ኦሮꬅ ጫቆ ዋንሳ ቆንጭꬃ 1

ዋንሳ ቆንጭꬃይስ

ገሎ

ዋንሳ ቆንጭꬃይ፥ አማንዛ አሳይ የሱስ ክርስቶሳና ፓስ ጎድ ኡዲ አማኔዝ ግሾኔ፥ ጌሸትꬃር የዜዝ ግሾስ ኡንታን መቶኔ ዋየ ሄሌዝ ዎዳይድ ጻፍንቴዛ። ጻፋይ ሾጪ በኤዝ ኣፈ ቆፋይ፥ አማንዛ አሳይ ኡፋይሳይ ኩንꬅ ማቆዳይ ጋርክ ኡንታን ምንꬃꬂ፥ ኡንታን ሄሌዝ ባይእꬅ ባጋኔ መቶ ጋንጨ ፋ አማናይር ሚንጊ ኤቆድ ጋርክ ደንꬅꬆዳይሲ።

Ꮊ ማጻፋይስ ኡንደና ክፍልታይ ጋመኔ ካል ካሊ ቆንጬዝ ቆንጭꬅታ አይክዛ። Ꮊ ቆንጭꬅታይ የ ዎደ የዝ አሳይስ ገልዛ፥ ዝን Ꮊንክታይስ ጹራ ማቂ ጋምእዛኔ ኡንቲ ኣዝሶ ምስለር ኦድንቴዛ። ማዝሙረ አዝማቸ ማቂ ማቂ የጽንትዛይ ጋርክ፥ የ ማጻፋይድ የዝ ኣፈ ቆፍታይ ዱማ ዱማ ቆንጭꬅታይ ባጋር ዱማ ዱማ ኦገር ማቂ ማቂ ሺቄዛ። Ꮊ ማጻፋይ ብልእꬃይስ ዱማ ዱማ ቆፋይ የዝኮካ፥ ኤስ ኣፈ ቆፋይ ቆንጨ። የይካ፥ «ጾስ ጎዳ ክርስቶሳ ባጋር ላምሶዋ ኦገር ፋ ሞርክታ፥ ጻላሄራ ጉጂ፥ ፐቲ ቶኬኔ ዉርሲ ጋሞዳ። የ ጋምꬃይፕ ጉየ፥ ኤስ አማንንቲ የዜዝ ፋ ባግታ ኦሮꬅ ሳሎኔ ኦሮꬅ ሳአ አንጆ ላትሶዳ» ዬግዛያ።

