1 Ꮊይፕ ጉየ ኦሮꬅ ሳሎኔ ኦሮꬅ ሳአ ታ በኤዛ። ቲና ሳላይኔ ቲና ሳአይ ꬋቤዛ፤ ኣባይካ Ꮊይፕ ጉየ የዛሚ። ኢሳ. 65:17፤ 66:22፤ 2ጵጽ. 3:13 2 ጌሻ ካታምታ፥ ኦሮꬅ የሩሳላመ፥ ኣዝን ገሎዳይስ ቡቁርንቲ ጊጊ የዝ ማች ጋርክ ሳሎ ጾስ ካለፕ ሱል ዎꬎዳር ታ በኤዛ። ኢሳ. 52:1፤ ዋን. ቆን. 3:12፤ ኢሳ. 61:10

3 የይ ጋርከካ ዙፋናይፕ Ꮊይ ጋርክ ዬጊ፥ ኦድዛ ግታ ቃላ ታ ስኤዛ፤ «ጾስ ኬꬃይ አሳይ ጋንጨ የዛ፤ ኤ ኡንታራሳ የሳዳ። ኡንቲ ኤ ዎያ ማቆዳ፤ ጾሲ ፋ ኦማስ ኡንታራ የሳዳ፤ ኤ ኡ ጾስ ማቆዳ። ኢዝቀ. 37:27፤ ለዊ. 26:11 4 ጾሲ ኡ ኣፋይፕ አፉꬅ ኡባ ኡጮዳ። ብኒ ዎጋይ ኣꬌዝ ግሾስ Ꮊይቆ፥ ካያ፥ ኡፎኔ ዋየ ባያ» ዬጌዛ። ኢሳ. 25:8፤ ኢሳ. 35:10፤ 65:19

5 ዙፋነል አፋ በቴዛይ፥ «ታኒ ኡባ ባዝ ኦሮꬅ ኡዶዳ» ዬጌዛ። ማካ ታኮ፥ «ታኒ ኦድዛይ አማንꬅዛኔ ቱማ ማቄዝ ግሾስ ጻፎባ» ዬጌዛ። 6 የይፕ ጉየ፥ «ፖልንቴዛ! ታኒ አልፋኔ ኦመጋ፤ ደንዶኔ ዉርስꬅ። ሳምንቴዝ ኦስካ ደኦ ሃꬅ ፑልታይፕ ጭግሰካዛር ጨረ እማዳ። ኢሳ. 55:1 7 ጋምዝ ኦንካ የያ ኡባ ላቶዳ፤ ታኒ ኤስ ጾስ ማቃዳ፤ ኤካ ታ ናአ ማቃዳ። 2ሳም. 7:14፤ ማዝ. 89:26 8 ዝን ያሽትዝታይ፥ አማኖዝታይ፥ ቱንታይ፥ ሸምፖ ዎꬌዝታይ፥ ላምዝታይ፥ ብትዝታይ፥ ኤቃ ጎይንዝታይኔ ዎርዶትዝታይ አንጃይ ዲኔ ኤጽዝ ታማ አባ ማቆዳ። የይካ ናምእንꬆ Ꮊይቆ» ዬጌዛ።

9 ላፑን ዉርስꬃ ቦሽታይ ኩሜዝ ላፑን ጹእታ አይኬዝ ላፑን ኪታንችታይፕ ፐታይ ታኮ ይኢ፥ «Ꮊንካ የኦባ፥ ታኒ ነና ዱራይስ ማቾ ማቄዝ ዉድርቶ ቤዞዳ» ዬጌዛ። 10 አያናር ታና አዱስኔ ꬎቀ አምባ ጼራል አፋ ከሲ፥ ጌሻ ካታማ፥ የሩሳላመ፥ ሳሎፕ ጾስ ካለፕ ሱለ ዎꬎዳር ቤዜዛ። ኢዝቀ. 40:1 11 የ ካታምታ ጾስ ቦንቾር ፖእዛ። የ ካታምቲ ፖኦ ያስጲደ ግዝ አልኦ ሹች ጋርክ፤ ጌሻ ብርለ ጋርክ ፎጭዛ። 12 የ ካታምቲ ግምበ ጋሳይ ዎልቃማኔ ኣዱሰ። ኢስ ታጶ ናምኢ ፐንገኔ የ ፐንግታ ናግዛ ታጶ ናምኢ ኪታንችታይ የዛ። ፐንግታይል አፋ ታጶ ናምኢ እስሬለ ዘረꬅታይ ሱንꬅታይ ጻፍንቴዛ። ኢዝቀ. 48:30-35 13 አዋ ከሲ ባጋር ሀይꬒ ፐንግታይ፥ ፑደ ባጋር ሀይꬒ ፐንግታይ፥ ሱለ ባጋር ሀይꬒ ፐንገኔ አዋ ገሎ ባጋር ሀይꬒ ፐንግታይ የዛ። 14 ካታምቲ ግምበ ጋሳይ ታጶ ናምኢ ባስታይል አፋ ኤቄዛ። ኡንታል አፋ ታጶ ናምኢ ዱረ ሀዋርታይ ሱንꬃይ ጻፍንቴዛ።

