22
ደኦ ሃꬅኔ ምꬅ
1 የይፕ ጉየ፥ ኪታንቻይ ታና ጾስ ዙፋናይፐኔ ዱራይ ዙፋናይፕ ጎግዝ ቡርጩኮ ጋርክ ፖጭዝ ግታ ደኦ ሃꬅ ታና ቤዜዛ። ኢዝቀ. 47:1፤ ዛክ. 14:8 2 የ ሃꬃታ የ ካታምቲ ዋና ጎሳ ቆኢ ኣꬍዛ። የ ሃꬃትስ ኡሻች ባጋራኔ ሀድርስ ባጋር ላይꬃ ታጶ ናምኢ ቶኬ አግናር አግናር ኣፍዝ ደኦ ምꬂ የዛ። የ ምꬃቲ ሀይታይ ዎያ ፓꬅዛ።መ. 2:9*ፐቲ ፐቲ ግርኬ ማጻፍታይድ የ ደኦ ምꬃይ ካታማ ዋና ጎሳይስኔ ጎግዝ ሃꬅይስ ጋንጨ የዛ ዬግዛ።
3 Ꮊንፕ ጉየ አባ ባድꬂ የዛሚ። ጾስ ዙፋናይኔ ዱራይ ዙፋናይ የ ካታማይድ የዞዳ። ኤ አይልታይ ኤዛ ጎይኖዳ። ዛክ. 14:10 4 ኡንቲ ኤ ኣፋ በአዳ፤ ኤ ሱንꬃይ ኡ ስኖል ጻፍንቶዳ። 5 ይከፕ ጉየ ቃማ ባያ፤ ጎዳይ ጾሳይ ኡንትስ ፖእዛ ማቄዝ ግሾስ ኡንትስ ጾምፐ ዎይ አዋ ፖኦ ኮሾያ። ኡንቲ መꬊ መꬍናስ ካዉቶዳ። ኢሳ. 60:19፤ ዳነ. 7:18
የሱሳ ማቂ ይእꬅ
6 የይፕ ጉየ ኪታንቻይ ታኮ፥ «Ꮊ ታ ኦድዛ ቃላይ አማንቴዝታኔ ቱምታ። ጎዳ ጾሳይ፥ ናብታይስ ፋ አያናር እንግዛይ፥ ኡከር አተካ ሀኖድ ባዝ ፋ አይልታ ቤሳዳይስ ፋ ኪታንቻ ኪቴዛ» ዬጌዛ።
7 የሱሳካ፥ «ዬዛኮ ታ ኤለር የኦዳ፤ Ꮊ ማጻፋይድ የዝ ትንቢተ ቃላ ናግዛ ኦንካ አንጅንቴዛያ» ዬጌዛ።
8 ታ፥ ዋንሳ፥ የ ኡባባዛ ስኤዛኔ በኤዛ። ታኒ የያ ስኤዝ ዎደኔ በኤዝ ዎደ የያ ታና ቤዜዝ ኪታንቻ ጎይኖዳይስ ኤ ቶከል አፋ ጉጲንጌዛ። 9 ዝን ኪታንቻይ ታኮ፥ «አሾባ! የያ ኦꬅፐ! ታኒ ነጋርከ፥ ነ እሽታይ ናብታይጋርከኔ Ꮊ ማጻፋይድ የዝ ኡባ ኪትንትዛ አይልታይ ጋርከ፤ ጾስስ ጎይኖባ» ዬጌዛ።
10 Ꮊይፕ ጉየ ኪታንቻይ ማሂ፥ «Ꮊ ኡባይ ፖልንትዛ ዎዳይ ኡኬዝ ግሾስ Ꮊ ማጻፋይድ ጻፍንቴዝ ትንቢተ ቃላ ማታመር ጎርድፐ። 11 ኢታ ኦꬅዛይ ጉጂ ኢታ ኦꬆ፤ ቱናይካ ጉጂ ቱኖ። ጽላይክ ጉጂ ጽሎ፤ ጌዥዛይ ጉጂ ጌዦ» ዬጌዛ። ዳነ. 12:10
