1 የዝን፥ ኑኒ ዋጎዴ? ጾስ ኣꬎ ኬሄትꬃይ ጋጎዳይ ጋርክ ናጋራራ ሚንጊ ዎላ የዞደነ? 2 ዋኣ፥ ኑኒ ናጋራስ Ꮊይቄዝባዝ ማቅኮ፥ የዝን፥ ኑኒ Ꮊይፕ ዋይዚ ናጋራራ የዞዴ? 3 ኑ ኡቢታይ የሱስ ክርስቶሳር ፐቶ ማቃዳይስ ጻማቅንቲ ኤ Ꮊይቃይድ ኤዛር ፐቶ ማቃዳይስ ጻማቅንቴዛና ኤሮሳ? 4 ኑ ጻማቅንቴዝ ዎደ ክርስቶሳር Ꮊይቂ ሞግንቴዛ። ክርስቶሳ ጾስ አዳይ ቦንቾ ዎልቃር Ꮊይቆፕ ደንዴዛይ ጋርክ ኑካ ኦሮꬅ የስ የዞዳ። ቆላ. 2:12

5 ኑ ኤ Ꮊይቃይድ ኤዛር ፐቶ ማቅኮ፥ የይ ጋርከካ፥ ኤ ደንዳይድ ኤዛር ዎላ ፐቶ ማቃዳ። 6 ኑ Ꮊይፕ ጉየ ናጋራስ አይለ ማቃም ጋርከኔ ኑ ናጋራንቾ አሾ ዎልቃይ ꬋቦድ ጋርክ ኑ ጭማ አሰትꬃይ ክርስቶሳር ሶትንቴዛና ኤርዛ። 7 ፐቲ አስ Ꮊይቅዝ ባዝ ማቅኮ፥ ኤ ናጋራ ዎልቃፕ ዎዝንቲ ከዝዛ። 8 ኑኒ ክርስቶሳር Ꮊይቅኮ፥ ኤዛር ደኦ የዞዳና አማንዛ። 9 ክርስቶሳ Ꮊይቆፕ ደንዴዝ ግሾስ ማቂ ኤ Ꮊይቃምዛኔ Ꮊይቆ ቲናፕ ኤዛ ሞዳምዛና ኑ ኤርዛ። 10 ኤ Ꮊይቄዝ ዎደ ፐቲ ቶኬ ዉርሲ Ꮊይቄዛ፥ ዝን Ꮊት ደኦ ጾስስ የዝዛ። 11 የይ ጋርከካ፥ ይ ናጋራስ Ꮊይቂ፥ ጎዳ የሱስ ክርስቶሳ ባጋር ጾስስ ደኦ የዛና ቆፖይታ።

12 የይ ግሾስ፥ ይንቲ፥ ይ አሾ እናስ ኪትንታም ጋርክ Ꮊይቅዝ ይ አሻይል ናጋራ ካዉትፐ። 13 ማ ይ አባ አሰትꬅ ክፍለ ናጋራ ኦꬆዳይስ ዎርዠ ሚሸ ኡዲ እንግፓተ። ዝን ይ Ꮊይቆፕ ደንዲ፥ ደኦ የዛ አስ ጋርክ ይ አሾ ጾስስ እንጎይታ። ማ ይ ኩንꬅ አሾ ጽሎ ኦሶ ሚሸ ኡዲ ጾስስ ኣꬂ እንጎይታ። 14 ይ ጾስ ኣꬎ ኬሄትꬃይ ኦሞር የዛፕ አትን ህገፕ ኦሞር ባ ግሾስ ናጋራ ይንታን ሞዶዳይስ ቤዞያ።

15 የዝን፥ ኑ ዋጎዴ? ህገፕ ኦሞር ባዝን ጾስ ኣꬎ ኬሄትꬃይ ኦሞር የዛ ግሾስ ናጋራ ዎላ ኦꬆኔ? ዋኣ! 16 ይ ኪትንቶዳይስ ይንታን አይለ ኡዲ እንግዝ ዎደ የ ይ ኪትንትዛይስ አይለ ማቅዛና ይ ኤርዛ። የይ ጋርከካ፥ ይ ናጋራስ ኪትንትኮ፥ ይንትስ Ꮊይቆ ክእዝ ናጋራስ አይለ ማቅዛ። ዎይ ይ ጾስስ ኪትንትኮ ጽሎትꬅ ክእዝ ጾሳይስ አይለ ማቅዛ። 17 ካሰ ይ ናጋራስ አይለ፥ ዝን Ꮊት ይ ይንታን ኣꬂ እንጌዝ ቱማ ትምርታይስ ኩንꬅ ዎዝናፕ ኪትንቴዝ ግሾስ ጾስስ ጋላታ ማቆ። 18 ይ ናጋራ አይለትꬅ አቻፕ ብልንቲ ጽሎትꬅስ አይለ ማቅዛ።

19 ይንቲ ይ ቆፋር ዳቡራ ማቄዝ ግሾስ ታኒ ኦስካ ገልዛ ኦገር ኦድዛ። ካሰ ይንቲ፥ ይ አሰትꬅ ክፍለ ኡባ ቱናኔ ኢታ ባዝ ኦꬆዳይስ አይለ ኡዲ እንጌዛይ ጋርክ Ꮊት ይ አሰትꬅ ክፍለ ኡባ ጌሽ ማቃድ ጋርክ ጽሎትꬅ አይለ ኡዲ እንጎይታ።

20 ይ ናጋራስ አይለቲ የዛ ዎደ ጽሎትꬅስ ሃኮር የዛ። 21 ይንታን Ꮊት ዬላꬅዛ ቢን ይ ኢታ ኦሳይፕ አባ ኣፈ ደንጌኔ? የይስ ዉርስꬃይ Ꮊይቆ። 22 ዝን ይ ናጋራ አይለትꬅ አቻፕ ብልንት፥ ጾስስ አይለ ማቅዛ። የይ ይንታን ጽሎ ኣፈ አፍስዛ ኤ ዉርስꬃይ መꬍና ደኦ። 23 ናጋራስ ዳሞዛይ Ꮊይቆ። ዝን ጾሳይ፥ ኑ ጎዳ ክርስቶስ የሱሳ ባጋር እንግንትዛይ መꬍና ደኦ።