1 ይኬ፥ ታ እሹንꬆ፥ ይንቲ፥ ይ አሰትꬃ ጾስ ኡፋይስዛ፥ ፓꬅኔ ጌሻ ያርሾ ኡዲ፥ እማድ ጋርክ ታ ይንታን ጾስ ከሃትꬃይር ዎስዛ። ጾሳ ይ ጎይኖዳይስ ቤዝዛ ቱማ ኦጋይ የያ። 2 ሎኦ፥ ኡፋይስዛኔ ፎሎ ማቄዝ ጾሳ ኪታ ይ ሻኪ ኤሮዳይስ ይ ቆፋር ላምንቶይታፕ አትን Ꮊ አላማ ኣዝፓተ።

3 ጾሲ ይንትስ ፐታይስ ፐታይስ እንጌዝ አማናይ ጋርክ ካሃር የዝ አስ ጋርክ ቆፖይታ። ቆፖዳይስ በዝዛይፕ ኣꬂ ይንታን ዱማሲ፥ ኡትራር ቆፕፓተ ግ ታስ እንግንቴዝ ኣꬎ ኬሃትꬃይር ይንትስ ኦድዛ። 4 ኑ ፐቲ አሰትꬃይል አፋ ዱማ ዱማ ክፍልታይ የዛ፤ የ ዱማ ዱማ ክፍልታይስ ዱማ ዱማ ኦሶ የዛ። 1ቆሮ. 12:12 5 የይ ጋርክ፥ ኑኒ ጋመ አስ ማቅኮካ ክርስቶሳር ፐቲ አሾ ማቄዛ። ኑኒ ፐቲ አሾ ማቂ ዱማ ዱማ ክፍልታይ ፐታይ ፐታይራ አይክንቴዛ። 6 ኑስ እንግንቴዝ ኣꬎ ኬሃትꬃር ዱማ ዱማ እሞትታይ የዛ። ኑ እሞትꬃይ ትንቢተ ኦዶ ማቅኮ፥ ኑስ የዝ አማናይ ጋርክ ኦዶዳይስ ቤዝዛ። 1ቆሮ. 12:4-11 7 ኑ እሞትꬃይ ሀራ አስ ማዴ ማቅኮ፥ የ ኦሳይር ምንጎዳይስ ቤዝዛ፤ ታማርሶ ማቅኮ፥ የ ታማርሳይር ምንጎዳይስ ቤዝዛ። 8 ኑ እማይ ሀራ አስ ዞርꬅ ማቅኮ፥ ሚንጊ ዞሮዳይስ ቤዝዛ። ኑ እሞትꬃይ ኑስ የዛ ባዛፕ ሀራ አስስ እሞ ማቅኮ፥ ዎዝናፕ እንጎዳይስ ቤዝዛ። ኑ እሞትꬃይ አቅሶ ማቅኮ፥ ሚንጊ አቅሶዳይስ ቤዝዛ። ኑ እሞትꬃይ ሀራ አስስ ኬህꬅ ማቅኮ፥ ኡፋይሳር ኬሆዳይስ ቤዝዛ። ኑ እሞትꬃይ ማሮ ማቅኮ ኡፋይሳር ማሮዳይስ ቤዝዛ።

9 ይ ሲቃይ ቆፕ ቆሞ ማቆዳይስ ቤዞያ። ኢታ ባዝ እጾይታ፤ ሎኦ ባዝ ሚንꬂ አይኮይታ። 10 ፐታይ ፐታይራ ዎል እሸ ጋርክ ዶስንቶይታ፤ ፐታይ ፐታ ቦንቾይታ። 11 ኦሶር አዛልፓተ ሚንጎይታ፤ ይ አያናር ጹግንቲ ጎዳይስ ሞድንቶይታ። 12 ጾሲ እንጌዝ ኡፋይሳይር ኡፋይቶይታ፤ መቶ ዳንዳኦይታ፤ ኡባ ዎደ ጾሳ ዎሶይታ። 13 አማንዛ ጌሽታ ኮሽዛ ባዛር ማዶይታ፤ እማꬅታ ሞኮዳይስ ሚንጎይታ።

14 ይንታን ባይእዝታ አንጆይታ፤ አንጆይታፕ አትን ባድፓተ። ማቶ. 5:44፤ ሉቃ. 6:28 15 ኡፋይትዝታይር ኡፋይቶይታ፤ ዬክዝታይር ዬኮይታ። 16 ፐታይ ፐታይር ፐቲ ቆፋር የዞይታ። ኡትራ ቆፋ አሺ፥ ሃዮትꬃር የዞዳይስ ሚንጎይታ። ይ ይንታን ኤጫ ግ ቆፕፓተ። ኣዝ. 3:7

17 ኦንካ ይንትስ ኢታ ባዝ ኦꬅኮ፥ የ አꬃይስ ኢታ ባዝ ማህፓተ ኡባ አስ ቲና ሳቢስዛ ሎኦ ኦሶ ኦꬆይታ። 18 ይንትስ ዳንዳእንትኮ ኡባ አሳር ሳሮ የዞይታ። 19 ታ እሹንꬆ፥ ይንቲ፥ ይ ኡባስ አስስ ኩሸ ከስፓተ። ጾሲ ኩሸ ከሶዳይ ጋርከ ኤዝስ አሺ አሾይታ። ጌሻ ማጻፋይድ፥

20 ዝን ጌሻ ማጻፋይድ፥

21 ኢታ ሎኦር ጋሞይታፕ አትን ኢታር ጋምፓተ።