12
Maachchatinnee dawa
1 Yeypp guye, wolqqama malla salo bentteeza. Awa ma77eez, agina fa toke oommo aatheez, taphpho nam77ii xoolinttita zawude garkk fa ommal gaddeez, pettii asita bentteeza. 2 Ye asita wolqqa iitazin, izo yelos iqithi aykkin un77inttii uukkeeza.
3 Ma hara malla salo bentteeza. Laappun ommitaynnee taphphii kacitay yez damigita zoqo dawe bentteeza. E fa ommitayil afa laappun zawude gaddeeza.Daan. 7:7 4 Ye dawe fa goynayir xoolinttitaypp sikka salopp dafii sa7a oleeza. Ye daway asita na7a yelii oleezan garkk maadayis koyii, yelos iqinttiz asttii tiina eqqeeza.Daan. 8:10
5 Ye astta kaatetitha ubba biraata gufer haarodayis yez dhiirath na7a yeleeza. Na7ay Xoossikonnee e zufaanayiko udee ekintteeza.Isa. 66:7; Maz. 2:9 6 Asita pettii mukulonnee nam77ii xeetannee usuppuntam gallas hellodayis izo naagoday garkk Xoossii iis giigisii gaddeez aqa liizho gade qosintto qiteeza.
7 Salo ola medhintteeza. Mika7eelennee E kiitanchchitay dawayira olintteeza; dawayinnee e kiitanchchitaykka mahii olintteeza.Daan. 10:13 8 Zini dawaynnee e kiitanchchitay gamintteeza, yeypp salo unttis aqo dhabeeza. 9 Damma dawe, binii shooshay, sa7a dhugintteeza. Eekka Daabuloosa woy Xalahe ginttinttiz alama balithizaya. Eza e kiitanchchitayira pettipp sul oleeza.Medhe. 3:1; Luq. 10:18
10 Yeypp guye, salopp yhay garkk yeegiz giirth ta si7eeza.
«Yhatti atotith, wolqqannee kaatetithay, nu Xoossayis maaqqeeza;
mawute Kiristtoosas maaqqeeza.
Yikkee, qammannee gallas Xooss tiina,
nu ishita mootizay salopp sul dhugintteeza.Iyo. 1:9
11 Unttii duray suuthaayirannee fa markkatith qaalayir,
eza gameeza.
Unttii fa shemppos qadhinttekkazar
fana yhayiqos aathii inggeeza.
12 Yeyi gishos, salonnee e gancce yezitayo ufayttoytta.
Zini biittannee abba ayye!
Yikkee, daabuloosa faasa xiqqa wode atteezana ereez gishos
wolqqama kachchar yinttiko wodhdheeza»
yeegeeza.
13 Daway fana sa7a oleezana be7eez wode dhiirathi na7a yeleez Asito bayi7itheeza. 14 Asito shooshay qohaamay garkk liizho gadha iis giigintteeza aqo piradhdhi yhammaday garkk nam77ii wolqqama gollo qefe aazizay iis inggitteeza. Ezayid shooshay tiinaypp haakkii hayidzii laythinnee bagga bonchchor naaginttiza.Daan. 7:25; 12:7
15 Shooshay ye asito di7o ekkii qitoday garkk daway borkka haath garkk fa doonaypp asitii guyer coozh gogiseeza. 16 Zini biittay asito maaddeeza; biittay fa doona dooyii daway doonaypp kezeez haatha mixaxeeza. 17 Ye daway asittil afa iita shenttii, I zerithita, Xooss kiita naagizitannee Yesuusas ammanintteez markkita olodayis yhanigeeza. 18 Daway abba lanqqe yez shafel eqqeeza.