36
Ucuulu wa Isawu
Ula phu ucuulu wa Isawu, neehaniya Etomi. Isawu ahaathela athiyana iriyari ya asaana uKanaa: Ata mwana a Eloni, nHitita; Oholipama mwana a Anaa, mwana a Sipeyone nHivita; ni Pasimati mwana a Sumayili, mwanrokorawe Nepayote.
Isawu ahonnyarana Ata, Elifasi, ni Pasimati ahonnyarana Reweli. Oholipama ahonnyara Yewusi, Yalawu ni Korani.
Ala pha asaana a Isawu yayarenlawe ilapo yo Kanaa.
Vaavale Isawu ahaakusa asaarawe othene, asaanawe asilopwana na asithiyana na atthu othene ovatthokoni wawe; ni ahokusa mihuwo cawe, imope, mihakhu cawe ni citthu cothene caphwanyilyawe ilapo yo Kanaa, ni amwalanaka ni nhimaawe Yakopi ahothamela ilapo ikina. Kontha mihakhu caya nnyo cari cinci, ni khacareerana ukhalakhala nipuro nimoca, ni ilapo yakhalakhalaya eyo khayarina coolya cootosa mwanlattu wonama carinaya nnyo. Phimaana Isawu, neehaniya Etomi, ahorwaa ukhala mwako wo Seyiri.
Ula phu ucuulu wa Isawu athumwanaya annaEtomi, yakhalaca mwako wo Seyiri. 10 Ala phi macina asaanawe Isawu: Elifasi mwana a Ata, mwaarawe Isawu; Ruweli mwanawe Pisamate, mwaarawe Isawu. 11 Asaana a Elifasi: Teemani, Umari, Seefu, Kaayita ni Keenasi. 12 Timina ari mwaarawe oohitteeliheraninya a Elifasi, mwana a Isawu, ni ahonnyarana Elifasi Maalike; ala pha asaanawe Ata amwaara a Isawu.
13 Ala pha asaana a Ruweli: Naate, Seraa, Samaa ni Miisa; ala yari asaana a Pasimati, amwaarawe Isawu.
14 Ala pha asaana a Oholipama, mwanawe Anaa, mwanawe Sipeyone, athiyana oneeraru a Isawu; ni ahayarana Isawu: Yewusi, Yalawu ni Koraa.
15 Vano ala phi mamwene asaana a Isawu, asaana a Elifasi, ntthara na Isawu: Mwene Temaani, mwene Umari, mwene Seefu, mwene Keenasi, 16 mwene Koraa, mwene Kayeta, mwene Maliki; ala phi mamwene yayanryawe Elifasi ilapo yo Etomi; asaana a Ata athiyana oolupale a Isawu.
17 Ala pha asaana a Ruweli mwana a Isawu: Mwene Naate, mwene Seraa, mwene Samaa, mwene Misaa; ala phi mamwene yayanryawe Ruweli ilapo yo Etomi, asaana a Pasimati mwaara a Isawu.
18 Ala pha asaana a Oholipama mwaara a Isawu: Mwene Yewusi, mwene Yalamu, mwene Koraa; ala phi mamwene akhumakhumile ni Oholipama, mwana a Anaa, mwaara a Isawu.
19 Ala pha asaana a Isawu ni mamwene aya; ule neehaniya Etomi.
20 Ala pha asaana a Seyiri nHorewu, yakhalakhala ilapo eyo: Lotanimu, Sopalimu, Sipeyonemu ni Anaamu, 21 Tiisomimu, Eserimu ni Tisaamu. Ala phi mamwene o mahorewu, asaana a Seyiiri ilapo yo Etomi. 22 Ala pha asaana a Lotani: Hoti ni Homa. Mwanrokorawe Lotani eehaninya Timina. 23 Ala pha asaana a Soopali: Alvani, Manaate, Epali, Seefo ni Oona. 24 Ala pha asaana a Sipeyone: Ayaa ni Anaa; naaciya Anaa oonenenle iluusi co maasi oohiwelela ntakhwani, waahakhelawe apuuru a Sipeyone, athumwane.
25 Ala pha asaana a Anaa: Tisomi ni Oholipama, mwana mwanthiyana a Anaa. 26 Ala pha asaana a Tisomi: Hentta, Eesipa, Itera ni Kerani.
27 Ala pha asaana a Eseri: Piila, Saava ni Akaa. 28 Ala pha asaana a Tisomi: Usii ni Araa.
29 Ala phi mamwene o mahorewu: mwene Lotamu, mwene Soopelamu, mwene Sipeyamu, mwene Anamu, 30 mwene Tisomu, mwene Eserimu, mwene Tisomu; ala phi mamwene o mahorewu, toko caaryaya mamwene aya ilapo yo Seyiri.
31 Ala phi mamwene yathawaanle ilapo yo Etomi hinapaca ukhala mwene mwasaana o wIsirayeli. 32 O Etomi aholamula Peelamu, mwana a Peyori, ni ncina noparasa awe naari Tinapa. 33 Ahokhwa Peela, ni nipuru nawe, ahothawala Yopapimu, mwana a Seraa, o Posira. 34 Ahokhwa Yopapi, ni nipuru nawe, aholamulula Husamu, olapo yo Matanamita. 35 Ahokhwa Husamu, ni nipuro nawe, aholamula Hatatemu, mwana a Peetati, aarakalihile a Miitiya ncoko wo Mwape; ncina noparasa awe nari Avite. 36 Ahokhwa Hatatemu, ni nipuro nawe, aholamula Samulamu, o Masireka. 37 Ahokhwa Samulamu, ni nipuro nawe, aholamula Sawulumu, o Reyopoti, wamoca ni mooloko Ufarati. 38 Ahokhwa Sawulumu, ni nipuro nawe, aholamula Paali-Hanamu, mwana a Akipori. 39 Ahokhwa Paali-Hanamu, mwana a Akipori, ni nipuro nawe, aholamula Hatarimu; ncina noparasa awe nari Pawu; ni na amwaarawe nari Meetapeli, mwana a Materete, mwana Min-saape.
40 Ala phi macina o mamwene a Isawu, toko caryaya malokwawe, mapuro aya ni macina aya: Mwene Timinamu, mwene Aluvamu, mwene Yetetemu, 41 mwene Oholipamu, mwene Elaamu, mwene Pinomu, 42 mwene Kinasimu, mwene Temamu, mwene Mipisarimu, 43 mwene Makitiyelimu ni mwene Iramu.
Ala phi mamwene o Etomi, toko caakhaliyaya ilapo aya. Ula phi Isawu, athumwane o annaEtomi.