2 Yave kele Nzambi ya nene,

yandi me lunga na kuzwa masiika na mbanza ya Nzambi ya beto,

na zulu ya mongo ya yandi ya longo.

3 Yawu kele kitoko, mongo yina kele kyese ya ntoto nyonso,

mongo ya Siyone, kuna na kati ya ndilu ya node,

ni yawu kele mbanza ya ntinu ya nene.

4 Nzambi na kati ya bayinzo ya yandi ya kitoko,

ba me zaba yandi mutindu kiswamunu.

5 Ya tsyelika, bantinu vukanaka,

bawu belamaka bawu nyonso.

6 Bawu me tala Nzambi, bawu me yituka,

bawu me kuma na boma, mpe bawu me kima.

7 Kaka kuna, boma simbaka bawu,

mutindu misongo ke simbaka kento na ntangu ya kubuta,

8 mutindu mupepe ya esete

ke mwangisaka bamasuwa ya Talesise.

9 Mambu yina beto me kuwa,

beto me tala yawu na mbanza ya Yave Nzambi ya Binwani,

na mbanza ya Nzambi ya beto.

Nzambi ke sala ti mbanza kuzingila bantangu nyonso.

10 Nzambi, beto ke na kubambuka moyo na kukwikama ya nge, na kati ya Yinzo ya nge.

11 Nzambi, nsangu ya Nkumbu ya nge me kuma tii na bandilu ya ntoto,

bantu ke na kuyimbila nge mukunga ya nzitusu.

Nge ke sadilaka ludedomo, bantangu nyonso.

12 Mongo ya Siyone ke na nsayi,

bandumba ya Yuda ke na kuyangalala,

samu na banzengolo ya nge.

13 Beno zunga Siyone, beno tambula na kwendaka zunga yawu,

beno tanga lutangu ya bayinzo ya yawu ya mutela ya yinda.

14 Beno zola bibaka ya yawu ya lukengolo,

beno tala mbote-mbote bayinzo ya yawu ya kitoko

samu na kuzabisa yawu na bambandu yina ke kwiza.

15 Nzambi yayi kele Nzambi ya beto samu na bantangu nyonso, mpe mankululu,

ni yandi kaka ke twadisa beto tii na lufwa.