Yave, nungisa munu!

Samu ti mu ke landaka nzila ya kusungama,

mu ke tulaka kivuvu ya munu na Yave, mu ke kubwa ve!

2 Yave fyongonina munu, meka munu,

tala mbote-mbote luketo mpe ntima ya munu.

3 Kukwikama ya nge kele na ntwala ya meso ya munu,

mu ke na kulanda nzila ya butsyelika.

4 Mu ke vwandaka ve na bantu ya luvunu,

mu ke tambulaka ve na bantu ya bantima zole.

5 Mu ke yinaka mukangu ya bantu yina ke salaka yimbi,

mu ke vwandaka ve kintwadi na bantu ya yimbi.

6 Mu me sukula maboko ya munu kidimbu ya muntu me sala ve yimbi,

mu ke zungidila kiyokolo ya nge ya minkayulu, Yave,

7 samu na kuvutula matondo,

mpe kusamuna mambu ya nge ya ngitukulu.

8 Yave, mu zola Yinzo kisika yina nge ke zingaka,

mpe kisika yina nkembo ya nge ke vwandaka.

9 Kusemba munu ve mutindu mosi na misumuki,

kukatula ve luzingu ya munu mutindu mosi na bayina kufwaka bantu.

10 Maboko ya bawu ke salaka mambu ya busafu,

maboko ya bawu ya lubakala me fuluka na madeso ya bana.

11 Kasi munu, muke tambula na kusungama nyonso.

Kuula munu mpe tala munu kyadi.

12 Mu ke na kutambula na nzila ya kusungama,

mu ke tonda Yave na kati ya balukutakanu.