15 ታስ ኦድዛ ኪታንቻይስ፥ ካታምቶ፥ እ ፐንግታኔ ግምበ ጋሰ ዩሻ Ꮊꬍዛ ዎርቃ ጉፈ የዛ። ኢዝቀ. 40:3 16 ካታምታ ኦይዲ ማይዛንታይ የዛ፤ ካታማቲ አዱሰትꬃይኔ ጎምፓይ ፐቲ ቃራ። ኪታንቻይ ካታምቶ ፋ ጉፈራ Ꮊꬌዛ፥ ካታማይ ናምኢ ሙኩሎ ኦይዲ ጼት ክሎ ምትረ ማቄዛ፤ ካታምቲ ኣዱሰትꬃይ፥ ዳልጋትꬃይኔ ꬎቃትꬃይ የይ ጋርክ ፐቲ ማላ። 17 ኪታንቻይ ግንበ ጋሳይ ዩሻ አስ ኩሸር Ꮊꬍን ፐቲ ጼታኔ ኦይታማኔ ኦይዲ Ꮊꬋ ማቄዛ፥ የይካ ኪታንቻይ Ꮊꬋራ።

18 ካታማይ ግንበ ያስጲደ ግዝ ሹቻር ጋስንቴዛ። ካታማይ ቡርጩኮ ጋርክ ፖጭዝ ጌሻ ዎርቃር ኦስንቴዛ። 19 ካታምቲ ግምባይስ ባሳይ ኡባይ ቦንችንቴዝ ሹቻር የገልቴዛ። ቲና ሂጽንቴዝ ሹቻይ ያስጲደ፥ ናምእንꬃይ ሳንፔረ፥ ሃꬒንꬃይ ኬልቀዶኔ፥ ኦይድንꬃይ መርገደ፥ 20 እችንꬃይ ሳርዶንክሰ፥ ኡሱፑንꬃይ ሳርዶነ፥ ላፑንꬃይ ክርስትሎበ፥ ሆስፑንꬃይ ብርለ፥ ኡዱፉንꬃይ ዎራዉረ፥ ታጵንꬃይ ክርስጲራስሰ፥ ታጶ ፐትንꬃይ ያክንተ፥ ታጶ ናምአንꬃይ አመተስጽኖሰ።

21 ታጶ ናምኢ ፐንግታይስ ታጶ ናምኢ እንቅታይ የዛ። ፐቲ ፐቲ ፐንጋይ ፐቲ እንቆር ኦስንቴዛ። ካታምቲ ኦጋይ ሎኦ ቡርጩኮ ጋርክ ፖጭዝ ትላ ዎርቃፕ ኦስንቴዛ።

22 ጎዳይ፥ ኡባይፕ ዎልቃማ ጾሳይኔ ዱራይ ካታምትስ ኬꬄ ማቄዝ ግሾስ ታ የ ካታምተ ሀራ ኬꬅ በኤካያ። 23 ጾስ ቦንቾ የ ካታምትስ ፖእዛ ግሾኔ ዱራይ ኢስ ጾምፐ ማቄዝ ግሾስ ካታምትስ አዋ ዎይ አግና ፖኦ ኮሾያ። ኢሳ. 60:19 24 ዎይታይ የ ካታምቲ ፖኦር የꬎዳ፤ አላመ ካትታይካ ፋ ቦንቻ ገድ ኤዛይድ ኮኦዳ። ኢሳ. 60:3 25 ቃማ ኤዛይድ ባ ግሾስ ካታማ ፐንግታይ ኡባ ዎደ ዶያ ማቃዳ፤ ጎርድንታሚ። ኢሳ. 60:11 26 ካትታይ ግታትꬃይኔ ቦንቻይ የ ካታምተ ገሎዳ። 27 ዱራይስ ማቄዛይኔ ደኦ ማጻፋይድ ሱንꬃይ ጻፍንቴዝታይ ኣዳፕ አትን ቱናባዝ ዎይ ፒልንትዛባዝ ኦꬄዝ ዎይ ዎርዶ ኦድዝ ኦንካ የ ካታምቶ የሻ ገላሚ። ኢሳ. 52:1፤ ኢዝቀ. 44:9