1 የይፕ ጉየ፥ ፐቲ ዶአይ *ግርኬ ማጻፈፕ ባግታይ ኤ ኤቄዛ ማ ባግታይ ታ ኤቄዛ ግዛ አባፕ ከሳዳር ታ በኤዛ። ኤስ ታጲ ካጭታይኔ ላፑን ኦምታይ የዛ። የ ታጲ ካጭታይል አፋ ታጲ ዛዉድታይ የዛ። የ ኦምታይል አፋ ጫሽ ሱንꬅታይ የዛ። ዳነ. 7:3፤ ዋን. ቆን. 17:3 2 ታ በኤዝ ዶአይ ማሄ ኣዝዛ፤ ኤ ቶካይ ባንባርቀ ቶኬ ጋርከ፤ ኤ ዶናይካ ጋሞ ዶና ኣዝዛ። ዳዋይ ፋ ዎልቃ፥ ፋ ዙፋናኔ ፋ ግታ ማዉታ የ ዶአይስ እንጌዛ። ዳነ. 7:4

3 የ ዶአይ ኦማይፕ ፐታይል አፋ Ꮊይቆስ ሄልꬅዝ ማዶꬅ ታ በኤዛ፥ ዝን የ ማዶꬃይ ፓጼዛ። አላማይ ኡባይ ማላባዝ ግ የ ዶአ ካሌዛ። 4 ዳዋይ ፋ ማዉታ ዶአይስ እንጌዝ ግሾስ አሲ ኡባይ ዳዋ ጎይኔዛ። ማ አሳይ፥ «ዶአና ኣዝዛይ ኦኖ? ኤዛር ኦልንቶዳይስ ዳንዳእዛይ ኦኖ?» ዬግታር ዶአይስ ጎይኔዛ።

5 የ ዶአይስ ኡትርቶዳይ ጋርከኔ ጫዦዳይ ጋርክ ዶና ኤስ እንግንቴዛ፤ ኦይታማነ ናምኢ አግና ሃሮዳይ ጋርክ ማዉተ ኤስ እንግንቴዛ። ዳነ. 7:8፥ 25፤ 11:36 6 የ ዶአይ ጾሳ፥ ጾስ ሱንꬃ፥ ኤ የዝ አቃኔ ሳሎ የዝ ባዝታ ጫዥꬅ አይኬዛ። 7 የ ዶአይ ጌሽታይራ ኦልንቲ፥ ኡንታን ጋሞዳይ ጋርክ ዎልቃ ኤስ እንግንቴዛ። ኮች ኡባይል፥ ጋደ ኡባይል፥ ዱማ ዱማ ዶና ኦድንትዛ ኡባይላኔ ዘረꬅ ኡባይል ማዉተ ኤስ እንግንቴዛ። ዳነ. 7:21 8 አላመ መꬊንቴዛይፕ አይኪ፥ ሹክንቴዝ ዱራይር ደኦ ማጻፋይድ ኡ ሱንꬅታይ ጻፍንተካ Ꮊ ሳአ የዝ አስ ኡባይ የ ዶአይስ ጎይኖዳ። ማዝ. 69:28

9 ስእዝ ሀየ የዝ አሲ ስኦ። 10 ኦንካ ድእንቶዳይስ የዛይ ድእንትዛ። ማሻር Ꮊይቆዳይስ የዛይ ማሻር Ꮊይቆዳ። ጌሽታይ ጋርዣይኔ አማናይ የ ዎደ ኤርንቶዳይ። ኤርም. 15:2፤ 43:11

11 ማካ፥ ሀራ ዶአ ሳአፕ ከሳዳር ታ በኤዛ። ኤስ ዱር ካጨ ኣዝዛ ናምኢ ካጭታይ የዛ፤ ኤ ናሻይካ ዳዌሳይ ጋርከ። 12 የ ዶአይ ቲና ዶአይ ማዉታይር ኡባ ባዝ ኤ ቲና ኦꬅዛ። ኤካ Ꮊይቆስ ሄልꬅዝ ማዶꬃፕ ፓጼዝ ቲና ዶአይስ፤ ቢታ የዝ አስ ኡባይ ጎይኖዳይ ጋርክ ኡድዛ። 13 የ ናምአንꬆ ዶአይ ሀራ አቶዝን፥ ታማ ሳሎፕ አስ ኡቢታይ ቲና ዎꬆድ ሄሎዳይስ ግታ ማላባዝታ ኦꬄዛ። 14 ቲና ዶአይ ቲናይድ ኦꬆዳይ ጋርክ፥ ኤስ እንግንቴዝ ማላ ባዛር ሳአ የዝ አስ ኡባ ኤ ባልꬄዛ። ማሻር ማዶꬂ ፓጼዝ ዶአይስ ቦንቾ ምስለ ጊግሶዳይ ጋርክ ቢታል ኤዝ አሳ ኪቴዛ። 15 ናምእንꬆ ዶአይ ቲና ዶአይ ምስላይስ ፔኖ እንግንቴዛ። ማዉተ እንግንቴዛይ ኦድንቶዳይ ጋርከኔ ኤስ ጎይኖዝታይ Ꮊይቆድ ጋርክ ኦꬅዛ ማዉተ ኤስ እንግቴዛ።

16 የ ናምእንꬆ ዶአይ ጽቅታይኔ ዳምታይ፥ ማንቅታይኔ ዱርታይ፥ ጎድታይኔ አይልታይ ፋ ኡሻች ኩሸል ዎይ ፋ ስኖል ማላ ጋዶዳይ ጋርክ ጪጲቼዛ። 17 የ ዶአ ሱንꬃ ቤዝዛ ማላ ዎይ ኤ ሱንꬃ ፓይዳይ ባ አስ ኦንካ ባይዞዳይስኔ ዎንጎዳይስ ዳንዳኦዋ።

18 ኤጨትꬂ ኮሽዛይ የይዳ። ካሃር የዝ ኦካ የ ዶአይ ፓይዳ ኤሮ፤ የ ታይባይ ማልዛይ አሰ። የ ታይባይ ኡሱፑን ጼትኔ ኡሱፑን ታማኔ ኡሱፑን።