይታ፤ እዞ አብስ ዋይꬄ? እዛ ታስ ሎኦ ባዝ ኦꬄዛ። 7 ማንቅታይ ኡባ ዎደ ይንታር የዛ። ይ ኮዤዝ ጋላስ አይደካ ኡንታን ማዶዳይስ ዳንዳእዛ፥ ዝን ታ ኡባ ዎደ ይንታር የዛሚ። ታይ. 15:11 8 እዛ ፓስ ዳንዳእንቴዛይ ጋርክ ኦꬄዛ፤ ማ ታና ሞጎስ ጊግሶዳይስ ቲናቲ ሽቶ ትዤዛ። 9 ታ ይንትስ ቱሮ ኦድዛ፤ ሳአ ኡባይል ዎንግለ ኦድንትዛ አባ ማቅኮካ፥ አሳይ እዞ ሀሳዮዳይ ጋርክ Ꮊ እዛ ኦꬄዛይ ኦድንቶዳ» ዬጌዛ።

10 ታጶ ናምኢ ታማርታይፕ ፐታይ አስቆሮቶ ይሁዳ ግንትንትዛይ የሱሳና ቄሰ ሀላቅታይስ ኣꬂ እማዳይስ ኡንትኮ Ꮊንጌዛ። 11 ኡ የያ ስኢ ኡፋይቲ፥ «ኑ ኔስ ሚሸ እማዳ» ዬጌዝ ግሾስ፤ ይሁዳ የሱሳና ኣꬂ እንጎዳይስ ጊጋ ጋላስ ኮዬዛ።

12 ቦራ ባለ ቦንችንትዛይፕ ቲና ጋላስ፥ ፓዝቃ ካꬃ ማዳይስ ዱር ሹክዛ ጋላስ የሱሳ ታማርታይ ኤዝኮ፥ «ፓዝቃ ቦንችዛ ጋላስ ነ ማድ ካꬃ ኑ ኣይድ Ꮊንጊ ማኮ?» ግ ኦይጬዛ።

13 የሱሳ ፋ ታማርታይፕ ናምእታ Ꮊይ ጋርክ ዬጊ ኪቴዛ፦ «ካታማ Ꮊንጎይታ፤ ይ Ꮊማዳር፥ ኦታር ሃꬅ ቶኬዝ ፐቲ አꬃይ ይንታን ሄሎዳ፤ ኤዛ ካሎይታ። 14 ኤ Ꮊንጊ ገልዛ ኬꬃቲ ጎዳይኮ፥ ‹አስታማራይ ኔኮ፥ ታኒ ታ ታማርታይር ፓዝቃ ማዳይስ እማꬅ ኬꬂ አባ የኔ? ዬጌዛ› ዬጎይታ። 15 ካራ ጎዳይ ይንታን ፖቄል አፋ ሂጽንቲ ጊጊ የዝ ዳልገ ክፍለ ቤዞዳ፤ የ አቃይድ ማኮይታ» ዬጌዛ።

16 የ ታማርታይ ከዚ፥ ካታማ Ꮊንጌዛ፤ የሱሳ ኡንትስ ኦዴዛይ ጋርክ ደንጊ፥ ፓዝቃ ካꬃ ማኬዛ።

17 ሳአ ኦማꬆዳር የሱሳ ታጶ ናምኢ ታማርታይር የ አቃ Ꮊንጌዛ። 18 ኡ በቲ ካꬃ ማዳር፥ የሱሳ ኡንትኮ፥ «ታ ይንትስ ቱሮ ኦድዛ፤ ይንታፕ ፐታይ ታር ሚዛይ፥ ታና ኣꬂ እማዳ» ዬጌዛ። ማዝ. 41:9

19 ኤ ታማርታይ ዳጋሚ፥ ፋ ኦማስ ኦማስ፥ «ቱማ ታናሻ?» ዬጊ ኤዛ ኦይጬዛ።

20 የሱሳ ማሂ፥ «የ አꬃይ ይ ታጶ ናምእታይፕ ፐታ፤ ኤ ታር ዎላ ፍልኦ ጋንጨ ኩሸ ዳክዛያ። 21 አስ ናአይ፥ ጌሻ ማጻፋይድ Ꮊይቆዳ ጌዛይ ጋርክ Ꮊይቆዳ፥ ዝን አስ ናአ፥ ኣꬂ እንግዛ አꬃ ኤዛ አየ። የ አꬃይ የልንተካ አቴዛኮ ኤስ ሎኦዝን» ዬጌዛ።

