1 አማኖር ዳቡሬዝ ኦናካ ሺሺ ኤኮይታፕ አትን ኤ ቆፋይል አፋ ፕርድፓተ። ቆላ. 2:16 2 ኣዝሶስ፥ አማኖር ምንጌዝ ፐቲ አስ አባ ካꬃካ ማዳይስ ዳንዳእዛ። ዝን አማኖር ሚንገካ አስ አታክልተ ኣዳ ሚዛ። 3 ሚዝ አስ ሞዋ አꬃ ቦርፐ። ሞዋ አስ ሚዝ አꬃይል ፕርድፐ። ጾሲ ኡብታ ኤኬዛ። 4 ሀራ አስ አይለል አፋ ፕርድዛይ ኔኒ ኦኖ? ኤ ዳቡርን ዎይ ምንግን ፋ ጎዳይሲ። ጎዳይ ኤዛ ኤሶዳይስ ዳንዳእዛ ግሾስ ኤ ሚንጊ ኤቆዳ።

5 ማ «ፐቲ ጋላሲ Ꮊንኮ ጋላሳፕ ኣꬍዛ» ዬጊ ቆፕዛ አሲ የዛ። ሀራይ ማ፥ «ጋላስታይ ኡቢታይ ዎል ጋርክ ግና ቦንቾር የዛ» ግ ቆፕዛ። ዝን ፐታይ ፐታይ ፋ ቆፋ አካኪ አጮ። 6 ጋላስ ቦንችዝ ኦንካ ጎዳይስ ግ ቦንችዛ። ኡባ ካꬃ ሚዝ አሲ ጎዳይ ቦንቾስ ግ ሚዛ። ኤ ሚዝ የ ካꬃት ግሾስ ጾሳ ጋላትዛ። ኡባ ካꬃ ሞዋ አሲ ጎዳይ ቦንቾስ ሞያ፤ ማ ሜካ አሾራካ ጾሳ ጋላትዛ። 7 ኑፕ ኦንካ ፓስ ባያ፤ ማ ኑ ጋንጨፕ ኦንካ ፓስ Ꮊይቃም። 8 ኑ ሸምፖር የዝኮ ጎዳይስ የዞዳ፤ ማ Ꮊይቅኮካ ጎዳይስ Ꮊይቆዳ። ይኬ፥ ኑ ሸምፖር የዝን ዎይ Ꮊይቂን ጎዳይሲ።

9 ክርስቶሳ Ꮊይቂ Ꮊይቆፕ ደንዴዛይ፥ ደኦር የዝታይስኔ Ꮊይቄዝታይስ ጎድ ማቃዳይሲ። 10 የዝን፥ ኔኒ ነ እሻይል አፋ አብስ ፕርዴ? ዎይ ኔኒ ነ እሻ አብስ ለቄ? ኑኒ ኡቢታይ ጾስ ፕርዳ ዙፋነ ቲና ኤቆዳ። 2ቆሮ. 5:10

11 ጌሻ ማጻፋይድ ጎዳይ፥

13 የይ ግሾስ፥ ኑኒ ፐታይ ፐታይል አፋ ፕርድዛና ዎላ አሾዳ። ዝን ይ እሻ ꬉብꬅዛ ዎይ ቃጽꬅዛ ባዝ ኦꬃማይ ጋርክ ናግንቶይታ። 14 ጎዳ የሱሳ አማንዛ አስ ጋርክ፥ ፋ ኡባስ ቱና ማቄዝ ባዝ ባዛና ታኒ ጌሺ ኤርዛ። ዝን ፐቲ አሲ ፐትባዝ ቱና ግ ቆፕኮ የይ ኤዝስ ቱና ማቅዛ። 15 ነ ሚዝ ካꬃ ግሾስ ነ እሻ ꬉቢዛባዝ ማቅኮ፥ ክርስቶሳር የዛ ነ እሻ ቃꬎያ። ክርስቶሳ ኤ ግሾስ Ꮊይቄዝ አꬃ ነ ሚዝ ካꬃ ግሾስ ኤዛ ꬋብስፐ። 16 ይኬ፥ ይንትስ የዝ ሎኦ ባዛ Ꮊንክታይ ቦሮድ ጋርከ ኦꬅፓተ። 17 ጾስ ካተትꬃይ ጌሻ አያናይር በንትዝ ጽሎትꬅ፥ ሳሮትꬅኔ ቱማ ኡፋይሳፕ አትን ሙስ ባጋኔ ኡሽ ባጋ ባያ። 18 የይ ጋርክ ክርስቶሳስ ሞድንትዝ አስ ጾስ ኡፋይስዛ፤ አሳይ ጋንጨካ አንጅንትዛ።

19 የይ ግሾስ፥ አን ኑኒ ሳሮትꬅ በንትዝ ኦገኔ ዎል አማኖር ሚንꬅዛ ኦገ ካልዛ። 20 ካꬃ ግሾስ ግ ጾሳ ኦሶ ꬋብስፐ። ኡባ ካꬃ ጌሺ፥ ዝን ሀራ አስ ሰእስዛ ካꬃ ሙሲ ኢታ። 21 ነ እሻይ ꬉብንታም ጋርክ አሾ ማም ዎይ ኡሽ ኡዣም ዎይ ꬉቢዛ ሀራ ባዝ ኦꬃምንጽኮ ሎኦ።

22 ይኬ፥ Ꮊ ነ አማና ኔስኔ ነ ጾሳይ ጋንጨ ናጎባ። ልኬ ግ ቆፔዝባዝ ኦꬅዛ ዎደ ኤ ካሃይ ሞቶዋ አꬃይ አንጅንቴዛ። 23 ዝን ስꬊታር ሚዝ አꬃይስ ኤ ሙሳይ አማኖር ማቀካ ግሾስ ፕርድንትዛ። አማኖ ባይꬅ ኦꬅንቴዝ ኦሶ ኡቢታይ ናጋራ።