4
En Jesus Kajongjong
(Mark 1:12,13; Luke 4:1-13)
1 Heb 2:18; 4:15Ngen Joarwi kahlwahla Jesus nehn japwsoahn pwa en kajongjong ipen Jehsen. 2 Mwerin Ah joah mwinge rehn pahijek pel pwong pahijek, Ih mwakohkohla. 3 Joun Kajongjonngo indoa pwehng Ih, “Ma Koawoa Nihn Koahs, pwehng sakai pwiai en wiahla pilahwa.”
4 Deut 8:3Jesus japoang, “Ne insingdi nehn Puk Joarwi: ‘Jaudi pilahwahr doari armaj kak mourki pwa Mahjan ohroj ma kin indoa jang ipen Koahs.’ ”
5 Jehsenno ukla Ih nehn Jerusalem, kahnihmw joarwiho, kihdi oang Ih pohn koadkoan Umw Joarwiho, 6 Psa 91:11,12pwehng Ih, “Ma Koawoa Nihn Koahs, lujdihwe pwa ne insingdi nehn Puk Joarwi:
‘Ih pirin ruwoj Nah sohnloanngok doahr Koawoa,
irai pirin kolkihda Koawoa poahrai
pwa ehmmwen kan en joah ohla pohn sakai.’ ”
8 Jehsenno pel ukdahla Ih pohn dol illoahioau, kajalehng Ih wein jampah ohroj apel doahr ahr ling. 9 Jehsen pwehng Jesus, “Mehpwiai ohroj ngoahi pirin kioang Koawoa, ma Koawoa rukdi pwongi ngoahi.”
10 Deut 6:13Jesus pwehng ih, “Alwe jang Ngoahi, Jehsen! Pwa ne pel insingdi, ‘Pwongi Koaunno oamw Koahs, papah Ih kalahpwuk.’ ”
11 Doari Jehsenno injang Ih, a sohnloanngok indoa jeuweje Ih.
Jesus sapda padahk
(Mark 1:14,15; Luke 4:14,15)
12 Math 14:3; Mark 6:17; Luke 3:19,20Anjoauwo ma Jesus rongda pwa John ne mine nehn kalpwuhj, Ih pwurla Galilee. 13 John 2:12Ih joah koaujoan nehn Nazareth, Ih inla wud mine Capernaum, ipen jed in Galilee, nehn wein Zebulun apel Naphtali. 14 Me wiawi pwa en kapwaihahda kokohp en Isaiah:
15 Isa 9:1,2“Nehn wein Zebulun apel Naphtali,
ipen jeddo, oaloap Pillap Jordan,
nehn Galilee wija ma mihn likin dir mine!
16 Armaj ma mine nehn ros pirin kapang maram koalik oau.
Araihok ma mine nehn japw ros apel mehdi, marammo pirin dakarda.”
17 Math 3:2Jang anjoauwo inla Jesus sapda padahk, “Kamwai koaluhla, pwa Wein nehnloannge ne koaroando.”
Jesus Pangin Sohnloakjid pahmen
(Mark 1:16-20; Luke 5:1-11)
18 Rehn oau Jesus allaluhla pohn poahrinjedin Galilee Ih kapangda riari oau, Simon ma pel adanki Peter apel riah Andrew. Ara loakloakjidki nihra ukko nehn jeddo, pwa ara sohnloakjid roahmen. 19 Jesus pwehng ara, “Kamwa indoa pwilihla Ngoahi, a Ngoahi pirin wiahkihla kamwa sohnloakjidi armaj.” 20 Anjoauwohr ara kihdi nihra ukko pwilihla Ih.
21 Pel aluhla ekij Ih kapangda pel oau riari, James apel John, nihn Zebedee, mwindi nehn wararai pohsso pwili ara pahpa Zebedee, winwina nihrai ukkok. Ih pangin ara en pel indoa. 22 Anjoauwohr ara kihdi pohsso apel ara pahpa, pwilihla Ih.
Jesus Kemwehuwihla johmwehu
(Luke 6:17-19)
23 Math 9:35; Mark 1:39Jesus allaluhjili nehn Galilee ohroj, padpadahk nehn jinakoke kan, kapahrakki doahr Rongmwehu in Weiho, kemwehuwihla joangoan johmwehu ohroj ipen armaj kan. 24 Rongin Ih lel wija ohroj nehn Syria, armaj kan wahdohng Ih ohroj ma johmwehuki joangjoangoan johmwehu, irai kan ma anki moadoak koalik, irai kan ma ngen jaus dilloang loaloa, pel irai kan ma anki epilepsi apel mwoasor — Ih kemwehuwihla ohroj. 25 Pokon koalik pwilihla Ih wija ma Ih inla — armaj jang Galilee, jang Decapolis, jang Jerusalem, jang ohroj Judea, apel jang palimese in Pillap Jordan.
4:1 Heb 2:18; 4:15
4:4 Deut 8:3
4:6 Psa 91:11,12
4:7 Deut 6:16
4:10 Deut 6:13
4:12 Math 14:3; Mark 6:17; Luke 3:19,20
4:15 Isa 9:1,2
This is a DRAFT translation. Please email comments and suggestions for improvement to peter_knapp at sil dot org, giving the translation, book, chapter, verse, current reading, and suggested reading.