12 የሱሳ፥ «ዬዛኮ፥ ታኒ ኤልሲ የኦዳ። ፐታይስ ፐታይስ ኤ ኦሳይ ጋርክ እማድ ዎይታይ ታር የዛ። ኢሳ. 40:10፤ 62:11፤ ማዝ. 28:4፤ ኤርም. 17:10 13 ታኒ አልፋኔ ኦመጋ፤ ቲናኔ ጉያ፤ ደንዶኔ ዉርስꬃ።ዋን. ቆን. 1:8፥ 17፤ 2:8፤ ኢሳ. 44:6፤ 48:12
14 «ፋ ማአ ሜጪ ጌሼዝታይ አንጅንቴዝታ። ደኦ ምꬅ ኣፋ ማዳይስኔ ካታምት ፐንግታይር ገሎዳይስ ኡንትስ ማዉተ እንግቴዛ። መ. 2:9፤ 3:22 15 ዝን ካንታይ፥ ብትዝታይ፥ ላግትዝታይ፥ ሸምፖ ዎꬍዝታይ፥ ኤቃ ጎይንዝታይ፥ ዎርዶ ዶስዝታይኔ ኦꬅዝታይ ባለር የዛ።
16 «ታ፥ የሱሳ፥ Ꮊ ማርካትꬃ ይንትስ፥ ዎሳ ኬꬅታይስ ኦዶዳይ ጋርክ ታ ኪታንቻ ኪቴዛ። ታኒ ዳዉተ ሼሽኔ ዘረꬅ። ታኒ ፖእዛ ጉራ ባካላ ጾልንቶ» ዬጌዛ። ኢሳ. 11:1
17 አያናይኔ ገሎዳይስ ጊጌዝ ማቻት፥ «Ꮊና የኦባ» ዬግዛ። ማ Ꮊያ ስእዝ ኦንካ፥ «Ꮊና የኦባ» ዬጎ። ሳምንቴዝ ኦንካ Ꮊና የኦ፤ ደኦ ሃꬅ ኮይዝ ኦንካ ጭጋ ባይꬅ ጨር ኤኪ ኡዦ። ኢሳ. 55:1
18 ታኒ Ꮊ ማጻፋይድ ጻፍንቴዝ ትንቢተ ቃላ ስእዝ ኦናካ ናግንቶዳይ ጋርክ ማርካትዛ። ኦንካ Ꮊ ቃላይል አፋ ፐትባዝ ጉጅኮ፥ ጾꬂ Ꮊ ማጻፋይድ ጻፍንቴዝ ቦሻ ኤዛል አፋ ጉጆዳ። ናምእ. 4:2፤ 12:32 19 ኦንካ ማጻፋይድ የዝ ትንቢተ ቃላይፕ ፐትባዝ ፓጭንችኮ፥ ጾꬂ Ꮊ ማጻፋይድ ጻፍንቴዝ ደኦ ምꬅ ኣፈፐኔ ጌሽ ካታምትፕ ኤ አንጃ ፓጭንꬆዳ።
20 Ꮊ ኡባ ማርካትዛይ፥ «ቱማ፥ ታኒ ኤልሲ የኦዳ» ዬግዛ።
አምንኤ፤ ጎዳ የሱሳ፥ የኦባ።
21 ጎዳ የሱሳ ኣꬎ ኬሃትꬃይ ኑ ኡባይር ማቆ። አምንኤ።
22:1 ኢዝቀ. 47:1፤ ዛክ. 14:8
22:2 መ. 2:9
*22:2 ፐቲ ፐቲ ግርኬ ማጻፍታይድ የ ደኦ ምꬃይ ካታማ ዋና ጎሳይስኔ ጎግዝ ሃꬅይስ ጋንጨ የዛ ዬግዛ።
22:3 ዛክ. 14:10
22:5 ኢሳ. 60:19፤ ዳነ. 7:18
22:11 ዳነ. 12:10
22:12 ኢሳ. 40:10፤ 62:11፤ ማዝ. 28:4፤ ኤርም. 17:10
22:13 ዋን. ቆን. 1:8፥ 17፤ 2:8፤ ኢሳ. 44:6፤ 48:12
22:14 መ. 2:9፤ 3:22
22:16 ኢሳ. 11:1
22:17 ኢሳ. 55:1
22:18 ናምእ. 4:2፤ 12:32