ba ke yimbilaka yawu na bansambi.

Mukunga ya Davidi.

2 Ntangu mu ke lookaka na sika ya nge, samu ti nge sadisa munu,

nge Nzambi yina ke nwaninaka munu, nge ke kuwaka munu!

Ntangu mu ke vwandaka na kati ya mpasi, nge ke kuulaka munu!

Nzambi lakisa munu bumbote ya nge,

kuwa lusambulu ya munu!

3 Beno bantu, tii wapi ntangu beno ke kitula nkembo ya munu na nsoni?

Tii wapi ntangu beno ke tatamana na kuzola mambu ya mpamba mpe kulanda luvunu?

4 Beno fwana kuzaba dyambu yayi:

Yave me soola samu na yandi mosi muntu ya kukwikama.

Yave ke kuwaka munu ntangu mu ke bokilaka yandi.

5 Beno dasuka ya beno, beno sala masumu ve.

Na ntangu ya kulala, beno yindula

mpe beno vwanda swii.

6 Beno pesa minkayulu ya kulunga,

yina Musiku ke na kutumisa

mpe beno vwanda na kivuvu na Yave.

7 Mingi ke na kutuba mutindu yayi:

«Nani ke sala ti beto kuvwanda na buyenge?

Yave kyenzola beto na nsemo ya kizizi ya nge.»

8 Nge ke fulusaka ntima ya munu na nsayi kulutila bawu,

ntangu bawu ke vwandaka na bambuma ya faline mpe vinu ya mingi ya malu-malu.

9 Mu ke lalaka mpe mu ke kuzwaka mpongi na kizunu.

Ya tsyelika, kaka ni nge mosi Yave ke salaka ti mu zinga na kati ya lukengolo.