1 አባ ማውተካ ጾስ ሸነር እንግንትዛ ግሾስነ Ꮊት ማዉተር የዝታይካ ጾስ ሸነር ማዉተ ኤኬዝ ግሾስ አሲ ኡባይ ጋደ አቅስዝታይስ አዛዝንቶዳይስ ቤዝዛ። 2 የይ ግሾስ፥ ማዉተር የዝታይስ ኪትንታም እጽዛ ኦንካ ጾስ አዛዞ እጽዛ። ኪትንታም እጽዛ ኦንካ ፋል አፋ ፕርዳ ክእዛ። 3 አቅስዝታይ ኢታ ባዝ ኦꬅዝታፕ አትን ሎኦ ኦꬅዝታ ያሽሶያ። አቅስዝታይስ ያሽታማይስ ኮይኔ? የዛኮ ሎኦ ባዝ ኦꬆባ፤ ነና ጋላቶዳ። 4 ኡንቲ ኔስ ሎኦ ባዝ ኦꬆዳይስ ሹምንቴዝ ጾስ አይለ። ዝን ኔኒ ኢታ ባዝ ኦꬅኮ፥ ኡንቲ ኢታ ባዝ ኦꬄዛና ሴርዛ ግሾስ ኤዝስ ያሽቶባ ኡንቲ ቃዋ አይኬዛይ ጨረ ባያ። ኡንቲ ኢታ ባዝ ኦꬅዝታ ሴሪ፥ ጾሲ ካጭዛና ቤዝዛ ጾስ አይለ። 5 የይ ግሾስ፥ ጾስ ካች ኣዳስ ባዝን ይ ካሃይ ማርካትዝ ግሾስ ጋደ አቅስዝታይስ ኪትንቶዳይስ ቤዝዛ።

6 ይ ጊራ ጊርዛይካ የይ ግሾሲ። ጋደ አቅስዝታይ የ ኦሳ ኦꬅዛይ፥ ኡንቲ ጾስ አይሊታ ማቄዝ ግሾስ። ማቶ. 22:21፤ ማር. 12:17፤ ሉቃ. 20:25 7 ኡባይስ ቤዝዛና እንጎይታ። ጊራ ቤዝዝታይስ ጊሮይታ፤ ቃራጸ ቤዝዝታይስ ቃራጸ ጋቾይታ፤ ያሽቶዳይስ ቤዝዝታይስ ያሽቶይታ፤ ቦንቾ ቤዝዛና ቦንቾይታ።

8 ፐታይ ፐታይር ሲቅንቶይታ። ሲቆ አጮፕ አትን ይንታል አፋ ሀራ አጮ የዝፐ። አስ ዶስዛ ኦንካ ህጋይ ግዛና ፖሌዛ። 9 «ላምፐ፤ ዎꬍፐ፤ ካስትፐ፤ ዎርዶ ማርካትፐ፥ አሞትፐ» ግዝ አዛዛይኔ ሀራ አዛዞ ኡባይ፥ «ነ ዣማ ነ ኡባይ ጋርክ ቃꬎባ» ግዝ አዛዞር አጭንቴዛ። ከስ 20:13-17፤ ናምእ. 5:17-19፤ ለዊ. 19:18 10 ሲቆ ፋ ዣማይል አፋ ኢታ ባዝ ኦꬆያ። የይ ግሾስ፥ ሲቆ ህገስ ፎሎ።

11 ገንታፕ ይ ባርክዛ ዎዳይ Ꮊት ሄሌዝ ማቄዛይስ ላይꬃ ኤሮይታ። ኑ አቶትꬅ ዎዳይ ቲና ኑ አማኔዝ ዎደፕ ኣꬂ Ꮊት ኑኮ ኡኬዛ። 12 ቃማይ ኣꬌዛ፤ ጋላሳይ ኡኬዛ። ይኬ፥ ኑኒ ꬉማ ኦሶ አሺ ፖኦ ኦላ ሚሸ ዎላ አይኮዳ። 13 አን ጋላሳ ፖኦ የዝ አስ ጋርክ ዎላ ማራር የዞዳ። የꬃራኔ ማꬄራ፥ ላመራኔ ቃይጸራ *ዉሹማር ዎላ ዱማ ዱማ ቱና ኦስታይር፦ ዎይ የꬃር፥ ማꬄር፥ ዉሹማር፥ ቃይጸር ማቅፐ ግ ብሎዳይስ ዳንዳእንትዛ። ዉሹማር ዎላል ዱማ ዱማ ቱና ኦስታይ አሲ ጾስ ሞድዛይፕ ባለ ከዚ ዶአ ጻባየ ኤኪ ፖልዛ ኦሶ ጉሲ። ፓላማራኔ ቅናተራ ማቅፐ። 14 ጎዳ የሱስ ክርስቶሳና ማኦይታ፤ ይ ናጋራ ኦꬅዝ አሻይ ፋ እና ፖሎድ ጋርክ ኤዝስ ቆፕፓተ።