2
ኤፈሶነ ዎሳ ኬꬅስ ኪትንቴዝ ኪታ
1 «ኤፈሶና ዎሳ ኬꬅ ኪታንቻይስ Ꮊይ ጋርክ ዬጊ ጻፎባ።
ፋ ኡሻች ኩሸር ላፑን ጾልንትታ አይኬዛይኔ ላፑን ዎርቃ ኮችታይ ጋንጨር የꬍዛይ Ꮊይ ጋርክ ዬግዛ፦ 2 ታኒ ነ ኦሳ፥ ነ ዳቡራኔ ነ ጋርዣ ኤርዛ። ኔኒ ኢታ አስታይባጋ ጋርዦዳይስ ዳንዳኤካዛ ታ ኤርዛ። ማ ሀዋረ ባዝር ፋና፥ ሀዋረ ግዝታ ፕላጊ ኤሪ ኡንቲ ዎርዳንቾ ማቄዛና ደንጌዛና ታ ኤርዛ። 3 ኔኒ ጋርዦር ሚንጌዛናኔ ታ ሱንꬃይ ግሾስ ዶልኤካዛር መቶ ኤኬዛና ታ ኤርዛ። 4 ሀኖ ዝን፥ Ꮊት ታ ነና ቦርዛባዝ የዛ፤ የይካ ኔኒ ነ ቲና ሲቃ አሼዛ። 5 ይኬ፥ ነ ኣብ ጋርክ ꬎቃ አቆፕ ፖኬዛኮ ቆፖባ! ማሮትꬅ ገሎባ፤ ኔኒ ካሰ ኦꬅዛ ኦሳ ኦꬆባ። የያ ኡባ ነ ኦꬃም እጽኮ ታ ኔኮ የኦዳ። ኔኒ ማሮትꬅ ገላም እጽኮ፥ ነ ጾምፓ ጋድዛ ኮቻ ያ አቃይፕ ኤኮዳ። 6 Ꮊት ታ ነና ናሽችዛ ፐትባዝ የዛ፤ ታ እጽዛ ንቆላዉታይ ኦሳ ኔካ እጼዛ።
7 አያናይ ዎሳ ኬꬅታይስ ግዝባዝ ስኦዳይስ ሀየ የዝ ኦንካ ስኦ። ጋሜዝ ኦንካ ጾስ ገነተ የዝ ደኦ ምꬅ ኣፈፕ ማዳይ ጋርክ ማዉተ እማዳ። መ. 2:9፤ ዋን. ቆን. 22:2፤ ኢዝቀ. 28:13፤ 31:8
ሳምርኔሳ ዎሳ ኬꬅስ ኪትንቴዝ ኪታ
8 «ሳምርኔሳ ዎሳ ኬꬅ ኪታንቻይስ Ꮊይ ጋርክ ዬጊ ጻፎባ። ኢሳ. 44:6፤ 48:12፤ ዋን. ቆን. 1:17፤ 22:13
ቲናይኔ ዉርስꬃይ፥ Ꮊይቄዛይነ Ꮊይቆፕ ደንዴዛይ Ꮊይ ጋርክ ዬግዛ፦
9 ታኒ ነ መታኔ ነ ማንቆትꬃ ኤርዛ፤ ማቆዝን ኔኒ ዱረ። ጻላሄ ማባራ የዝታይ፥ አይሁደ ባዛር ፋና አይሁደ ግዝታይ ነና ጫዥዛ ጫሻ ታ ኤርዛ። 10 ኔኒ ኤኮዳይስ የዝ መታ ያሽትፐ። ዳቡሎሳ ይንትፕ ፐትታ ፐትታ ፋጮዳይስ አች ኬꬅ ገልሶዳይ፤ ታጲ ጋላስ ሄሎዳይስ ይ መትንቶዳ። Ꮊይቆድ ሄሎዳይስ አማንንቴዛ ማቆባ፤ ታ ኔስ ደኦ ዛዉደ እንጎዳ።
11 አያናይ ዎሳ ኬꬅታይስ ግዝባዝ ስእዝ ሀየ የዝ ኦንካ ስኦ። ጋምዝ ኦንካ ናምእንꬆ Ꮊይቆር ቆህንተና። ዋን. ቆን. 20:14፤ 21:8
ጰርጋሞና ዎሳ ኬꬅስ ኪትንቴዝ ኪታ
12 «ጰርጋሞኔ ዎሳ ኬꬅ ኪታንቻይስ Ꮊይ ጋርክ ዬጊ ጻፎባ።
ናምኢ ባጋር ሌፕንቴዝ ማሻ የዛይ Ꮊይ ጋርክ ዬግዛ፦ 13 ታኒ ነ የዝ አቃ ኤርዛ፤ ኔኒ ጻላሄ ዙፋናይ የዝ አቆ የዛ፤ ታ ሱንꬃ ነ ሚንꬂ አይኬዛ። ሀራ አቶዝን፥ ጻላሄ የዝ ይ ካታማይ Ꮊይቄዝ ታስ አማንንቴዝ ማርካይ፥ አንትጳሳ፥ የዝ ዎደካ አማና አሸካያ።