ዋንሳ ቆንጭꬃይ አይኬዝ ቆፍታ

ገሎ 1:1-8

ላፑን ዎሳ ኬꬅታይስ እንግንቴ ኪታኔ ብልꬃ 1:9-20

ላፑን ዎሳ ኬꬅታይስ ጻፍንቴዝ ኪትታ 2:1—3:22

ዙፋነ፥ ጻꬅ ማጻፈራኔ ላፑን ማታምታ 4:1—8:1

ላፑን ናስታ 8:2—11:19

ዳዋኔ ናምኢ ዶእታ 12:1—13:18

ዱማ ዱማ ቆንጭꬅታ 14:1—15:8

ላፑን ጾስ ካቺ ጹእታ 16:1-21

ባብሎነ ꬋባ፥ ዶአኔ ዎርዶ ናበኔ ዳቡሎሳ ጋምንታ 17:1—20:10

ዉርስꬅ ፕርዳ 20:11-15

ኦሮꬅ ሳሎ፥ ኦሮꬅ ሳአኔ ኦሮꬅ የሩሳላመ 21:1—22:5

ኩስተ ቆፋ 22:6-21

1 ኤለራ ሀኖዳይስ የዛ ባዝ ፋ አይልታ ቤዞዳይ ጋርክ ጾሲ ኤስ እንጌዝ የሱስ ክርስቶሳ ቆንጭꬃይ Ꮊያ። የሱሳ ፋ ኪታንቻ ኪቲ፥ ፋ አይለ ዋንሳስ ቆንጭሴዛ። 2 ዋንሳ ጾሳ ቃላ፥ የሱስ ክርስቶሳ ኦꬄዝባዝኔ ፓ በኤዝ ባዝ ኡባ ማርካቴዛ። 3 Ꮊ ኡባይ ሀኖዳይስ ዎደ ሄሌዝ ግሾስ Ꮊ ትንቢተ ቃላ ናባብዛ ኦካ አንጅንቴዛያ። ማ Ꮊ ቃላ ስእዝታይኔ ጻፍንቴዝ ኪታ ናግዛ ኡባይ አንጀቴዝታ።

ላፑን ኢሳ ዎሳ ኬꬅታይስ ኪትንቴዝ ሳሮꬆ

4-5 Ꮊ ዳብዳባይ፥ ዋንሳፕ፥ ኢሳ ቢታ የዝ ላፑን ዎሳ ኬꬅታይስ ጻፍንቴዛ። ብንካ፥ Ꮊተካ የዝ፥ ቲናፐካ የኦዳይስ የዝ ጾሳይፕ፥ ማ ኤ ዙፋናይ ቲና የዝ ላፑን አያናታይፕ፥ Ꮊይ ጋርክ፥ Ꮊይቆፐ ደንዶር ቲና ማቄዛይፕ፥ ሳአ ካትታ ሞድዛ አማንንቴዝ ማርካ ማቄዝ የሱስ ክርስቶሳፕ፥ ኣꬎ ኬሃትꬅኔ ሳሮትꬅ ይንትስ ማቆ።

የሱሳ ኑና ዶስዛ፥ ማ ፋ ሱꬃር ናጋራ አይለትꬃፕ ኑና ዎዚ ከሴዛ። 6 ኑኒ የሱስ ክርስቶሳ አዳይስ ጾሳይስ ኦꬆዳይ ጋርክ ኑና ካተትꬅታኔ ቄስታ ማሄዝ ኤስ መꬊናፐ መꬍና ሄሎዳይስ ቦንቾኔ ዎልቃ ማቆ። አምንኤ።

7 ይኬ፥ የሱሳ ሻራራ የኦዳ። አስ ኡባይ ሀራ አቶዝን፥ ኤዛ ጫዴዝ አሳይካ ኤዛ በአዳ። ሳአል የዝ አስ ኡባይ ኤ ግሾስ ዬኮዳ። የይ ቱማ ሀኖዳ! አምንኤ።

8 ብንካ፥ Ꮊተካ የዛይ፥ ቲናፐካ የኦድ ጎዳይ፥ ኡባፕ ዎልቃማ ጾሳይ፥ «አልፋኔ ኦመጋ ታና»* ዬግዛ ጎዳይ ጾሳይ።

ክርስቶሳ ቆንጭꬃር በንትꬅ

9 ታኒ፥ ዋንሳ፥ ይ እሻይ፥ ይንታር ፐትፕ የሱሳር ኤ መቶ፥ ኤ ካተትꬃኔ ኤ ዳንዳአ በኤዛ። ታኒ ጾስ ቃላ ግሾኔ የሱሳባዝ ማርካቴዝ ግሾስ ፕጽሞ ግዝ ሃꬃር ማርንቴዝ ቢታል ታ የዛ። 10 ጎዳይ ጋላስ ታ አያናር የዛ፤ ታፕ ጉየር ቱቱሎ ፑጎ ጋርክ ግታ ጊርꬅ ታ ስኤዛ። 11 የ ጊርꬃይ ታና፥ «ነ ብእዛና ማጻፋይድ ጻፊ፥ ኢሳ የዝ ላፑን ዎሳ ኬꬅታይስ፥ ኤፈሶነስ፥ ሳምርኔሳስ፥ ጰርጋሞናስ፥ ትያትሮናስ፥ ሳርዴሳስ፥ ፍላደልፋስኔ ሎዶቃስ ዳኮባ» ዬጌዛ።