22 ኡ ማዳር፥ የሱሳ ቦራ ኤኪ፥ ጾስ ጋላቴዛ፤ የ ቦራ ባጺ፥ ፋ ታማርታይስ እንግታር፥ «Ꮊሽተ፥ Ꮊይ ታ አሾ» ዬጌዛ።

23 ጹአ ደንꬂ፥ ጾስ ጋላቲ፥ ኡንትስ እንግን ኡቢታይካ የ ጹአይፕ ኡዤዛ። 24 የሱሳ፥ «Ꮊይ ጋመ አሳይስ ጎግዝ ኦሮꬅ ጫቆ ታ ሱꬂ። 25 ታ ይንትስ ቱሮ ኦድዛ፤ ታኒ ጾስ ካተትꬃ ኦሮꬅ ዎይነ ኡዦድ ጋላሳይ ሄሎድ ጋꬆ ማቂ Ꮊ ዎይናይፕ ኡዣሚ» ዬጌዛ።

26 ማዝሙረ የጼዛይፕ ጉየ ደብረ ዛይተ አምባል አፋ ከዜዝ።

27 የሱሳ ኡንትኮ፥ «ይ ኡቢታይ ታና ኦሊ አሺ ላሲ ꬋቦዳ፤

29 ጵጽሮሳ ማሂ፥ «ኡ ኡቢታይ ነና ኦሊ አሽኮካ፥ ታ ነና አሻሚ» ዬጌዛ።

30 የሱሳ ጵጽሮሳኮ፥ «ታ ኔስ ቱሮ ኦድዛ፤ Ꮊይኖ ቃማ ሹጉላ ናምኢ ቶክ ኡኮዳይፕ ቲና ነ ታና ሀይꬒ ቶኬ ካዶዳ» ዬጌዛ።

31 ዝን ጵጽሮሳ ቲናሳይፕ ሚንꬂ፥ «ታ ሀራ አቶዝን፥ ኔር ዎላ Ꮊይቅዛኮካ፥ ነና ካዳሚ» ዬጌዛ። Ꮊንክታይ ኡቢታይካ የይ ጋርክ ጌዛ።

32 የሱሳ ፋ ታማርታይር ጌተሰማነ ግንትዝ አቆ Ꮊንጊ፤ ፋ ታማርታይኮ፥ «ታ ጾሳ ዎሲ ማቆድ ጋꬆ ይ Ꮊይዳ በቶይታ» ዬጌዛ።

33 የሱሳ ጵጽሮሳ፥ ያይቆባራኔ ዋንሳ ፓር ኤኪ ቅቴዛ፤ ዋይንቴዛኔ ኡንእንቴዛ። 34 ማ ኡንትኮ፥ «ታ ሸምፓታ Ꮊይቆድ ጋꬆ አዛኔዛ፥ Ꮊይዳ ጋምኦይታኔ፤ ሚንጎይታ» ዬጌዛ።

35 ጽቃ ቲና ሺቂ፥ ሳአ ጹጉኒ፥ ዳንዳእንትዛ ባዝ ማቅኮ፥ Ꮊ ዋየ ሳታይ ፓፕ ኣꬎዳይ ጋርክ፥ ጾስ ዎሴዛ። 36 ማ፥ «አቦ፥‡አባ፦ ጉሳይ አርማይኬ ዶናር ታ አዳዮ ጉሲ አባቦ፥ ኡባ ባዝ ኔስ ዳንዳእንትዛ፥ Ꮊ ዋየ ጹአ ታፕ ሃሶባ። ዝን ነ ሸነ ሀኖፕ አትን ታ ሸነ ሀንፔ» ዬጌዛ።

37 የሱሳ ማቂ ይኢ፥ ኡ ገንቴዝን ደንጊ፥ ጵጽሮሳኮ፥ «ስሞና፥ ገንቴኔ? ሀራ አቶ ነ ፐቲ ሳተካ ባርኪ ናጎዳይስ ዳንዳኤካሳ? 38 ፓጨ ጋንጨ ይ ገላማይ ጋርክ ባርኪ ናጎይታኔ ጾሳ ሚንጊ ዎሶይታ። አያናይ፥ ጊግንቴዝን አሻይ ዳቡራ» ዬጌዛ።

