Oo Nzambi bumba munu.

Ni nge kele kiswamunu ya munu.

2 Mu ke tuba na Yave:

«Nge kele Mfumu ya munu,

nge kele kimvwama ya munu ya kulutila!»

3 Bantu ya longo yina kele na yinsi,

ni bawu kele bantu ya lulendo,

bawu ke yangidikaka munu.

4 Banzambi ya bawu ya biteki ke na kufuluka,

kana ya nkaka me talana, bawu ke landa yawu.

Mu ke tula ve menga ya bibulu na zulu ya minkayulu ya bawu ya malafu.

Mu ke tanguna ve bankumbu ya bawu na yinwa ya munu.

5 Yave nge kele kikunku ya munu, mbungu ya munu.

Ni nge ke simbaka luzingu ya munu na maboko ya nge.

6 Nge tulaka yawu bandilu,

ya kele nsaba ya kitoko mingi,

ya kele mvwilu ya kitoko samu na munu.

7 Mu ke na kutonda Yave, ni yandi ke pesaka munu malongi,

ata na mpimpa, ntima ya munu ke lwengisaka munu.

8 Mu ke na kutala Yave ntangu nyonso na mantwala ya munu,

ntangu yandi kele na lubakala ya munu, mu lenda kubwa ve.

9 Ntima ya munu ke na kuyangalala,

mwela ya munu me fuluka na kyese,

nzutu ya munu ke na kupema na lukengolo nyonso.

10 Ya tsyelika, nge ke bika munu ve na kati ya yinsi ya bantu ya kufwa,

nge ke ndima ve ti nzutu ya muntu yina me kwikila na nge, yawu kubola na kati ya ndyamu.

11 Nge ke lakisaka munu nzila yina ke pesaka luzingu,

kyese kele ya mingi na ntadisi ya nge,

nsayi ya mankululu kele na lubakala ya nge.