1 Na kilumbu yina, nge ke tuba mutindu yayi:

«Yave mu ke na kukembila nge,

samu ti ata ti nge dasukilaka munu,

nkele ya nge me manisa ya yawu,

mpe nge me kindisa munu.»

2 «Ya tsyelika, Yave kele Muvuukisi ya munu,

mu ke na kivuuvu mpe ata kima ke na kutalisa munu boma,

samu ti ngolo ya munu mpe lulendo ya munu ni Yave Nzambi,

Yandi kele Mpulusu ya munu.Kbk 15.2; Mga 118.14»

3 Na kyese nyonso, beno ke kwenda teka maza,

kuna na bayinto ya mpulusu.

4 Na kilumbu yina, nge ke tuba mutindu yayi:

«Beno kembila Yave, beno tanguna Nkumbu ya yandi,

beno zabisa mambu ya yandi ya nene na sika ya bantu ya bayinsi,

beno bambula moyo na bantu nyonso ti Nkumbu ya yandi kele ya kuzanguka.

5 Beno yimbidila Yave,

samu ti yandi ke salaka mambu ya mbote.

Bika ti ba zabisa yawu na ntoto nyonso!»

6 Beno bantu yina ke zingaka na Siyone,

beno yangalala mpe beno sala milolo ya nsayi!

Samu ti Nzambi yina kele na beno,

yandi kele Nzambi ya nene, Nzambi ya longo ya Isayeli!