39 ማካ Ꮊንጊ ቲናሳይ ጋርክ ጾሳ ዎሴዛ። 40 Ꮊተካ ኤ ጉየ ማቂ ኡንትኮ የኦዳር ገንቴዝን ደንጌዛ። ኡ አፋ ገንታ ጎዚ ጋዴዝ ግሾስ ኤዝኮ አብ ማሆዳዛኮካ ኤረካያ።

41 ሃይꬒንꬆ ኡንትኮ ይኢ፥ «Ꮊኖ ሄሎዳይስካ ገንታላኔ ሸምፖል የኔ? ይኬ፥ ግዶዳ፤ ሳታት ሄሌዛ፤ ቦኦይታ! አስ ናአይ፥ ናጋራንቾ አሳይስ ኣꬊ እንግንቶድ ዎዳይ ሄሌዛ። 42 ይኬ ደንዶይታ የꬎይታ፤ ቦኦይታ፥ ታና ኣꬂ እንግዛ አꬃይ ሄሌዛ» ዬጌዛ።

43 የሱሳ የያ ሀጋ ኦዶዳር፥ ኤ ታጶ ናምኢ ታማርታይፕ ፐታይ፥ ይሁዳ፥ ኤልሲ ሄሌዛ። ማ ቄሰ ሀላቅታይ፥ ህገ አስታማርታይኔ ጭምታይ ኪትን፥ ማሻኔ ጉፈ አይኬዝ ጋመ አሳይ ኤዛር ዎላ የኤዛ። 44 የሱሳና ኣꬂ እንጎዳይ የ ጋመ አሳይስ፥ «ታ ዬርዛይ ኤዛ፤ ኤዛ አይኪ፥ ሎእꬂ ናጊ፥ ኤኪ ካንጎይታ» ዬጊ ማላ ኦዲ ጋዴዛ።

45 ይሁዳ ሄሌዛን ጋርክ የሱሳኮ ሺቂ፥ «አስታማራዮ» ዬጊ የሱሳ ዬሬዛ። 46 የ ጋመ አሳይ የሱሳና አይኬዛ። 47 ኤ ታማርታይፕ ፐታይ ፋ ማሻ ሾዲ ቄሰ ሀላቃይ አይላ ሾጪ፥ ኤ ሀይቶ ቃꬊ ኦሌዛ።

48 የሱሳ ማሂ፥ አሳይኮ፥ «ይ ታና ፓኖ አይክዛይ ጋርክ አይኮዳይስ ማሻኔ ጉፈ አይኪ የኤኔ? 49 ታ ጾስ ካራ ጋንጨ ታማርስታር፥ ጋላስ ጋላስ ይንታር የዝን ታና አይከካዛር፥ ጌሻ ማጻፋይ ጌዛይ ፖልንቶዳይስ ቤዝዛ» ዬጌዛ። ሉቃ. 19:47፤ 21:37

50 ኤ ታማርታይ ኡቢታይ ኤዛ ኦሊ አሺ ላሲ ꬋቤዛ።

51 ላጻና ኣዳ ማኤዝ ፐቲ የላጋ አꬃይ የሱሳ ካሎ አይኬዛ። 52 ዝን የ አꬃይ ላጻና ኦሊ አሺ፥ ጺራ ካሎ ላሲ ꬋቤዛ።

53 አሳይ የሱሳ ቄሰ ሀላቃይ ካራ ካንጌዛ። ኤዛይድ ቄሰ ሀላቅታይ፥ ጭምታይኔ ህገ አስታማርታይ ሺቂ የዛ። 54 ጵጽሮሳ ቄሰ ሀላቃይ ዛባ ሄሎዳይስ ሃኮር ኤዛ ካሊ Ꮊንጊ ኤዛይድ ናግዝታይር በቲ ታማ ካዥዛ።

55 ቄሰ ሀላቅታይኔ ፕርደ ሻንግታይ ኡቢታይ የሱሳ ዎꬎዳይስ ኤዛል አፋ ማርካ ኮዬዛ፥ ዝን አብካ ደንገካያ። 56 ጋመ አሳይ ኤዛል አፋ ዎርዶ ማርካቴዛ፥ ዝን ኡ ማርክተꬃይ ፐቲ ቃላ ባያ።

