1 ታ እሹንꬆ፥ ታኒ ኦድዛይ ህገ ኤርዛ አሳይሲ። ህገ ፐቲ አሲ ፓꬅ የዛ ዎደ ኡባይድ ኤዛ ሞድዛ። 2 ኣዝሶስ፥ አዝን ገሌዝ አስታ እ አዝናይ ፓꬅ የዛ ዎደ ህገር ኤዛር አጭንቴዛ። ዝን እ አዝናይ Ꮊይቅኮ ኤዛር እዛ ጫቄዝ ጫቃይ እዞ ሞዶያ። 3 የይ ግሾስ፥ እዛ ፋ አዝናይ ፓꬅ የዝን፥ ሀራ ꬊራꬅ ገልኮ፥ እዛ ላሜዛኖ ግንትትዛ። ዝን እ አዝናይ Ꮊይቅኮ፥ ጫቃይ እዞ ሞዶዋ ግሾስ እዛ ሀራ አዝን ገልኮ፥ እዛ ላሜዛኖ ጊንትንቶያ።

4 የይ ግሾስ፥ ታ እሹንꬆ፥ ይ ክርስቶሳ አሾ ባጋር ህገ ዎልቃስ Ꮊይቂ፥ ጾስስ ኣፈ ኣፎዳይስ Ꮊይቆፕ ደንዴዝ ክርስቶሳስ ማቅዛ። 5 ኑ አሾ አሞ ኑና ሞድን፥ ኑ የዝን ህገ ጉጂ ናጋራ ኦꬆድ ጋርክ ኑና ደንꬅꬅዛ። ኑ አሾ ጋንጨ ኢታ አሞትꬂ የዛ ግሾስ ኑኒ Ꮊይቆ ኣፈ ኣፎድ ጋርክ ኦꬄዛ። 6 ዝን Ꮊት ኑኒ ኑና አጬዝ ህጋይስ Ꮊይቄዝ ግሾስ ኑኒ ህገ አቻፕ ብልንቴዛ። የይ ግሾስ፥ ኦሮꬅዛ አያና ኦገል ጾስስ ኪትንትዛፕ አትን ጻፍንቴዝ ጭማ ህገስ ኪትንታሚ።

7 ዬዝን፥ ኑ ዋጎዴ? ህገ ናጋራኔ? የያ ባያ! ዝን ህገ ናጋራ አብዛኮ ታና ኤርሴዛ። ህገ፥ «አሞትፐ» ጎዛኮ፥ አሞትꬂ አብዛኮ ታ ኤራምዝኒ። ከስ 20:17፤ ናምእ. 5:21 8 ዝን ታ ኡባ ባዝ አሞቶድ ጋርክ ናጋራ ህገ ባጋር ታል ኦገ ደንጌዛ። ህገ ባዛኮ ናጋራ Ꮊይቄዛ።

9 ካሰ ህገ ባ ዎደ ታ ፓꬅ፥ ዝን ህገ እንግንቴዝ ዎደ ናጋራ ፓጽን ታ ማ Ꮊይቄዛ። 10 ታኒ ደኦር የዞድ ጋርክ ጾሳይ እንጌዝ ህጋይ ታስ Ꮊይቆ ከኤዛ። 11 ናጋራ ህገ ባጋር ታና ዶሽዛ ኦገ ደንጊ፥ ዎꬌዛ።መ. 3:13

12 የይ ግሾስ፥ ህገ ጌሺ፤ ኤዛር ጻፍንቴዝ ኪታይካ ጌሺ፥ ጽሎኔ ሎኦ።

13 የዝን፥ ሎኦ ማቄዝ ባዝ ታል አፋ Ꮊይቆ ከኤነኔ? አኣ! ዝን ናጋራ ናጋራ ማቅዛይ በንቶድ ጋርክ ሎኦ ባዛር ማድንቲ ታስ Ꮊይቆ ከኤዛ። የይ ግሾስ፥ ናጋራ ናጋራትꬃይ ህገ ባጋር ኣꬊ ኤርንቴዛ።

14 ኑኒ ህገ አያና ባዝ ማቅዛና ኤርዛ። ዝን ታኒ ናጋራስ ባይዝንቴዝ አሾ ኣሲ። 15 ታኒ ኦꬅዛባዝ አካኮያ፤ ታኒ ዶስዛባዝ ኦꬆዳና አሺ ታ እጽዛባዝ ኦꬅዛ።ጋላ. 5:17 16 ታ እጽዛባዝ ኦꬅዛባዝ ማቅኮ፥ ህገ ሎኦ ማቅዛና ታ ማእዛ። 17 የያ ማቅኮ፥ የ ኦሳ ታር የዛ ናጋራይ ኦꬅዛፕ አትን ታ ኦꬆያ።

18 ታር፥ የይካ ታ አሾር ሎኦ ባዝ ባዛና ታ ኤርዛ። ሎኦ ባዝ ኦꬅዛ አሞትꬂ ታር የዛ፥ ዝን ሎኦ ባዝ ኦꬆዳይስ ዳንዳኦያ። 19 ታኒ እጽዛ ኢታ ባዝ ኦꬅዛፕ አትን ታ ቃꬍዛ ሎኦ ኦꬆ ባያ። 20 ታኒ እጽዛባዝ ኦꬅዛባዝ ማቅኮ፥ የያ ታር የዛ ናጋራይ ኦꬅዛፕ አትን ኦꬅዛይ ታና ባያ።

21 ይኬ፥ ታ ሎኦ ባዝ ኦꬆዳይስ ዶሶዳር፥ ኢታ ባዝ ኦሶ ህገ ማቅዛና ደንጌዛ። 22 ታኒ ታ ዎዝናር ጾስ ህጋይድ ኡፋይትዛ። 23 ዝን ታ አሾ ጋንጨ የዛ ታ ካሃ ህገር ኦልንትዛ ዱማ ህገ ብእዛ። የ ህጋይ ታ አሾ ጋንጨ ኦꬅዛ ናጋራ ህገስ ታና ድኢ አይለ ኡዴዛ። 24 ታኒ ዋይዚ ሶንቄዝ አሶ? Ꮊይቆስ ካንግዝ Ꮊ አሳትꬃይፕ ታና አሾዳይ ኦኖ? 25 ኑ ጎዳ የሱስ ክርስቶሳ ባጋር ጾስስ ጋላታ ማቆ።

ይኬ፥ ታኒ ታ ቆፋር ጾስ ህገስ ሞድንቴዛ፤ ዝን ታ አሻይር ናጋራ ህገስ ሞድንቴዛ።