2 Bika ti Yave kupesa nge mvutu na kilumbu ya mpasi!

Bika ti Nkumbu ya Nzambi ya Yakobi kukeba nge!

3 Katuka na Yinzo ya yandi ya longo, bika ti yandi kusadisa nge,

katuka kuna na Siyone, bika ti yandi kupesa nge maboko.

4 Bika ti yandi bambuka moyo na makabu nyonso yina nge ke pesaka.

Bika ti yandi kundima minkayulu ya nge ya kuyoka.

5 Bika ti yandi kupesa nge yina ntima ya nge ke na yawu nsatu,

bika ti yandi kulungisa nyonso yina nge zola kusala!

6 Beto ke sala milolo ya nsayi samu na mpulusu ya nge,

beto ke telemisa dalapo na nkumbu ya Nzambi ya beto,

Yave ke lungisa nyonso yina nge ke lomba yandi.

7 Ntangu yayi, mu me zaba ti Yave ke vuukisaka muntu yina yandi me byeka.

Nzambi ke pesaka yandi mvutu katuka na Yinzo ya yandi ya longo kuna na zulu,

mpe lusalusu ya diboko ya yandi ya lulendo ya lubakala.

8 Mingi ke na kutula kivuvu na bipusu-pusu ya bawu ya mvita,

ba ya nkaka ke na kutula kivuvu na bampunda ya bawu,

kasi beto, ni Nkumbu ya Yave, Nzambi ya beto, beto ke bokilaka.

9 Bawu ke na kulemba mpe bawu ke na kubwa,

kasi, beto kele ya kutelama mpe beto ke na kuvibidila.

10 Yave, vuukisa ntinu!

Bika ti yandi kuwa beto,

kilumbu yina beto ke bokila yandi!