57-58 ፐቲ ፐቲ አስታይ ደንዲ ኤቂ የሱሳል አፋ፥ «ኤ፥ ‹ታኒ አሲ ኬጼዝ Ꮊ ጾሳ ኬꬅ ላሊ፥ አሲ ኩሸ ኬጽንተካ ሀራ ጾስ ኬꬅ ሀይꬒ ጋላሳ ጋንጨ ኬጾድ› ጎዳር ኑ ስኤዛ» ዬጊ ዎርዶ ማርካቴዛ። ዋን. 2:19 59 ማቆዝን፥ ኡ ማርከትꬃይ ፐቶ ባያ።

60 ቄሰ ሀላቃይ አስ ኡቢታይ ቲናይድ ደንዲ ኤቂ፥ «Ꮊይታይ ነና ሞትዛ ሞታይስ ነ ማህዝባዝ ባሳ?» ዬጊ የሱሳና ኦይጬዛ። 61 ዝን የሱሳ ስኤ ጌዛ፤ አብካ ማሄካያ። ቄሰ ሀላቃይ፥ «አንጅንቴዝ ጾስ ናአይ፥ ክርስቶሳ ነናኔ?» ዬጊ ማሂ ኦይጬዛ።

62 የሱሳ ማሂ፥ «ኤ ታና፥ ይ አስ ናአይ፥ ዎልቃማ ጾሳፕ ኡሻች ባጋር በቴዝንኔ ሳሎ ሻራር የኦዳር በአዳ» ዬጌዛ። ዳነ. 7:13

63 ቄሰ ሀላቃይ ሸነር ፋ አፍላ ፔꬊ፥ «ኑና ሀራ አብ ማርካ ኮሼ? 64 ይ ኤ ጫሻ ስኤዛ፤ ይንትስ አብ ኣዜ?» ዬጌዛ። ኡንቲ ኡቢታይ፥ «ኤ Ꮊይቆዳይስ ቤዝዛ» ዬጊ ኤዛል አፋ ፕርዴዛ። ለዊ. 24:15

65 ኡንታፕ ፐታይ ፐታይ ኤዛል አፋ ጩቲ ኤ አፋ ጎሊ ዡልትታር፥ «ነና Ꮊꬌዛይ ኦኖ? አን ኑስ ኦዶባ!» ዬጌዛ። ናግዝታይ ኤዛ ጋራፍታር ኤኪ Ꮊንጌዛ።

66 ጵጽሮሳ ቄሰ ሀላቃይ ዛባይድ ዬክ ባጋር የዝን፥ ቄሰ ሀላቃይ ጋꬊንድታይፕ ፐታት እዘ የኤዛ። 67 ጵጽሮሳ ታማ ካዦዳር እዛ ዳኪ ብኢ፥ «ኔካ ናዝረተ የሱሳር የዛ ባይ» ዬጌዛ።

68 ዝን ጵጽሮሳ፥ «ነ ግዛይ አብዛኮ ታ ኤሮያ፥ ታስ አካክንቶያ» ዬጊ ካዴዛ። ዬጊ ማቂ ኤ ባለ ከዜዛን ጋርክ ሹጉላ ኡኬዛ §ፐቲ ፐቲ ማጻፈ ሹጉላ ኡኬዛ ግዛይ ባያ ።

69 የ ጋꬊንዳታ ጵጽሮሳ ብኢ፥ እ ላንቀ ኤቄዝ አስታይኮ፥ «Ꮊ አꬃይካ ኡንታር የዛ» ግ ማሂ ኦዴዛ። 70 ዝን ጵጽሮሳ ማካ ካዴዛ።

ጽቃ ጋምኦዳር፥ ላንቀ ኤቄዝ አስታይ ማካ ጵጽሮሳኮ፥ «ነ ጋልላ ቢታ አስ ማቄዝ ግሾስ ቱማ ኡንታር የዛ» ዬጌዛ።

71 ዝን ጵጽሮሳ፥ «ታ ይ ግዝ አꬃ ኤሮያ!» ዬጊ ፋና ባድꬅኔ ጫቆ አይኬዛ።

72 እዝር ሹጉላ ናምእንꬆ ኡኬዛ። ጵጽሮሳ የሱሳ ኤዝኮ፥ «ነ ሹጉላ ናምኢ ቶክ ኡኮዳይፕ ቲና ሀይꬒ ቶክ ታና ካዶዳ» ኤዝኮ ጌዛይ ኤልቂ ግን ዬኬዛ።