1 Rioai kan, ia uhwen oai kin kajampwalki kamwai, apel ia uhwen oai kin loaleidki kamwai! Kamwai kin kaperenihda ngoahi mehlel doari ngoah kin juweiki kamwai mehlel. Rioai kan, ioar mwomwen amwai koanoahng uhda soangsoang nehn amwai mour oang Koaunno.

2 Euodia apel Syntyche, menlau ngoah poaki kamwa en jong en pwungpene doahroar riari oau ipen Koaunno. 3 Apel koah ioangoai poadidi en, ngoah nimen koawoa en jeuweje li kai pwa ira ne wia doadoahk apwal pwili ngoahi kalohkihjili Rongmwehuwo, pasoahng Clement apel ohroj irai ioangoai sohn doadoahk kan ma oadoarai ne mine nehn nihn Koahs puk in mourro.

4 Kamwai en malmalau anjoau ohroj nehn amwai minmin oang Koaunno. Ngoah pwuroahng pwa: malmalau!

5 Kamwai kadekkoang armaj ohroj. Koaunno pirin [ken] indoa anjoau koaroan. 6 Joah pwunodki mehkij, a nehn ohroj amwai kapkap kan poaki Koahs da ma kamwai anahne; poakpoaki Ih ki mohngiong in kaping anjoau ohroj. 7 En Koahs moaloailoai, ma inenin jikjang en armaj loalkoang, en kolkol amwai mohngiong kan apel lamlam kan nehn amwai oauwoang Christ Jesus.

8 Rioai kan, en kaimwjek, kamwai audohkihda amwai lamlam joang kan ma mwehu apel koanoahng oaloa kapingpoa: joang kan ma mehlel, laplap, pwung, mwakelkel, ling, apel woaun. 9 Kamwai doadoahkki da ma kamwai padahki apel oaloa jang ipoai, jang in oai sikesik apel oai wihwia kan. Doari, Koahs ma kin kioang kisai popohl en pwilpwili kamwai.

10 Nehn oai mour in oauwoang Koaunno, wia me kamalau oau oang ngoahi, mwerin anjoau woaroai, kamwai en pwuroahng anki anjoau mwehu in kajalehng ngoahi pwa kamwai kajampwalki ngoahi. Ngoah joah pwa kamwai ne uhdi kajampwalki ngoahi — a en kawoahwoa pwa pwen joh amwai anjoau mwehu in kajalehda. 11 Ngoah johpwa siksikoa me jangin oai poapoahm in kerpwihekla; a jangin oai ne kidalla isarki da ma ngoah anki. 12 Ngoah kidal mwomwen mour nehn anjoaun anahn apel mour nehn anjoau ma kin koalikjang isar. Ngoah ne woahwoahkihla iroa rir oauwe, pwa nehn wija ohroj, anjoau ohroj, ngoah pwen injenmwahu, mihndahr ma ngoah moad ke mwakohko, ke ngoah anki koalikla ke siksikla. 13 Ngoah anki sihkei in wia joang ohroj jang in manmanno ma Christ kin kihdoahng ngoahi.

14 Doari, inenin mwehu amwai jeuweje ngoahi nehn oai apwal kan. 15 2Cor 11:9Kamwai mihn Philippi kan woahwoahki pwa ngoah injang Macedonia anjoau pispis mwerin kalohki Rongmwehuwo sapda. Kamwai ioar mwomwohdjo wa ma kalahpwuk jeuweje ngoahi. Kamwaihoar kin jeuweje ngoahi nehn oai paimwehu kan pel nehn oai paijuwed kan. 16 Wih 17:1Dir jang pehn oau ngoah kin anahne jauwaj nehn Thessalonica, kamwai kin kadardohng ngoahi jauwaj. 17 Jaudi pwa ioarroar ngoahi nimen oaloa kijakij; in mehlel, ngoah nimen kapang pai en kapaspas oang amwai pwaij kan. 18 Exo 29:18Doari, ioar noai peipahn kadehde joang ohroj kamwai kihdoahng ngoahi; koalikjang da ma anahn! Ngoah ne oaloa joang ohroj ngoah anahne apkas nehn en Epaphroditus ne wahdohng ngoahi amwai kijakij kan ohroj. Kijakij pwiai doahroar meiroang karahdinnoau oang Koahs, meiroang oau ma Ih kin pwungki apel perenki. 19 Doari, jangin koalikin Ah koapwoahpwoa ipen Christ, oai Koahsso pirin kioang kamwai meohroj kamwai kin anahne. 20 Klohri en aluhwoang Jamasai Koahs jang apkas apel allaluhla. Amen.

21 Rahnmwahu oang emen emen *nihn Koahs armaj ke armaj joaroawinihn Koahs armaj kan ma pel wia kijehn Christ Jesus. Irai kan ma kamehlele mine ipoai pel kadar arai rahnmwahu. 22 Ohroj †nihn Koahs armaj ke armaj joaroawinihn Koahs armaj ma mine me kadarwe rahnmwahu, a in mehlel irai ma sohn soahnpaj in ‡nahmwarki laplappo ke Caesarnahmwarki laplappo.

23 Mweidoahng kalahngan in Koaunno Jesus Christ en minmine ipamwai ohroj.