12 ታኒ ታስ ኦድዛ ጊርꬃ በአዳይስ ጉየ ማቂ ጾምፐ ጋድዝ ላፑን ዎርቃ ኮችታ በኤዛ። 13 የ ኮችታይ ጋንጨ አስ ናአ ኣዝዛና ታ በኤዛ። ኤ አዱስ አፍላ ፋ ቶኬ ሄልꬂ ማኤዛ፥ ዎርቃ ዳንጮር ፋ ትራ ዳንጬዛ። 14 ኤ ኦማይኔ ኤ ብናናይ ቦꬅ ዱር እክሰ ጋርከኔ ሻች ጋርከ፤ ኤ ኣፋይካ ታማ ላꬅ ኣዝዛ። 15 ኤ ቶካይ ታማር ቴሌዝ ዞቄዝ ናሰ ብራታ ኣዝዛ፤ ኤ ግርꬃይካ ግታ ጋመ ሃꬅታይ ኦሽች ጋርከ። 16 ኤ ፋ ኡሻች ኩሸር ላፑን ጾልንትታ አይኬዛ። ኤ ዶናይፕ ናምኢ ባጋር ሌፍንቴዝ ኦጮ ማሻ ከዜዝ። ኤ ስናይ ሴታ ጋላሳ አዋ ኣፈ ኣዝዛ።

17 ታኒ ኤዛ በኤዝ ዎደ Ꮊይቄዝ አስ ጋርክ ሀኒ ኤ ቶኬ አቻ ፖኬዛ። ኤ ፋ ኡሻቻ ኩሻ ታል አፋ ጋዲ፥ «ያሽትፐ፤ ቲናይ ዉርስꬃይ ታና። 18 ታኒ የዛያ፤ ታኒ Ꮊይቄዛ ዝን መꬊ መꬍናስካ ፓꬅ የዛ። Ꮊይቆኔ ስኦለ ቁልፐ ታ ኩሸ የዛ። 19 ይኬ፥ Ꮊት ሀንዛባዝኔ ቲናፕ ሀኖድ ባዝ ነ በኤዝ ባዝ ጻፎባ። 20 ኔኒ ታ ኡሻች ኩሻይድ በኤዝ ላፑን ጾልንትታኔ ላፑን ዎርቃ ኮችታይ ብልእꬃይ Ꮊይ፦ ላፑን ጾልንትታይ ላፑን ዎሳ ኬꬅታይ ኪታንችታ፤ ላፑን ዎርቃ ኮችታይ ላፑን ዎሳ ኬꬅታ።»

1:4-5 ከስ 3:14፤ ዋን. ቆን. 4:5

1:4-5 ኢሳ. 55:4፤ ማዝ. 89:27

1:6 ከስ 19:6፤ ዋን. ቆን. 5:10

1:7 ዳነ. 7:13፤ ማቶ. 24:30፤ ማር. 13:26፤ ሉቃ. 21:27፤ 1ተሰ. 4:17፤ ዛክ. 12:10፤ ዋን. 19:34

1:8 ዋን. ቆን. 22:13፤ ከስ 3:14

*1:8 አልፋኔ ኦመጋ፦ ግርኬ ዶናር አልፋኔ ኦመጋ ኮይሮኔ ዉርስꬃ ፕዳልታ፤ ብርሸꬃይካ ደንዶኔ ዉርስꬂ ጉሲ።

1:13 ዳነ. 7:13፤ ዳነ. 10:5

1:14 ዳነ. 7:9

1:15 ኢዝቀ. 1:24፤ 43:2

1:17 ኢሳ. 44:6፤ 48:12፤ ዋን. ቆን. 2:8፤ 22:13