14 ሀኖ ዝን፥ ታ ነና ቦርዛ ፐትባዚ የዛ። የይካ እስሬለ አሳይ ኤቃስ ያርሽንቴዝ ካꬃ ም ቱኖዳይ ጋርከኔ ኢታ ኦሶስ ዥምባሮ ናጋራ ኦꬆድ ጋርክ ባላቃና ታማርሴዝ ባላማ ትምርታ ኤኬዝ ፐቲ ፐቲ አስታይ ኔራ የዛ። ታይ. 22:5 15 የይ ጋርከካ፥ ንቆላውታይ ትምርታ ታማርዛ አስታይ ኔራ የዛ። 16 የይ ግሾስ፥ ኔኒ ነ ናጋራይፕ ማቆባ። የይ ሀናም እጽኮ፥ ታ ኔኮ ኤልሲ ይኢ የ አስታ ታ ዶናይፕ ከዝዝ ቃላ ማሻይር ኦሎዳ።
17 አያናይ ዎሳ ኬꬅታይስ ግዝባዝ ስእዝ ሀየር የዝ ኦንካ ስኦ። ጋምዝ ኦስካ ቆስንቲ የዝ ማና *ማና፦ እስሬለ አሳይ ሊዦ ቢታ የꬎዳር ሳሎፕ ጾሲ ኡንትስ እንጌዝ ዱማ ካꬃ ዎይ ኪታንቾ ቁማ። እማዳ። ኦሮꬅ ሱንꬃይ ጻፍንቴዝ ቦꬅ ሹቻ ታ ኤስ እማዳ። የያ ኤክዛይፕ አትን ሀራ ኦንካ ኤሮያ። ከስ 16:14
ትያጽሮና ዎሳ ኬꬅስ ኪትንቴዝ ኪታ
18 «ትያጽሮና ዎሳ ኬꬅ ኪታንቻይስ Ꮊይ ጋርክ ዬጊ ጻፎባ።
ታማ ላꬅ ኣዝዝ ኣፈ የዛይ፥ ማ ታማር ቴሌዝ ናሰ ብራታ ኣዝዝ ቶክ የዛይ፥ ጾስ ናአይ፥ Ꮊይ ጋርክ ዬግዛ፦ 19 ታኒ ነ ኦሳ፥ ነ ሲቃ፥ ነ አማና፥ ነ ጾስስ ኦꬅዛያኔ ነ ጋርዣ ኤርዛ። ኔኒ ቲና ኦꬅዛይፕ Ꮊት ኣꬎ ኦꬅዛናካ ታ ኤርዛ።
20 ሀኖ ዝን፥ ታ ነና ቦርዛ ፐትባዚ የዛ፤ ፋና ናበ ግዝ አስት፥ ኤልዛበሊ ባጋ፥ ሸናኮ ግ አሼዛ። የ አስታ ኤቃስ ያርሽንቴዝ ካꬃ ም ቱኖዳይ ጋርከኔ ላግቶድ ጋርክ ኡዲ ታ አይልታ ባልꬄዛ።1ካት. 16:31፤ 2ካት. 9:22 21 እዛ ፋ ናጋራይፕ ማቆዳይ ጋርክ ታ ኢስ ዎደ እንጌዛ፥ ዝን እዛ ማቆዳይስ ኮየካያ። 22 የይ ግሾስ ታ እዞ ኢታ ሀርገር አርሳል ኦሎዳ። ኢር ላግትዝታይካ ፋ ኢታ ኦሳይፕ ማቃም እጽኮ፤ ኢታ መቶል ኦሎዳ። 23 ታኒ እ ናእታካ ዎꬎዳ፤ ማ ዎሳ ኬꬅ ኡባይ ታ አስ ቆፋኔ አስ ዎዝና ኤርዛያ ማቄዛና ኤሮዳ። ታ ፐታይስ ፐታይስ ኤ ኦሳይ ጋርክ እማዳ። ማዝ. 7:9፤ ኤርም. 17:10፤ ማዝ. 62:12 24 ትያትሮና የዝ Ꮊንክታ፥ የ ኢታ ትምርታ ኤከካዝታይኔ፥ «ጻላሄ ግታ ጹራ» ግንትንትዝ Ꮊ ትምርታ ታማረካ ይንታን ሀራ ዴጾ ቶፎ ቶሳሚ። 25 ሀኖ ዝን፥ ታ የኦድ ሄሎዳይስ ይንትስ የዛ ባዝ ሚንꬂ ናጎይታ።
26 ጋምዛይኔ ዉርስꬅ ሄሎዳይስ ታስ ኪትንትዛ ኦስካ ዎያ ኡባይል ማዉተ እማዳ። ማዝ. 2:8-9
27 «‹ኤ ኡንታን ብራታ ጉፈራ ሃሮዳይ፤
ዢጨፕ ኦꬅንቴዝ ሚሸጋርከካ ትንቺ ልቅሶዳ።›
የ ማዉታ ታኒ ታ አዳይፕ ኤኬዝ ማዉታይ ጋርከ። 28 ማ ታ ኤስ ባካላ ጾልንቶ እማዳ። 29 አያናይ ዎሳ ኬꬅታይስ ግዝባዝ ስእዝ ሀየ የዝ ኦንካ ስኦ።