1 En kaimwjekla, rioai kan, kamwai perperenki amwai oauwoang Koaunno. Ngoah johpwa kadroapwki oai en kapwkapwurihoang iroahk ma ngoah ne insingehdi mwowoa, apel kamwai pirin injenmwahuki ma ngoah wia me. 2 Kamwai mwajahn irai kan ma kin wia joang nauna kan, irai doahk kan, irai ma ngihsehse in poaloahpijoang palwarro. 3 Jaudi irai, a ioar kisai ma ne oaloahdi jorkomjaij mehlello, pwa kisai kin joarwihoang Koahs jangin Ngenin Koahs apel malauki asai mour in oauwoang Christ Jesus. Kisai johkin liki siahk in majlikin kan. 4 Ngoah kak oar, ma doahr, likihla joang pwiai. Ma emen in kamwai leme pwa ih kak liki siahk in majlikin, ngoah kapwa anki dirin kahrpoa ngoahi en wia joanngoauwo. 5 Rom 11:1; Wih 23:6; 26:5Ngoah jorkomjaijla rehn waluh mwerin oai noaisikdi. Ngoah pwildak in Israel men, kijehn kadaudok in Benjamin, ma insa mwakelkel in mihn Hebrew. Doahroar mwomwen kolkol en mihn Jew Kojonneddo, ngoah Pharisee men, 6 Wih 8:3; 22:4; 26:9-11 apel uhwen oai poadidi, ngoah kin koalkoa mwomwohdjo. Uhwen en armaj men kak mehlel pwa jangin ah peikkoang ruwoj in Kojonneddo, ngoah pwanah joh oai japwung. 7 A ohroj joang pwiok ma ngoahi kin kak wadek pwa kaspoa, apkas ngoah ne wiahkihla pwa joh kaspoa pwa jangin oadoan Christ. 8 Jaudi mehpwiokoar; ngoah johla kaspoahki joang ohroj pwa mine joang pwi ma inenin kaspoa jang, ioar loalkoang in Christ Jesus oai Koaun. Oang in oadoa, ngoah ne kerpwihla joang ohroj; ngoah wiahkihla meohroj kid, pwa ngoah en kak johjohki Christ 9 apel oauwoang Ih in unjek. Ngoah ne joh pein oai pwung mehlel, joanngo ma kin kolkoldi jangin peikkoang Kojonneddo. Apkas ngoah anki pwung mehlello ma kin indoa jangin pwojon Christ, joangoan pwunngo ma indoa jang Koahs apel poahjoankihda pwojon. 10 Ioarroar ngoah mwehuki, ngoah en kidalla Christ apel poahm manman in Ah iejda, ngoah en pwili Ih nehn koaloklok kan, apel doahroarla Ih nehn Ah mehdi, 11 nehn oai koapwoarpwoarki ma pein ngoah pirin pel iejda jang mehdi.

12 Ngoah johkak pwa ngoah ne pwoaida ke unjekla. Ngoah kin enngengdehnnoang en oaloahdi kijakijjo, ma ioar Christ Jesus ne nainkihla ngoahi. 13 In mehlel, rioai kan, ngoah johpwa leme pwa ngoah ne oaloa kijakijjo. A ioarroar, mehkijjoar ngoahi wia ioar moalkoahla da ma ne doarihla, apel wia uhwen oai kak pwa ngoah en lel da ma mine mwohioa. 14 Doari, ngoah kin kijou inenwehng imwin, pwa ngoah en oaloa kijakijjo, ma ioar mourro nehnloannge ma Koahs panginki kisai nehn Christ Jesus.

15 Kisai ohroj ma koahiok nehn lamlam joaroawi koanoahng anki joangoan poapoahm oauwe. A ma epwi kamwai anki poapoahm sohrohr jang me, Koahs pirin kajalehioang kamwai. 16 Joah lipilpil mwomw dahioau, kisai engdehnwe mwowoa doahroar koajoandi kan ma kisai kin kapwaihahda leldo apkas.

17 1Cor 4:16; 11:1Rioai kan, kamwai joah uhdi amwai kin japjang ngoahi. Soahk kanaihoang irai kan ma kapwaihahda koajoandi kan ma kamai koajoanehng kamwai. 18 Pehn dir mwowoa ngoahi ne pwehng kamwai joanngoauwe, ngoah pirin pel kajpahlihoang, pwilihoar pilen mijoaihoa, dir ma arai mour kahrehioang irai wiahla imwinsihsihn Christ Ah mehdi in lohpwuhwo. 19 Irai pirin imwjekla nehn ehl pwa arai kohs ioar inoang en palwoaroarai kan. Irai kin juweiki joang kan ma irai koanoahng mehkki; irai kin lemleme mihn nehn jampah. 20 A kisai wia sowoa mehlel in nehnloannge; kisai kajik asai Jounkoamoaur, Koaun Jesus Christ, en indoahjang nehnloannge. 21 Ih pirin ukudla palwoaroasai kan ma jasihkei apel kin mehdi; ih pirin wiahng irai en doahroarla pein palwoaroa ma lingin klohri, doadoahkki manmanno ma mweidoahng Ih en kihpene meohroj pehn Ah koajoandi.